Barŋanii nba ki LUK din sɔb nae na 22:37 - Yennu Gbouŋ Mɔɔr

³⁷ Mine beeri na, li sɔb Yennu gbouŋ ni a ‘Bi teenɔ nan baa tee toonbiitdamm biaŋinba nae.’ Ki bi set saa teenin nnae, kimaan linba kur ki bi sɔb ki jiin n po Yennu gbouŋ ni na, li set saa tuma.”

Yennu Gbounpaauŋ Mɔɔr

³⁷ Mine beeri na, li sɔb Yennu gbouŋ ni a ‘Bi jiiu ki pukinɔ sennu mɔyêtdamm sinsuuk ni.’ Ki bi set sa teenin nnee, kimaan linba kur ki bi sɔb ki jikit saa n po Yennu gbouŋ ni na, li set tee nan mɔniie.”

Barŋanii nba ki LUK din sɔb nae na 22:37 ပူးပေါင်းရင်းမြစ်များ

Aisaya 53:12

Li paak, n saa turɔ binbeboor nba mɔk baakir, ki li tee nijaana nan yiikoo damm sinsuuk ni. U yanbɔɔte ki u chab u manfoor, ki gaar yanbɔndamm bonchiann paak ki dii biak, ki miar Yennu a wun nyik chabib.”

Barŋanii nba ki MAK din sɔb nae na 15:27

Bi bia din kpaa fat-teeb banlee dapunpuna paak ki pukin u po, ki yenɔ be u niidiitu po, ki lɔɔ na mun be u niigaŋ po.

Barŋanii nba ki MAK din sɔb nae na 15:28

Ki li gbeen linba sɔb Yennu gbouŋ ni a “Bi teenɔ nan baa tee toonbiitdamm biaŋinba nae.”

Barŋanii nba ki LUK din sɔb nae na 18:31

Li yoo na ki Yiisa yiin u poorpoweiteeb na ki nyii namm kpiŋ ki saa betib a “Gotir man, ti saa Jerusalem-e, leŋe ki bi saa teen min nisaarik Bik linba kur ki Yennu sɔkiniinba din sɔb ki jiin n po na,

Barŋanii nba ki LUK din sɔb nae na 22:22

Min nisaarik Bik set saa kpo nan Yennu nba senn biaŋinba nae, ŋaan bonbiir sii be wunba yaa wun nyi n poor na paak.”

Barŋanii nba ki LUK din sɔb nae na 22:36

Ki u yetib a “Mɔtana, wunba mɔk likbɔɔrik koo kaliiuk, wun jiir; ki wunba mun ki mɔk jukbanjiak, wun kɔi u liatir ki daa.

Barŋanii nba ki LUK din sɔb nae na 22:52

Ŋanne ki Yiisa boi mannteeb yudamm nan bi kunkɔnkɔnna yudamm nan saakab nba baar a bin soorɔ na a “N tee fat-tɔɔe ki i baar nan jukbanjai nan gbajara-a?

Barŋanii nba ki LUK din sɔb nae na 23:32

Ŋanne ki bi ji din jii doyeerteeb banlee ki pukin Yiisa paak a bin kpib.

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Jɔɔnn 10:35

ki ti mun mi nan Yennu gbouŋ kan faar faak faba; ki ŋɔɔ Yennu yib u waas, kimaan ŋamme tee niib nba ki u din pak u maan ki turib na.

Jɔɔnn 17:4

Toona nba ki a turin a n tun na, n tun gbenna, ki dont a sann tingbouŋ na ni.

2 Korint teeb 5:21

Kimaan ti paake ki Yennu din te ki Masia, wunba ki mi tun biit na, set timm biitdamm seenu ni, a tin la yentinu binbeŋ ŋɔɔ Masia ni.

Galasia teeb 3:13

Ŋaan ti din be Yennu mɔtomm nie, kimaan ti din ki fit wei sennu maŋ fanu, ŋaan Masia tiɔŋo din gaar ti paak, ki be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak, Yennu mɔtomm be u paak.”