Barŋanii nba ki LUK din sɔb nae na 9:32 - Yennu Gbouŋ Mɔɔr

³² Ŋaan gɔɔn din soor Piita nan u leeb na bonchiann, ki bi gɔɔn ki tan yerik, ki la ki yentsaakar yent ki lint Yiisa, ki bia la jab banlee nba see u boor na.

Yennu Gbounpaauŋ Mɔɔr

³² Ŋaan gɔɔn din soor Piita nan u leeb bonchiann, ki bi gɔɔn ki tan kpir yerik ki fiir, ki la ki yentsaakar yent ki lint Yisa, ki bi bia la jab bannlee nba din see u boor nna.

Barŋanii nba ki LUK din sɔb nae na 9:32 ပူးပေါင်းရင်းမြစ်များ

Aisaya 60:19

“Yonnu kaa ji sii tee a yentu, daar ni, ki ŋmaarik mun kii tee a yentu, nyiɔku. Min Yennu-e sii yɔɔ tee a yentu yaayoo siiyoo. N baakir yentu na sii yeen a paak,

Daniel 10:9

Maa gbat u kunkɔr yoo nba, ki n fib ki baa faab tiŋ ni.

Daniel 8:18

Waa piak yoo nbae, ki n fib, ŋaan ki u soor n nuu ki fiin sennin,

Barŋanii nba ki MAK din sɔb nae na 14:40

ki bia jen sɔɔ ki u poorpoweiteeb na gɔɔna, kimaan gɔɔn din mɔkib bonchiann. Ki bi ki mi baa saa yetɔ linba li yoo na.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki gbee nan ninbatinu, nan barmɔnii wannu, ki timm nba din be nanɔ na laat u yentsaakar, ki li yentsaakar nyii u Baa Yennu boor, kimaan u tee u Biyemmir.

Jɔɔnn 17:24

“N Baa, a jiib ki tur mine, ki n loon bii taŋi be maa tan sii be siaminba, ki bin la faa dont n sann biaŋinba, kimaan a din loonime, yoo nba ki a daa ki nan durinya na.

2 Piita 1:16

Taa poŋ din beti nan ti Yomdaanɔ Yiisa Masia tee paŋ daanɔe, ki bia tan saa jen na, labaar maŋ ki tee faak kaa, li tee barmɔniie. Ti ninbinae din la waa mɔk paŋ biaŋinba.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent taa tan sii be biaŋinba. Ŋaan taa daa mi linbae na, a Yiisa-i taŋi jen, ti tan saa la waa set tee biaŋinbawa, li paak, ti tan saa kpint ki tee nan ŋɔɔ nae.