Barŋanii nba ki LUK din sɔb nae na 20:37 - Yennu Gbouŋ Mɔɔr

³⁷ Tɔn, Moses-e din wann nan kpeemm tan saa fiir kuun niwa. Moses nba din sɔb ki jiin tibik nba di muu po na, u din yi Yennu a, ‘Abraham Yennu, nan Aisak Yennu, nan Jakɔb Yennu.’

Yennu Gbounpaauŋ Mɔɔr

³⁷ Tɔn, Mosese mun din poŋ wann nan kpeemm tan sa fiir kuun ni. Moses nba din sɔb jagotkunkoŋ po, u din yi ti Yomdaanɔ Yennu a Abraham Yennu, nan Aisak Yennu, nan Jakɔb Yennu.

Barŋanii nba ki LUK din sɔb nae na 20:37 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

Pinpiik 28:13

Li yoo na ki u la ki Yennu see ki kpiau. Ki Yennu yet a, “Mine tee Yennu, wunba tee Abraham nan Aisak Yennu. N saa jii tiŋ nba ki a dɔɔ li paak na, ki tur fin nan a yaaboona.

Pinpiik 28:21

ki n tan ŋmat jen n baa tiŋ na ni nan laafia, fin kuukɔɔe sii tee n Yennu.

Pinpiik 32:9

Jakɔb din miar Yennu ki yet a, “N yeeja Abraham nan n baa Aisak Yennu, gbiintir n miaru. Yennu, a pakin nan n ŋmat ki kun n dantiŋ ni, nan n nikpiimm boor ni, a ki a saa te ki bona kur n saan fanu ki turin.

Nyinu 3:15

Pakin Israel teeb na nan min Yennu, wunba tee bi yeejamm Abraham nan Aisak nan Jakɔb Yennu nae tuma bi boor. N sanne na yaayoo nan yaayoo. Sann nae ki nibooru nba waa kur sii yin.

Sennu 33:16

Ŋaant ki bi tiŋ na n gbee nan bonŋana kur. Yennu nba din be muyeruk ni, jagotuk paak na n teen piisin bi paak. Ŋaant ki piisin nae-ii be Joosef booru paak, kimaan u din tee u ninjamm yudaanɔe.