Barŋanii nba ki LUK din sɔb nae na 4:25 - Yennu Gbouŋ Mɔɔr

²⁵ Barmɔniie, pakɔi bonchiann din be Israel tiŋ ni, yoo nba ki Elaija daa din be na. Yoo maŋ ni, saak din ki baa bina ŋantaa nan ŋmaarii ŋanloob, ki kon din tan baa bonchiann tiŋ maŋ kur po,

Yennu Gbounpaauŋ Mɔɔr

²⁵ Barmɔniie, pakɔi bonchiann din be Israel tiŋ ni, yoo nba ki Elaija daa din be na. Li yoo maŋ, saak din ki baa bina ŋanntaa nan ŋmaarii ŋannloob, ki kon din tan baa bonchiann tiŋ maŋ ni kur,

Barŋanii nba ki LUK din sɔb nae na 4:25 ပူးပေါင်းရင်းမြစ်များ

1 Kpanbara 17:1

Yennu sɔkinii nba sann tee Elaija, ki u nyii Tisbe, Gilead yent ni na, din pak kpanbar Ahab a, “Israel teeb Yomdaanɔ Yennu nba fo, ki n jiantirɔ na sann ni, n piaka nan marin koo saak kan baa bina ŋanlee koo ŋantaa, nan maa tan saa yet ki saak n baa.”

Aisaya 55:8

Yennu yet a, “N dudukit ki tee nan i yara na, ki n sɔnii bia mɔk bɔkitu nan i yara.

Matiu 20:15

N ki mɔk yaak ki saa jii n likirii ki tun maa loon biaŋinba-a? Koo a mɔk funfunn nan maa ki wuun na paake-e?’ ”

Barŋanii nba ki LUK din sɔb nae na 10:21

Li yoo maŋ ki Yennu Seyeeŋ te ki Yiisa mɔk parpeenn hei, ki ji yet a “N Baa Yennu, wunba tee sanpaapo nan tingbouŋ na Yomdaanɔ, n piaka, kimaan a bɔr labaar maŋ subindamm nan bannteeb, ŋaan fiit wann waase; nnae ki a loon ki tun.”

Rom Teeb 9:15

Yennu din yet Moses a, “Binba ki n loon ki n tinib ninbaauk na, ŋamme ki n saa tinib ninbaauk.”

Rom Teeb 9:20

Ŋaan n yɔɔk, a tee ŋmee ki saa pak jiin Yennu? Bobir kan fit boi bobmaarɔ a, “Bee ki a maa-n ki n tee nna?”

Efesus teeb 1:11

Yennu tuun siar kur u dudukit nan u lora nie, ki gannit a tii tee u niib, nan u bibikit nba tee biaŋinba pinpiik niwa na.

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Jeems 5:17

Elaija din tee nisaarike nan timm na, ŋaan din miar Yennu nan ninmɔnn a saak daa baa, ki saak set din ki baa ki saa jaŋ bina ŋantaa nan ŋmaarii ŋanloob.

Fiitu 11:6

Bi bia mɔk yiikoo ki saa soor saak, ki saak kan baa yoo nba ki bi mɔɔntir Yennu maan na, ki bia mɔk yiikoo ki saa te ki nyun n kpant sɔn, ki bia saa fit te ki biak bonchiann n baar tingbouŋ na ni, yoo nba kur ki bi loon.