Maika 1:5 - Yennu Gbouŋ Mɔɔr

⁵ Linba na kur saa tun kimaan Israel teeb tun yanbɔmm ki biir Yennu-wa. Ŋmee baar nan Israel teeb mɔyêtuk na. Samaria nba tee Israel teeb digbangbeŋir nae baar nann. Ki lamme tuu mann tingbana Juda tiŋ ni? Li tee Jerusalem teebe.

Maika 1:5 ပူးပေါင်းရင်းမြစ်များ

1 Kpanbara 11:7

U din maa jiantboor, kunkonn paak, Jerusalem yondo po, a bii jiantir Moab teeb yenbibiiuk nba tee Kemos na, ki bia maa leer a bii jiantir Amonn teeb yenbibiiuk nba tee Molek na.

1 Kpanbara 13:32

Yennu nba wannɔ maan nba ki u pak ki biir maruŋ binbintir nba be Betel na, nan tingbandiit nba be Samaria doi ni na saa teen barmɔniiwa.”

1 Kpanbara 16:24

ki din daa Samaria kunkonn na likbina tusaa ŋanloob, jɔɔ nba ki bi yiu Semer na boor. Omri din maa doo, kunkonn maŋ paak, ki te ki li wakii, ki purir Samaria, kimaan wunba tuu yen kunkonn na sanne tee Semer.

2 Barkperii 34:3

Josaya naan bina ŋanniin niŋ nba ki u daa tee naasinbik na, ki u piin jiantir u yeeja kpanbar Defid Yennu, ki bina ŋanna gar, ki u piin bet tingbanjiantboa, nan chicherpook Asera ninnant, nan tingbana nba kur be.

2 Barkperii 34:4

U din tur u niib mɔb, ki bi bet bet tingbann Baal maruŋ binbinta nan bonnunubit maruŋ binbinta nba kpiar, ki chɔɔ chɔɔ chicherpook Asera ninnant, ki yeer yeer tingbanlia kur, ki li kpant tant, ki jii li tant ki yat niib nba din tuu mannib na kaat paak,

Aisaya 7:9

Israel ki mɔk paŋ ki gar Samaria nba tee li digbangbeŋir na, ki Samaria ki mɔk paŋ ki gar bat Peka. “I yada-i kii paar, i kan fit gubin.”

Jeremaya 2:17

Israel digbann, fine baar nan linba na a mɔŋ paak. A yêt min a Yomdaanɔ Yennu-e, yoo nba ki n tɔk nana sɔnu maŋ ni na.

Jeremaya 2:19

A tiɔŋ toonbiite saa dat a tubir; faa nyikin na, ŋanne saa biira. A saa bann laa ton ki bi biaŋinba nan fan nyik min a Yomdaanɔ Yennu, ki ji ki waa n sɔnii na. Min Yabint Yennu-e pak na.”

Jeremaya 23:13

N la Samaria sɔkiniinba toonbiita. Bi piak tingbann Baal sann nie ki turin n niib.

Jeremaya 23:14

Ŋaan n bia la ki n sɔkiniinba nba be Jerusalem tuun bonbilankant. Bi chomm ki bia fa faak, ki sommit niib ki bi tuun biit, ki li te sɔɔ ki nyik biit tumu. N boor ni, bi kur bi nan Sodom nan Gomora teeb nae.

Jeremaya 4:18

Juda, fine baar nan linba na a mɔŋ paak, kimaan faa be biaŋinba, nan faa tun linba na paak. A biite baar nan biak na, li ŋmuu ki saar a wuba.

Jeremaya 5:25

I toonbiite boon linba na. I biite te ki i kɔŋ linba na.

Jeremaya 6:19

Tingbouŋ, gbiintir. N baat nan boontue niib na paak, ki li sii tee bi biit tubdatu, kimaan bi yêt n tumiiue, ki bia ki gaar n maan.

Fabinii 5:16

Taa tuu mɔk parbifaant linba paak na, li siar ji ki biari. Ti tun yanbɔmma, ki mɔtana ti ji be biiru nie.

Esekiel 16:46

“A niipoo saakɔɔ din tee Samaria nirɔe, ki li tee doo nba be niigaŋ po, ki u digbanbis kpiau na. Ki a niipoo waarik tee Sodom, ki li be niidiitu po, ki u digbanbis kpiau.

Hosea 7:1

“Yoo nba kur ki n yaa man te n niib Israel teeb n la laafia, ki ŋamm mɔkiti, ŋaan maa laat linba tee bi tonue, nan toonbiit nba ki bi tuun. Bi ŋmab leeb ki kɔɔ niib ŋei ni ki jaan, ki bia fiar niib sɔnjot ni.

Amos 6:1

Li tan sii bi ki tur yimm nba be Sayɔnn, i yamani, nan yimm nba dukii nan siar kan daamii-i Samaria doo ni na, yimm nba tee nijaana ki be Israel digbanjaann na ni, ki tee binba ki niib saa i boor sommir po na.

Amos 7:9

Siaminba ki Aisak yaaboona jiantir na, n saa biirira, ki ŋamm Israel teeb kasii boa na kur saa kpant langbent. N saa te ki kpanbar Jeroboam naan n boont.”

Amos 8:14

Ki niib nba poor Samaria tingbana, koo binba poor Dann tingbana, koo binba poor Beerseba tingbana na, saa baa tiŋ ni ki ji kan ban fiiri.”

Maika 1:13

Yimm nba kɔɔ Lakis na, bobint taanii ki gaan taantorit man. Yimme tokii ki tuun Israel teeb toonbiit na booru, ki te Jerusalem teeb mun tuun toonbiit maŋ booru.