Maika 4:2 - Yennu Gbouŋ Mɔɔr

² Niib maŋ tan sii yeen a, “Ŋaant ki tin do Yennu kunkonn na paak, ki saan Israel teeb Yenjiantu ŋasaakak na ni. Ki u saa wannit waa loon ki tin tun linba; ki ti saa somm sɔnii nba ki u gann na ni. Kimaan Yennu wannu na nyii Jerusalem-e, ki u be Sayɔnn ki piak teen u niib.”

Maika 4:2 ပူးပေါင်းရင်းမြစ်များ

Yaŋ 110:2

Yennu sii be Sayɔnn nie ki tant a naangbouŋ. U yeen a, “Ii dia a datai.”

Yaŋ 119:1

Parpeenn tee daansiab nba kaa biit na yare, binba dia Yennu sennu na.

Yaŋ 119:171

N saa yin yaŋe ki donta, kimaan a wannin a sennuwa.

Yaŋ 122:1

Li bo maŋime yoo nba ki bi yetin a, “Ŋaant ki tin saan Yenjiantu ŋasaakak ni.”

Yaŋ 25:12

Niib nba tiin Yennu, ŋamme saa tumii ki bann u sɔnii nba ki bi saa tɔkin,

Aisaya 2:3

Ki bi niib sii yeen a, “Ŋaant ki tin do Yennu kunkonn paak, ki saan Israel teeb Yenjiantu ŋaak na ni. U saa wannit waa loon tin tun linba; ti saa somm sɔnii nba ki u gann ni, kimaan Yennu wannu nyi Jerusalem-e; u be Sayɔnn-e ki piak nan u niib.”

Aisaya 54:13

“N tiɔŋo saa tumii a niib, ki turib gor nan parmaasir.

Aisaya 56:7

“N saa baar nani Sayɔnn, n kasii kunkonn na boor, ki turi parpeenn, n miaru ŋaak na ni, ki ji gaar i maruŋ nba ki i mann n binbintir paak na. Bi sii yi n ŋaak na nibooru kur Yenmiaru ŋaake.”

Jeremaya 31:6

Barmɔnii, yoo baat ki guuteeb tan sii be Efraim kunkona paak, ŋaan yiin leeb ki yet a, ‘Ŋaant ti do Sayɔnn man, ti Yomdaanɔ Yennu boor.’ ”

Jeremaya 42:3

Miat nan ti Yomdaanɔ Yennu n wannit taa sii tɔkii biaŋinba, nan taa sii tuun linba.”

Hosea 6:3

Ŋaant ti tumii ki bann Yennu. Laa tee barmɔnii nan yonnu saa do na, ki bia tee barmɔnii nan kpafusaak saa baa na, nnae mun li set tee barmɔnii nan Yennu saa dɔkit ti paak.”

Sekaria 14:16

Tɔn, ki binba kur biar be bi manfoa ni, ki nyii digbangana nba daan lek Jerusalem na, tuu saa saan leŋ binn kur, ki jiant Yabint Yennu nba tee kpanbar na, ki bia di lanbont jaamm.

Sekaria 2:11

Li yoo maŋ, digbana bonchiann saa baar Yennu boor, ki kpant u niib. U sii be i boor, ki i saa bann nan ŋɔɔe tumin i boor.

Sekaria 9:10

Yennu yet a, “N saa nyinn tɔb taantorit Israel teeb boor ni, ki nyinn taanii nba be Jerusalem na, ki biir tɔdaat nba ki bi jii kɔn kɔnn na kur. I kpanbar na saa baar nan parmaasir booru kur ni, laa nyi mɔkgbeŋir ki saa tuu mɔkgbeŋir sii be u yent ni, laa nyi Yufrates mɔkir ki saa tuu tingbouŋ na paak, li be u yent nie.”

Barŋanii nba ki MAK din sɔb nae na 16:20

Ŋanne ki u poorpoweiteeb na saan ki saa mɔɔntir u barŋanii na lokir kur po, ki ti Yomdaanɔ maŋ be namm, ki te ki bi tuun yaarlituk toona, ki li toona wann siara nan bi mɔɔntii maŋ set tee barmɔniie.

Barŋanii nba ki LUK din sɔb nae na 24:47

a bin saan ki mɔɔnt u sann ni, a niibi-i nyik bi biit, Yennu saa nyik chabib; a bin piin mɔɔnt barii maŋ ki tur Jerusalem teeb, ki bia mɔɔnt tur nibooru kur.”

Jɔɔnn 6:45

Yennu sɔkiniinba din sɔb Yennu gbouŋ ni a ‘Yennu saa wann sɔɔ kur.’ Sɔɔ kur nba gbiintir n Baa Yennu ki bia gaan u maan, ŋɔɔe saa baar n boor ki kpant n yɔɔ.

Jɔɔnn 7:17

Wunba loon wun tun Yennu yanbɔɔtoona, ŋɔɔe saa bann nan linba ki n want na nyii Yennu boor, koo n piak n mɔŋ yare.

Toona 1:8

Ŋaan yoo nba ki u Seyeeŋ saa sik i paak na, i saa la paŋ, ki tan sii tee n siara damm Jerusalem, nan Judea yent kur ni, nan Samaria yent ni, nan tingbouŋ na lokir kur po.”

Toona 13:42

Baa gbenn lakinu yoo nba, ki Pɔɔl nan Banabas nyii Yenjiantu diiuk na ni, ki niib na barimm a bin teen paaru ki daan jen foon daar nba baat na, ki tan wannib labaar maŋ ki pukin.

Rom Teeb 15:19

Yennu Seyeeŋ paŋ nae te ki n tuun bakitnauŋ toona na, ŋanne te ki bi bann paŋ nba ki u mɔk. Ki n nyii Jerusalem ki lin doi ni ki tan baar Ilirikum tiŋ ni ki mɔɔntir Masia barŋanii na siar kur po.

Sennu 6:1

“Sennii nae ki i Yomdaanɔ Yennu wannin, a min jii ki tumii-i. Ii sakir, tiŋ nba ni ki i saa kɔɔ ki yent na.