Barŋanii nba ki LUK din sɔb nae na 2:14 - Yennu Gbouŋ Mɔɔr

¹⁴ “Dont Yennu sann sanpaapo man; parmaasir-ii be u nigannkab paak, tingbouŋ na ni.”

Yennu Gbounpaauŋ Mɔɔr

¹⁴ “Dont Yennu sann sanpaapo man; parmaasir-ii be u nigannkab paak, tingbouŋ ni.”

Barŋanii nba ki LUK din sɔb nae na 2:14 ပူးပေါင်းရင်းမြစ်များ

Aisaya 44:23

Sanpaak, ii hoot nan kpinkpammuk. Tingbouŋ, ii hoot. Kunkona nan fɔɔr ni tiik kur n hoot nan kpinkpammuk. Yennu tinn u niib Israel teebe, ki li wann u yiikoo nba tee.

Aisaya 49:13

Sanpaak, ii yiin yaŋ. Tingbouŋ, ii hoot kii kpamm, ŋaant kunkona-ii yiin yanii. Yennu saa maan u niib para, u sii mɔk ninbatinu nan u niib nba di biak na.

Aisaya 57:19

N teen sɔɔ kur parmaasire, binba naak nan binba be banfɔka na kur. N saa tur n niib laafiawa.

Maika 5:5

ki u saa baar nan parmaasir. Li-i taŋi tee ki Asiria teeb lek ti digbann ki biir ti joonkɔɔka, ti saa tun ti tɔɔndamm nba paare ki bin kɔn namm.

Matiu 21:9

Ki nibur nba gar u tɔɔnn po nan binba din waa u poorpo ji yikin ki yeen a “Hosaana, ii piak man Defid yaaboonn maŋ. Piisin-ii be wunba baat Yennu sann ni na paak. Yimm nba be sanpaapo, ii hoot man a ‘Hosaana.’ ”

Barŋanii nba ki LUK din sɔb nae na 1:79

ki li tan saa yent sanpaapo ki tur binba be kuun bunbɔnn ni na; ki bia yent ti taa ni ki tin tɔkin parmaasir sɔnjouk na.”

Barŋanii nba ki LUK din sɔb nae na 19:38

“Piisin be kpanbar nba baat Yennu sann ni na paak. Parmaasir be Yendɔuŋ ni; ii dontir Yennu sann sanpaapo man.”

Barŋanii nba ki LUK din sɔb nae na 2:13

Li yoo na ki Yendɔuŋ ni malakanba bonchiann dɔkit ki pukin malaka na po, ki yiin piak Yennu a:

Barŋanii nba ki LUK din sɔb nae na 2:15

Ki malakanba na tan nyik pekpaarii na, ŋaan ŋmat doo Yendɔuŋ ni. Ki bi yet bi leeb a, “Ŋaant man ki tin saan Betlehem ki saa got linba tun, ki ti Yomdaanɔ Yennu betit na.”

Barŋanii nba ki LUK din sɔb nae na 3:22

ki Yennu Seyeeŋ sik u paak ki tee nan ŋmann na, ki kunkɔr nyii sanpaapo ki yet a, “Fine tee n Bilonkak; fine ki n numm gboo.”

Jɔɔnn 14:27

“Mi-i yaa n saan, n saa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 17:4

Toona nba ki a turin a n tun na, n tun gbenna, ki dont a sann tingbouŋ na ni.

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Toona 10:36

I mi nan Yennu din tur Israel teeb u maan nba want barŋanii na po, a Yiisa Masia nie ki timm nan Yennu maŋ nan leeb; ŋɔɔ Yiisa Masia-e tee ti kur Yomdaanɔ.

Rom Teeb 5:1

Tɔn, taa teen Yiisa yada na paake ki Yennu yet a ti tee niŋamm u boor, ki parmaasir ji be timm nan Yennu sinsuuk ni, ti Yomdaanɔ Yiisa Masia paak.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba, nan waa tint ninbaauk u Bilonkak paak na.

Efesus teeb 1:9

ki fiit wannit woonin ni lora nba ki u din senn a wun tan tun Masia ni na.

Efesus teeb 2:4

Ŋaan Yennu lomm nan u ninbatinu yab bonchiann ki kaa bikinu,

Efesus teeb 2:7

U din tun linba na a wun wann sɔɔ kura u ninbatinu nba yab biaŋinbae, ki tun burchint turit, Yiisa Masia paak.

Filipi teeb 2:11

ki sɔɔ kura tan saa yet a ŋɔɔ Yiisa Masia-e tee Yomdaanɔ, ki lin dont ti Baa Yennu sann.

Filipi teeb 2:13

kimaan Yennu yɔɔ tuun nanie, a yii loon u loomm tumu, kii biaki tuun u loomm maŋ.

Kolosa teeb 1:20

U Bija maŋ paake ki Yennu te bont kur nba be sanpaapo nan tiŋ ni ŋamm teen u yɔɔsnba. Ki sɔn nba nyii u Bija maŋ ni dapunpunn paak na paake, ki u te ki parmaasir be timm nan ŋɔɔ Yennu sinsuuk ni.

2 Tesalonika teeb 2:16

Ti Yomdaanɔ Yiisa Masia nan ti Baa Yennu nba loonit, ki turit pardɔɔnn nba kaa gbennu, nan dindann nba yab, u ninbatinu paak na,

Fiitu 5:13

Ki linba kur Yennu din nan, ki li be sanpaapo, nan tingbouŋ na ni, nan kpeentiŋ, nan linba be mɔkgbeŋa ni na, n gbat bi kur yeen a, “Paku nan baakir nan dontir nan paŋ kur-ii be wunba kar naangbouŋ na paak nan Pegann na paak mɔkmɔk nan mɔkmɔk.”