Barŋanii nba ki LUK din sɔb nae na 20:17 - Yennu Gbouŋ Mɔɔr

¹⁷ Ki Yiisa gotib ŋaan yet a “Li sɔb Yennu gbouŋ ni a ‘Tann nba ki tanmaara yêtir na, ŋanne tan tee lɔtik ni tanŋann.’ Maan na paak tee bee?

Yennu Gbounpaauŋ Mɔɔr

¹⁷ Ki Yisa gotib ŋaan yetib a “Li sɔb Yennu gbouŋ ni a ‘Tann nba ki tanmaara yêtɔ na, ŋanne din set tee lɔtik ni tanŋann.’ ki maan maŋ paak tee bee?

Barŋanii nba ki LUK din sɔb nae na 20:17 ပူးပေါင်းရင်းမြစ်များ

Yaŋ 118:22

Tann nba ki tanmaara yêtir na, ŋanne tan tee lɔtik ni tanŋann.

Aisaya 28:16

Li paak, Yabint Yennu nba piak linbae na a: “N fɔkint fiakir nba wakii ki mɔk paŋe Sayɔnn ni. Li lɔtik nie ki n sent tann nba mɔk paŋ, ki mɔbona na sɔb li paak a, ‘Yada nba paar mun bia mɔk sukurue.’

Sekaria 10:4

Bi niŋe ki doo diara, nan tɔɔndamm, nan kunkɔnkɔnna saakab saa nyi, ki dia n niib.

Sekaria 3:9

N yaa n bir tann nba mɔk lɔka ŋanlore-e Joosua tɔɔnn, ki sɔb sɔbinii li paak, ki daar yennkɔɔ nie ki n saa nyinn tiŋ na yanbɔmm.

Matiu 21:42

Ki Yiisa boib a “I daa ki mi karin laa sɔb Yennu gbouŋ ni biaŋinba-a? Li sɔb a: ‘Tann nba ki tanmaara yêtir na, ŋanne tan tee lɔtik ni tanŋann, Yennu-e teen nna, ki li teent bakitnauŋ.’ ”

Barŋanii nba ki MAK din sɔb nae na 10:23

Ki Yiisa ŋmant got u poorpoweiteeb na ki lint, ŋaan yetib a “Li sii paar bonchiann nan mɔkita n tan kɔɔ Yennu naan ni.”

Barŋanii nba ki MAK din sɔb nae na 12:10

I daa ki mi karin laa sɔb Yennu gbouŋ ni biaŋinba-a? Li sɔb a, ‘Tann nba ki tanmaara yêtir na, ŋanne tan tee lɔtik ni tanŋann, Yennu-e teen nna, ki li teent bakitnauŋ.’ ”

Barŋanii nba ki MAK din sɔb nae na 3:5

Ki u gotib ki lint nan wutoor, kimaan u par din biir bonchiann bi ninkoonii na paak; ki u ŋmant ki bet jɔɔ maŋ a “Tantir a nuu maŋ.” Ki u tant, ki li la laafia.

Barŋanii nba ki LUK din sɔb nae na 19:41

Waa din per Jerusalem na, ki u gotir ki mɔ doo na teeb paak,

Barŋanii nba ki LUK din sɔb nae na 22:37

Mine beeri na, li sɔb Yennu gbouŋ ni a ‘Bi teenɔ nan baa tee toonbiitdamm biaŋinba nae.’ Ki bi set saa teenin nnae, kimaan linba kur ki bi sɔb ki jiin n po Yennu gbouŋ ni na, li set saa tuma.”

Barŋanii nba ki LUK din sɔb nae na 22:61

Ki Yiisa jiant got Piita; ki Piita ji tiar ŋɔɔ Yiisa mɔbona na, waa yet biaŋinba a “Nyiɔk na, kojouk daa kan bui kaawa ki a saa nɔi taar muntaa a a ki mimi.”

Barŋanii nba ki LUK din sɔb nae na 24:44

Ŋanne ki u betib a “Ii tian man n mɔmaan nba ki n daan wanti maa daan be i boor yoo nba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na ni kpaa talas nan li kur n tan tun ki gbeen.”

Jɔɔnn 15:25

Linba na teen nnae, a baa din sɔb linba n po bi sennu ni na n fit teen mɔnii a: ‘Bi namin, ki li ki mɔk paaki.’

Toona 4:11

Ŋɔɔe tee daanɔ nba ki Yennu gbouŋ piak u po na, a ‘Tann nba ki yimm tanmaara yêtir na, ŋanne tan tee lɔtik ni tanŋann.’

Efesus teeb 2:20

Fiakir yennkɔɔ nba ki sɔkiniinba nan toomiinba din fɔkin na paake ki bi mun tɔɔn, ki Yiisa Masia mɔŋ tee li tanjaann.

1 Piita 2:6

kimaan li sɔb Yennu gbouŋ ni a: “Gotir, n gann tann ki bir Sayɔnn doo ni, ki li tee lɔtik ni tann, ki bia ŋan bonchiann, ki wunba kur teenɔ yada, u kan di fei.”