Barŋanii nba ki LUK din sɔb nae na 20:7 - Yennu Gbouŋ Mɔɔr

⁷ Li paak, ki bi yet Yiisa a bi ki mi u yiikoo nba nyii siami.

Yennu Gbounpaauŋ Mɔɔr

⁷ Li paak, ki bi yet Yisa a bi ki mi u yikoo nba nyii siami.

Barŋanii nba ki LUK din sɔb nae na 20:7 ပူးပေါင်းရင်းမြစ်များ

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 29:14

Li paak, n saa baar nan kpikpiruk daamii nyɔɔ nyɔɔ bi paak, ki put bi yan. Subindamm saa kpant jatit, ki bi subinii na saa teen yann.”

Aisaya 41:28

Maa got tingbana na, bi sɔɔ ki mɔk siar ki saa pak, nan bi yenɔkɔɔwa ki fit jiin buboit nba ki n boi na.

Aisaya 44:18

Li nibooru liisin paak ki bi ki fit bant baa tuun linba. Bi mun bi nuniie, ki nyar bi tuba, ki jiin barmɔnii po.

Sekaria 11:15

Tɔn, ki Yennu yetin a, “Ii jik-ii tee nan pekpaarik nba ki mɔk nyɔɔt na.

Sekaria 11:17

Pekpaarik nba ki mɔk nyɔɔt maŋ saa boonta. U yêt u pei nawa. Tɔbe saa biir u yiikoo na kur. U nuu saa kpo, ki u niidiitu po ninbinn n jɔɔn.”

Barŋanii nba ki LUK din sɔb nae na 20:6

Ki ti-i biaki yet a nisaariie chabɔ, niib na kur saa jaatit tanawa, kimaan bi teen yada nan Jɔɔnn din tee Yennu sɔkiniie.”

Barŋanii nba ki LUK din sɔb nae na 20:8

Ki Yiisa betib a “Tɔn, n mun kan beti wunba chabin yiikoo ki n tuun linba na.”

Jɔɔnn 9:39

Ŋanne ki Yiisa yet a, “N baar tingbouŋ na ni a n bu niib buut, ki bia yent binba ki mɔk ninyentir na numm poe, ŋaan dɔkin binba mɔk ninyentir na numm po.”

2 Piita 3:3

Sinsinn, n loon ki ii tian nan nisiab nba waa bi para loonbiit tan sii be dajoontii ni, ki sarikiti,