Barŋanii nba ki LUK din sɔb nae na 24:27 - Yennu Gbouŋ Mɔɔr

²⁷ Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Yennu Gbounpaauŋ Mɔɔr

²⁷ Ŋanne ki u wantib u barii nba sɔb Yennu gbouŋ kur ni na paak, ki piin Moses sɔbu ni nan sɔkiniinba sɔbu kura ni.

Barŋanii nba ki LUK din sɔb nae na 24:27 ပူးပေါင်းရင်းမြစ်များ

Pinpiik 12:3

Binba kur teena piisin, n mun sii teemm piisin, ŋaan binba waanta mɔbiit, n mun sii waantib mɔbiit, ki a yaa paak, n saa teen piisin nisaarii kur paak.”

Pinpiik 22:18

Li saa nyi a yaaboona nie ki n teen piisin digbana kur paak, kimaan faa sak n mɔb na paak.”

Pinpiik 26:4

N saa tura yaaboona, ki bi yabint tan sii tee nan ŋmaabira nba tee biaŋinba sanpaapo na, ki n saa turib tiŋ na kur. Li saa nyii a yaaboona nie ki n teen piisin digbana kur paak.

Pinpiik 3:15

N saa teen dataar fin nan poo na sinsuuk ni, ki a yaaboona nan u yaaboona sii tee datai. U yaaboonn saa mat a yur, ki a mun saa jun u yaaboonn taagbinn.”

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

Yaŋ 132:11

A din senn mɔsonjaanne ki tur Defid, mɔsonn nba ki a kan ban nyik a: “N saa dinn a bonjai na yenɔ naan, ki u tan saa set a seenu ni ki dia a niib yoo nba ki a kaa.

Aisaya 1:23

A tɔɔndamm tee kpikpiruk damme nan nanyukii yɔɔsnba; yoo kur bi gaan piiniie nan mɔnyat. Bi ki taant kpeebii po barbuboor, ki bia ki gbiintir ki sommit pakɔi, yoo nba ki bi baar nan maan.

Aisaya 50:6

N jii n bɔɔnne ki chab binba boon na. N ki gɔɔrib, yoo nba ki bi sukiin, ki ŋabii n tiaŋ, ki sat mɔsant n numm po na.

Aisaya 7:14

Tɔn, Yennu mɔŋe saa tura nyinn: Sapaamunn tan saa soor poor ki mar bonjak, ki purɔ Imanuel.

Aisaya 8:17

Yennu bɔr u mɔŋe u niib boor, ŋaan ki n teenɔ yada, ki jii n dindann ki maa u paak.

Aisaya 9:1

Sɔnsau sii kaa ki bi saa tɔkin ki nyi daamii yoo na ni. Sebulunn nan Naftali booru tiŋ din ban dii feiwa, ŋaan yoo baat ki yent maŋ saa la baakir, laa nyii sinsuuk ni mɔkgbeŋir na ki saa yondo po, ki saa tuu Jɔɔdann mɔk-pootir tiŋ, ki bia gar Galilii yent, siaminba ki boorganu kar na.

Esekiel 34:23

N saa turib kpanbar, ki u sii tee nan n toontunnɔ Defid na, ki u sii tee bonkob-kpaarik yenɔkɔɔ, ki goriib.

Esekiel 37:25

Ki bi saa kar tiŋ nba ki n tur n toontunnɔ Jakɔb, ki li tee tiŋ nba ki bi yeejamm din kar na ni. Ki bi saa kar leŋ nan yoo nba kaa paak. Nnae mun ki bi waas nan bi yaaboona kur saa kar. Ki bi kpanbar sii tee nan n toontunnɔ Defid na, ki diab nan yoo nba kaa gbennu.

Daniel 7:13

Yirintu nba ki n la nyiɔk na, n la siar ki li naan nisaarik, ki tookitin; ki sanpagbant lintɔwa, ki bi jiiu ki saan nanɔ daanɔ nba be mɔkmɔk nan mɔkmɔk na boor.

Maika 5:6

Ki kunkɔnkɔnna na saa weib nan mabir ki kɔn nyann Asiria, linba tee Nimrod tiŋ na. Ki bi saa fatit Asiria teeb maŋ nuu ni, yoo nba ki bi lek ti yent.

