Barŋanii nba ki LUK din sɔb nae na 6:35 - Yennu Gbouŋ Mɔɔr

³⁵ “Li paak, ii mɔk lomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, yaa daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan binba tee biitdamm na.

Yennu Gbounpaauŋ Mɔɔr

³⁵ “Li paak, yii mɔk loomm nan i datai man, kii tuun linba ŋan kii teemm. Li-i tee ki i kpent nirɔ ki li yukir, ya daa biir i para li paaki, kimaan i nyɔɔt tan sii yab, ki i bia tan sii tee Yabint Yennu waas, kimaan ŋɔɔe tuun linba ŋan ki teen binba ki teenɔ niipoouk, nan biitdamm.

Barŋanii nba ki LUK din sɔb nae na 6:35 ပူးပေါင်းရင်းမြစ်များ

Yaŋ 112:5

Parpeenn be daanɔ nba nuu yaa ki u kpentir bona ki teen niib, ki bia dia barmɔnii ki tuun u toona na paak.

Yaŋ 145:9

U ŋane ki tur sɔɔ kur, ki mɔk ninkpabauŋ u naamii kur paak.

Yaŋ 37:26

U tuu piine, ki bia kpentir ki teen u leeb yoo kur, ki u waas tee piisin ki turɔ.

Yaŋ 58:11

Ki niib ji saa yet a, “Barmɔniie, kasii damm gaan bi paatii; barmɔnii, Yennu nba bu tingbouŋ na buut na set be.”

Barjokit 19:17

Fi-i tur nandaanɔ piinii, li tee nan a kpent Yennu-e bont maŋ na, ki Yennu tan saa pa tura.

Barjokit 22:9

Ŋaant ki a nuu-ii yaa, kii piin nandamm jeet, ki a saa la piisin li paak.

Matiu 5:9

“Binba tee sindantinna nan kunkɔnpat-teeb, parpeenn tee bi yare, kimaan ŋamme ki Yennu yib u waas.

Barŋanii nba ki MAK din sɔb nae na 5:7

ŋaan yikin sanpaapowa ki yet a “Yiisa, Yabint Yennu Bija, min nan fin nlee mantiki? Yennu paak ki n barima, a daa mukisimi.”

Barŋanii nba ki LUK din sɔb nae na 1:32

U tan sii tee nijaanne, ki bi yiu Yabint Yennu Bija. Ti Yomdaanɔ Yennu saa te ki wun di u yeeja Defid naan,

Barŋanii nba ki LUK din sɔb nae na 6:36

Ii mɔk ninbatinu man nan i Baa Yennu nba mɔk ninbatinu biaŋinba na.

Jɔɔnn 13:35

Li-i tee ki i loon i leeb, sɔɔ kur saa bann nan i tee n poorpoweiteebe.”

Jɔɔnn 15:8

Li-i tee ki i loon lɔɔna bonchiann, ŋanne saa wann nan i set tee n poorpoweiteeb nan barmɔnii, ki n Baa Yennu saa la dontir.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

2 Korint teeb 8:9

I mi ti Yomdaanɔ Yiisa Masia nuu nba yaa biaŋinba. U din tee mɔkitɔɔe, ŋaan ki i paak ki u kpant tarik, ki u tarik kpantu maŋ paak te ki yimm ji teen mɔkita.

2 Timoti 3:2

Niib tan sii tee jawudamme, nan liklonbiiuk damm, nan karinbaandamm, nan want-n-mɔŋ damm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu.