Maika 4:9 - Yennu Gbouŋ Mɔɔr

⁹ Bee ki a bui sanpaapo nna? Bee ki a mann fara, nan poo nba tuu mɔ matyiaru na? Li tee faa ki mɔk kpanbar, koo ki a kpaanteeb bia kpo na paake-e?

Maika 4:9 ပူးပေါင်းရင်းမြစ်များ

Aisaya 13:8

Jaŋmaanii saa soor bi kur, ki gbanantont saa nyannib, nan poo nba tuu kar matdaaŋ paak ki li tonɔ na. Bi sii gorii leeb nan jaŋmaanninbinae, ki fei n kpib.

Aisaya 21:3

Maa la linba, nan maa gbat linba yirintu maŋ ni kɔɔnin jaŋmaaniie, ki turin gbanantont, li tonu tee nan poo nba tuu yaa wun mar ki li tonɔ nae.

Aisaya 26:17

Fin Yennu-e te ki ti bui nan poo nba tuu yaa wun mar ki li tonɔ biaŋinba na.

Jeremaya 22:23

I be i yamanie, i ŋei nba ki bi nyii nan kpekii Lebanonn ki maa na ni, ŋaan tont-i baari yoo nba, i sii mɔk ninbaauk bonchiann, ki tont maŋ sii tee nan poo nba tuu mɔ matyiaru nae.

Jeremaya 30:10

N niib, i daa tiin jaŋmaanii. Israel teeb, i yan daa puti. N saa nyinni digbanbanfɔkir na niwa, tiŋ nba ni ki i tee yommii na. I saa jen kpen, ki sii be i yamani. I sii be fanu, ki sɔɔ kan kɔɔni jaŋmaanii.

Jeremaya 4:21

N saa la tɔb ninmɔnn nan naatuna mɔnii ki lin wei nlee?

Jeremaya 4:31

N gbat mɔŋ, ki li tee nan poo nba tuu yaa wun mar na, ki gbat wuyikiŋ ki li naan nan poo nba tuu yaa wun mar u sapaanmar na. Jerusalem mɔ ki loon wamaasin wun foont, ki tantir u nuu ki yeen a, “N boonta. Bi baate a bin kpin.”

Jeremaya 48:41

ki bi saa nyann doi nan ŋapaara na. Li daar, jaŋmaanii saa soor Moab jab, nan poo nba tuu kar matdaaŋ paak, ki jaŋmaanii mɔkɔ nae.

Jeremaya 50:43

Babilonn kpanbar gbat labaar nawa, ki u nii sɔɔne. Yanputuk nyannɔwa, ki li tonu tee nan poo nba kar matdaaŋ paak na.

Jeremaya 8:19

Gbiintir. N gbia n niib wuyikinii tiŋ na munn po a, “Yennu ji kaa Sayɔnne-e? Sayɔnn kpanbar na ji kaa leŋe-e?” Ki Yennu nba tee bi kpanbar na jiin a, “Bee ki i jiantir i pata, ki gbaa jiantir boorganii yennii nba kaa nyɔɔt na, ki donn n wutoori?”

Fabinii 4:20

Ki bi soor wunba ki ti manfoor dindann gaa u paak na, ŋɔɔe tee kpanbar nba ki Yennu gann, ki tee daanɔ nba ki ti teenɔ yada nan u saa guurit ki tin nyi binba saa lekit na nuu ni.

Hosea 10:3

Ki niib maŋ ji sii yeen a, “Ti ki mɔk kpanbar, kimaan taa ki baakit Yennu na paak; ki ti-i lekii mɔk kpanbari, lanne ki u saa tun turit ŋarimi?”

Hosea 13:13

Israel teeb mɔk yaak nba ki bi sii be bi manfoor ni, ŋaan jatiie yabitib nan bin gaarir, nan baa tuu yaa bin mar sanpantik ki wun yêt poor ni nyinu biaŋinba na.

Hosea 3:4

Ki nna bannue ki Israel teeb sii be ki lin wei, ŋaan ki bi kii mɔk kpanbara koo tɔɔndammi, ki kii mann maruŋu, koo ki mɔk jiant-tana, ki kii mɔk manntɔɔ liatjabiki, koo ki mɔk pata, koo ninnansiar nba ki bi sii gorii ki buntiri.

Maika 5:3

Yennu saa ŋaa u niib ki tur bi datai, ki tan tuu yoo nba ki poo nba yaa wun mar na saa mar u bonjak. Ki li yoo, bik na doo ni niib nba bo kɔɔ digbangann ni na, saa ŋamm lakin ki taan nan bi tiɔŋ doo ni niib.

Jɔɔnn 16:21

“Li tee nan poo nba tuu yaa wun mar, ki mɔk parbiir nae, kimaan u biak yoo baara, ŋaan wuu taŋi mar bik yoo nba, u ji tuu tamm u biak na poe, ki ji mɔk parpeenn nan waa mar bik tingbouŋ ni na paak.

Fiitu 12:2

ki poo maŋ mɔk poor, ki bui matyiaru.