Maika 7:20

A saa wann a ŋant nan lomm nba kaa gbennu ki tur a niib, binba tee Abraham nan Jakɔb yaaboona na, nan faa din senn mɔsonn ki tur ti yeejamm sianyoo biaŋinba na.

Sekaria 13:7

Yabint Yennu yet a, “Jukbanjiak, fiit ki lek pekpaarik nba tuun n toonn na. A kpiu, ki pei na n yat. N saa lek n niib,

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Nikant 21:14

Li paake teen Yennu tɔbii gbouŋ na piak li po ki yaa, “Waheb doo be Sufa yent ni nan li baat, nan Arnonn mɔkir,

Barŋanii nba ki MAK din sɔb nae na 4:34

U din ki mi pak namm maan ki li ki tee barjokiti. Ŋaan u din tuu tan ŋamm wann u poorpoweiteeb barjokit maŋ kur paak, yoo nba ki bi tuu biar be bi kuukɔɔ na.

Barŋanii nba ki LUK din sɔb nae na 24:25

Ki ŋɔɔ Yiisa betib a “Bee yankpeensime ki i mantik mɔki, ki mei nan yin teen Yennu sɔkiniinba maan kur yada.

Barŋanii nba ki LUK din sɔb nae na 24:44

Ŋanne ki u betib a “Ii tian man n mɔmaan nba ki n daan wanti maa daan be i boor yoo nba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na ni kpaa talas nan li kur n tan tun ki gbeen.”

Jɔɔnn 1:45

Ki Filip mun saan ki saa lon Natanael boor ki betɔ a, “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u saa baar na. Ŋɔɔe tee Yiisa, wunba tee Joosef bija, ki nyii Nasaref na.”

Jɔɔnn 12:41

Aisaya din yet nna, kimaan u din la Yiisa yentchiɔŋu, ki pak jiin u po.

Jɔɔnn 5:37

“Ki bia jenna, n Baa Yennu nba tumin nae mun tee n siara. I ki mi gbat u kunkɔri, ki bia ki mi lau nan i ninbina.

Jɔɔnn 5:39

“Tɔn, i tuu karin Yennu gbouŋ, kimaan i mi nan i saa la manfoor nba kaa gbennu leŋe, ki Yennu gbouŋ maŋ want n poe,

Toona 10:43

Yiisa nba nae ki Yennu sɔkiniinba kur din piak u po, ki yeen a sɔɔ kur nba teenɔ yada, Yennu saa nyik chab u toonbiit, Yiisa maŋ sann ni na.”

Toona 3:18

Ŋaan Yennu din pak u maan ki tur u sɔkiniinba, ki bi mun bia pak tur niib, ki bi yet a see ki u Niganntɔɔ Masia n dii biak. Tɔn, Yennu set tan te ki li teen mɔnii, nan yaa tun biaŋinba na.

Toona 3:22

“Ŋann maŋe ki Moses mun din yet a ‘I Yomdaanɔ Yennu saa turi sɔkiniisɔɔ, ki u sii tee i mɔŋ nirɔ, nan waa nyinnin biaŋinba ki teenin u sɔkinii i boor ni na. Gbiintirɔ man ki tun linba kur ki u saa pak turi;

Toona 3:24

“Yennu sɔkinii Samuel nan sɔkiniinba nba wei u poor, ki din piak Yennu maan, bi kura din want linba tan saa teen Yennu Niganntɔɔ Masia ti yoo nae.

Toona 7:37

Li Moses-e bia din yet Israel teeb a ‘Yennu tan saa tun sɔkiniisɔɔ i boor nan waa tumin biaŋinba na, ki u sii tee i booru.’

Toona 8:35

Ki Filip piin siaminba ki nijaann maŋ karin na ki saa, ki piak Yiisa barŋanii.

Sennu 1:45

ki i bui fabin ki tur Yennu ki loon u sommir, ŋaan u ki gbiint koo ki gat ki turini.

Sennu 18:15

Ŋɔɔ Yennu saa turi sɔkinii, ki u sii tee nan min na, ki saa nyi i booru ni. Ii sak u mɔb man.

Fiitu 19:10

Li yoo ki n baa fabin u tɔɔnn, a n jiantɔ. Ki u yetin a n daa tee nna kaa, a u tee min nan n naa waas nba dia Yiisa barŋanii na toontunnanlɔɔe, a n jiant Yennu-e. Yennu sɔkiniinba nba sɔkint ki yeen na, bi piak Yiisa poe.