Barŋanii nba ki LUK din sɔb nae na 21:25 - Yennu Gbouŋ Mɔɔr

²⁵ “Nyina tan sii be yonnu ni nan ŋmaarik ni nan ŋmaabira ni. Ki tingbouŋ na ni mun, parbiir tan saa baar digbana ni, ki jaŋmaanii bia tan sii be, kimaan mɔkgbeŋir nyunpana nba tan sii fu bonchiann na paak.

Yennu Gbounpaauŋ Mɔɔr

²⁵ “Ki nyina tan sii be yennu ni nan ŋmaarik ni nan ŋmaabira ni. Ki tingbouŋ ni, parbiir tan sa baar tinii ni, ki jaŋmaanii bia tan sii be, kimaan mɔkgbeŋŋir nyunpana nba tan sii fu bonchiann na paak.

Barŋanii nba ki LUK din sɔb nae na 21:25 ပူးပေါင်းရင်းမြစ်များ

Yaŋ 46:3

li-i lekii tee mɔkgbeŋa na damm, ki mɔk fuur, ki li jek kunkona, ŋaan ti kii tiin jaŋmaanii.

Aisaya 13:10

Ŋmaabir kur nan ŋmaawob kur kan yenti, yonnu-i doo ŋaan u sii bɔne, ki ŋmaarik kan yent.

Aisaya 17:12

Digbana nba paar be wutoor nie, ki gaan jat, ki li tee nan mɔkgbeŋir nyunpana nba tuu liat leer na.

Aisaya 24:23

Ŋmaarik nan yonnu saa di fei, kimaan Yabint Yennu-e sii tee kpanbar. U sii kar Jerusalem doo ni, Sayɔnn kunkonn paak, ki dia doo maŋ, ki niib na tɔɔndamm saa la u yentsaakar na.”

Aisaya 5:30

Li daar-i baar, bi saa gaar jat Israel paak nan kunkɔsaakar nan mɔkgbeŋir fuur nae. Gotir tingbouŋ na. Bunbɔnn nan parbiir be li kur po. Bunbɔnn nak yentu nawa.

Aisaya 51:15

“Mine tee i Yomdaanɔ Yennu, mine tuu gbit mɔkgbeŋir, ki te li nyunpana fu fuut. N sanne tee Yabint Yennu.

Jeremaya 4:23

N got tingbouŋ na ki sɔɔ li tee tinkokirik nba fukiie, ki n got sanpaak ki sɔɔ yentu kaa.

Daniel 12:1

Ki wunba piak nanin na yet a, “Yoo maŋ, malaka jaann Maikel, wunba guu a niib na saa dɔkit. Tɔn, ki yoo sii be ki tee biiru yoo, li sii bi ki gar biiru nba mi baar, laa nyii durinya na pinpiik niwa. Ki yoo maŋ-i baari, niib nba kur be a digbann ni, ki bi sana sɔb Yennu gbouŋ ni na saa tinn.

Maika 7:4

Ki binba tuu mantik tee niburchimm nan niŋamm bi ni na biir gar mɔmuŋa. Daar baara, ki Yennu saa dat niib tuba, nan waa pak ki tur guuteeb nba tee u sɔkiniinba ki bi wannib biaŋinba na. Mɔtana ki bi ji be ŋmatir ni.

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Matiu 27:45

Laa tan baar yonsuuk ni, ki digbann na kur ji bɔnn ki saa tuu yenlekir kut muntaa.

Barŋanii nba ki MAK din sɔb nae na 13:24

“Daamii na poorpoe, ki yonnu tan saa bɔnn, ki ŋmaarik ji kan yenti,

Barŋanii nba ki MAK din sɔb nae na 13:26

Li yoo maŋ min nisaarik Bik tan saa dɔkit sanpagbana ni nan panchiɔŋ nan yentsaakar.

Barŋanii nba ki MAK din sɔb nae na 15:33

Laa din tan baar yonsuuk ni, ki digbann na kur ji bɔnn ki saa tuu yenlekir kut muntaa.

Barŋanii nba ki LUK din sɔb nae na 21:24

Ki kunkɔnkɔnna tan saa baar ki kpi bi siab nan jukbanjai, ki bia tan saa soor siab ki saan namm tinii kur po, ki teemm yommii. Ki binba ki tee Juu teeb na tan saa yent Jerusalem mɔkmɔk nan bi yoo nba tan saa gbenn.

Barŋanii nba ki LUK din sɔb nae na 21:26

Ki linba be sanpaapo kur tan saa damm ki ŋmat, li paak, ki jaŋmaanii tan saa jek niib, yoo nba ki bi guu linba yaa lin tan baar tingbouŋ na ni na.

Toona 2:19

N tan saa tun toonjaana sanpaapo, nan bakitnauŋ nyina tingbouŋ na ni; ki sɔn nan muu nan munyuuk tan sii be.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.