Barŋanii nba ki LUK din sɔb nae na 7:38 - Yennu Gbouŋ Mɔɔr

³⁸ ki din set Yiisa poor po, u taapant boor, ŋaan mɔ; ki u ninnyuut baa Yiisa taapant paak ki tan matik; ki u jii u yut ki fiar Yiisa taapant, ki mɔɔtir u taapant maŋ, ki tan but tulaarii na li paak.

Yennu Gbounpaauŋ Mɔɔr

³⁸ ki din set Yisa poor, u taa boor, ŋaan mɔ; ki u ninnyuut baa Yisa taa paak ki tan maak; ki u din tan jii u yut ki fian Yisa taa, ŋaan barin pit, ki tan but tulaarii na u taa paak.

Barŋanii nba ki LUK din sɔb nae na 7:38 ပူးပေါင်းရင်းမြစ်များ

Pinpiik 18:4

Ŋaant ki n turi nyun ki yin wuur i taapant, ki kar tiinii na maasu, ki foi waan.

Esra 10:1

Esra nba din gbaa ki mei Yennu, jiantu ŋasaakak tɔɔnn po, ki mɔ, ki piak fiitir niib na yanbɔmm na, ki Israel nibur, li jab nan poob nan waas, ki bi lakin set lintɔ, ki mun mɔ nan paŋ.

Yaŋ 38:18

Ki n pak ki kat n yanbɔmm, ki n biit maŋ daamiin.

Yaŋ 51:17

Yennu, n maruŋ tee sikin-n-mɔŋ binbeŋe. Ki a kan yêt daanɔ nba sikin u mɔŋ ki lebit u pari.

Banntɔɔ 9:8

Ii tuu kii mɔk parpeenn nan parmaasir ningorsin yoo kur.

Yankpaŋii 1:3

A nubiru man ki tee nan bonnunubit nae; ki a sann tee nan bi kpaar bonnunubit ki mɔɔn na. Li ki tee birisuk kaa nan sapaamm na loona.

Aisaya 57:9

I tuu sɔɔr tulaarii nan kpanunubite ki saa jiantir tingbann Molek. I tuun toomiinba ki bi saa banfɔka, ki baat kpeentiŋ gbaa, ki kpaan tingbana a yin jiant.

Aisaya 61:3

ki tur binba mɔ Sayɔnn na parpeenn nan kpinkpammuk, ki li kii tee parbiir kaa, a bin nyik parbiir, ŋaan kii yiin dontir yanii. Bi sii tee nan tiinii nba ki Yennu tiɔŋ burir nae, ki bi kur sii tuun linba took. Ki Yennu saa la dontir, waa tun linba paak.

Jeremaya 31:9

N niib sii jent ki mɔe, ki mein yoo nba ki n kpent namm na. N saa saan namm kpenii nba mɔk nyun boor, ki tɔkin namm sɔnu nba kaa boota, ki bi kan gbiat. N tee nan baa nae ki tur Israel teeb, ki Efraim boorue tee n bijakper.”

Joel 2:12

Ki Yennu yet a, “Mɔtana gbaa, lebitir i binbeŋ nan barmɔnii, ki baar n boor, ki lor mɔi ki bui fabin.

Sekaria 12:10

“N tan saa tur Defid yaaboona nan nileeb nba be Jerusalem na ninbatinu seek, nan miaru seek. Bi saa got wunba ki bi ŋmuu-u kpann na, ki bui fabin u paak, nan binba tuu fabin bi biyemmir kuun paak biaŋinba na. Bi saa bui ki fabin nan parbiir, nan binba ki bi sinsinn bonjak tuu kpo na.

Matiu 5:4

“Binba mɔ ki fabin, parpeenn tee bi yare, kimaan Yennu saa maan bi parawa.

Barŋanii nba ki LUK din sɔb nae na 22:62

Ki Piita ji nyii nanyer ki saa bui fabin bonchiann.

Barŋanii nba ki LUK din sɔb nae na 6:21

Yimm nba ki kon mɔki mɔtana, parpeenn tee i yare, kimaan i tan saa gboowa. Yimm nba mɔ mɔtana, parpeenn tee i yare, kimaan i tan sii laae.

Barŋanii nba ki LUK din sɔb nae na 7:37

Poosɔɔ mun din be doo maŋ ni ki tee bonchonchonn. Waa tan gbat a Yiisa di jeet ŋaak maŋ ni na, ki u baar nan salenŋann nba gbee nan tulaarii,

Barŋanii nba ki LUK din sɔb nae na 7:39

Ki Farisii nirɔ nba yiin Yiisa na nba la linba na, ki u dukin u par ni a “Jɔɔ na-i tee Yennu sɔkiniie nan barmɔnii, u bo saa bann poo nba siinɔ na nba tee wunbawa. U bo saa bann nan u tee biitdaanɔe.”

Jɔɔnn 11:2

Meeri-e din tee daanɔ nba but tulaarii Yiisa taa paak, ŋaan jii u yut ki fiar na. Ki Meeri maŋ naa bik Lasarus yiar. Waa yiar na,

Jeems 4:9

Ii mɔk parbiir kii bui kii fabin i biit paak; i ji daa laa, ii mɔ man; ki ŋaan ki i parpeenn n kpant parbiir.