Maika 5:4 - Yennu Gbouŋ Mɔɔr

⁴ U-u taŋi baar, u saa dia u niib nan paŋ nba saa nyi Yennu boore, nan yiikoo nba tee ŋɔɔ Yabint Yennu tiɔŋ yar. U niib tan sii be nan laafia, kimaan durinya na kur niib tan saa bann u yabint nba tee,

Maika 5:4 ပူးပေါင်းရင်းမြစ်များ

Yaŋ 145:12

ki lin te sɔɔ kur n bann a paŋ toona, nan a naangbouŋ baakir nan yiikoo po.

Yaŋ 22:27

Digbana kur saa tiar Yennu po. Durinya munn saa ŋmant u paak, ki booru kur saa jiantɔ.

Yaŋ 72:19

Ii dont u baakir sann, nan yoo nba kaa gbennu. Tingbouŋ na kur n gbee nan u baakir. Mamɔmm nan mamɔmm.

Yaŋ 72:8

Ki u tingbouŋ yent saa lat ki nyi mɔkgbeŋir ki saa tuu mɔkgbeŋleer; ki nyi Yufrates mɔkir ki saa tuu tingbouŋ kur po.

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Yaŋ 98:3

U dia u mɔsonn nba ki u din senn ki tur Israel teeb na, nan u mamɔmm nan u lonchiɔŋ nba ki u turib. Nisaarii nba be siar kur po la Yennu nyannu nawa.

Nyinu 23:21

Gbiintir u maan ki sak u mɔb. I daa yêen u maan ki kɔn nanɔ, kimaan mine tumɔ, ki u kan nyik chab i mɔyêtuku.

Aisaya 45:22

“Durinya kur niib, baat n boor man ki la tinnu. Min kɔɔe tee Yennu nba be.

Aisaya 49:5

Bi din tan maarin na ki sɔɔ Yennu gannima, u teenin u toontunnɔe a man jen nan u niib nba tee Israel teeb ki yat na. Yennu-e teenin baakir, n paŋ nyi u niŋe.

Aisaya 52:10

Yennu saa jii u kasii paŋ na ki tinn u niib, ki durinya niib kur saa lar.

Aisaya 52:13

Ki Yennu yet a, “N toontunnɔ saa la nyannu u toona niwa, u saa la baakir bonchiann.

Aisaya 8:7

min Yennu saa baar nan Asiria kpanbar nan u jab kur ki bin wor Juda. Bi saa tia ki lek nan Yufrates mɔkir nba tuu gbee nan li mɔkgbiant biaŋinba nae.

Maika 7:14

Yennu, i tee nan pekpaarik na, kii gorii a niib, niib nba ki a gannib na. Baa lek bɔkit ki kɔɔ kunkoouk paak na, ŋaan tinkpiasir be ki lintiba. Ŋaant ki bin saan kii di Basann nan Gilead tinkpiasir na ni, nan baa din tuu di sianyoo biaŋinba na.

Sekaria 13:7

Yabint Yennu yet a, “Jukbanjiak, fiit ki lek pekpaarik nba tuun n toonn na. A kpiu, ki pei na n yat. N saa lek n niib,

Sekaria 9:10

Yennu yet a, “N saa nyinn tɔb taantorit Israel teeb boor ni, ki nyinn taanii nba be Jerusalem na, ki biir tɔdaat nba ki bi jii kɔn kɔnn na kur. I kpanbar na saa baar nan parmaasir booru kur ni, laa nyi mɔkgbeŋir ki saa tuu mɔkgbeŋir sii be u yent ni, laa nyi Yufrates mɔkir ki saa tuu tingbouŋ na paak, li be u yent nie.”

Malakai 1:5

Israel niib saa la linba na nan bi mɔŋ ninbina, ki saa yet a, “Yennu tee Yenjaanne, halii nan binba ki tee Israel teeb na boora.”

Matiu 16:18

Fin Piita, min ŋarin beerae, a tee tanne; ki tanpiiuk na paake ki n saa jii n niib ki senn; ki kuun kan fit nyannibi.

Matiu 2:6

‘Fin Betlehem nba be Juda yent ni na, a ki tee tinbik kaa Juda yiar ni, kimaan batsɔɔ tan saa nyi a nie, ki ŋɔɔe tan sii yen n niib Israel teeb.’ ”

Matiu 25:31

“Tɔn, min nisaarik Bik-i taŋi jen nan n paŋ nan malakanba kur yoo nba, n saa kar n naangbouŋ paak, ki la baakchiɔŋ,

Barŋanii nba ki LUK din sɔb nae na 1:32

U tan sii tee nijaanne, ki bi yiu Yabint Yennu Bija. Ti Yomdaanɔ Yennu saa te ki wun di u yeeja Defid naan,

Jɔɔnn 10:38

Ŋaan li-i tee ki n tuun ŋɔɔ Yennu toona maŋie, li-i lekii tee ki i ki teenin yada, ŋaan yin teen n toona maŋ yada. Ŋanne ki i saa bann barmɔnii nan n Baa Yennu be n ni, ki n mun bia be u ni.”

Jɔɔnn 20:17

Ki Yiisa betɔ a, “Daa somi, kimaan n daa ki doo sanpaapo n Baa boori; ŋaan i saa n naa waas boor, ki saa betib a n saa do sanpaapo, wunba tee n Baa nan i Baa na boora; ŋɔɔe bia tee n Yennu nan i Yennu na.”

Efesus teeb 1:3

Ŋaant ki ti tur Yennu, wunba tee ti Yomdaanɔ Yiisa Masia Baa na niipoouk man, kimaan taa be Yiisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.

Juud 1:1

Min Juud nba tee Yiisa Masia toontunnɔ, ki bia tee Jeems naa bik nae sɔbin gbouŋ na, ki teen niib nba ki ti Baa Yennu gannib ki loonib, ki Yiisa Masia guub na.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”