Maika 4:6 - Yennu Gbouŋ Mɔɔr

⁶ Yennu yet a, “Yoo baate ki n tan saa tikir niib nba ki n dat bi tuba na ki lakimm, binba dii wahala digbangann ni na.

Maika 4:6 ပူးပေါင်းရင်းမြစ်များ

Yaŋ 147:2

Yennu ŋammit Jerusalem-e, u jent nan binba ki datai din soorib ki yaat namm nae.

Yaŋ 38:17

N ji yaa man baae ki be nan tont yoo kur.

Aisaya 56:8

Yabint Yennu nba nyinn u niib Israel teeb yommisin ni, tingaŋ ni, ki kpen namm na, senn mɔsonn nan u saa baar nan nileeb ki pukin bi paak.

Jeremaya 3:18

Yimm Israel teeb saa lakin nan Juda teeb, ki saa nyi yommisin ni, gaŋ po tiŋ na ni, ki jen tiŋ nba ki n tur i yeejamm, a lii yɔɔ kii tee i yent na ni.”

Jeremaya 31:8

N saa nyi namm gaŋ po ki baar namm, ki bia nyi namm tingbouŋ na kpinii kur po ki baar namm. Jɔɔnii nan dianii saa weib ki baar, ki podamm nan binba yaa bin mar kur saa baar. Bi saa jen ki tee digbanjaanne.

Esekiel 36:24

N saa nyinni booru kur ni, nan digbana kur ni, ki jen nani i tiɔŋ tiŋ ni.

Maika 2:12

“Ŋaan yimm Israel teeb nba biar na, n saa taani bɔyennkɔɔ nie. N saa taani nan pei nba tuu jen pelook ni biaŋinba na. Ki i bia sii tee nan pei nba tuu gbee pekpaarboor na, ki i tiŋ saa ŋamm gbee nan niib bonchiann.”

Sefania 3:19

Yoo baate, ki n tan saa dat binba dia-i diabiik na tuba. N saa nyinn wɔbii na kur bi wahala ni, ki kpen nan binba tee yommii ki be digbangann na. N saa ŋmant bi fei dinu na ki li ji sii tee jirima, ki durinya niib kur saa pakib.

Barŋanii nba ki LUK din sɔb nae na 19:10

Min nisaarik Bik baar a n lon binba bot nae ki lab ki tinnib.”

Jɔɔnn 10:16

Pelei be ki tee n yab, ŋaan ŋamm kaa pelook na ni. See ki n baar nan ŋamm mun biak, ki bi saa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.