Barŋanii nba ki LUK din sɔb nae na 16:23 - Yennu Gbouŋ Mɔɔr

²³ ki u be kpeentiŋ biak boor, ki li mukisɔ bonchiann. Ki u tan yaat got ki la Abraham banfɔkira, ki Lasarus be u boor.

Yennu Gbounpaauŋ Mɔɔr

²³ ki u din saan fara boor kpeentiŋ ni, ki li din saa mukisɔ bonchiann. Ki u tan yâat got ki la Abraham banfɔkira, nan Lasarus ki u be Abraham boor ni.

Barŋanii nba ki LUK din sɔb nae na 16:23 ပူးပေါင်းရင်းမြစ်များ

Yaŋ 16:10

kimaan fine nyintin kuun paŋ ni; a kan te ki a kasii nirɔ gbanant n bat, koo wun nyint kpeentiŋi.

Yaŋ 49:15

Ŋaan Yennu saa fatin kuun nuu ni, ki saa jiin, ki mii be u boor.

Yaŋ 86:13

A mɔk lomm bonchiann nanin, ki tinnin, ki n ki sik kaauk ni.

Yaŋ 9:17

Biit damm nan binba ki mi Yennu na ŋarin, kuume tee bi joontu.

Barjokit 15:24

Niib nba mɔk yan tɔk manfoor sɔnue, bi ki tɔkii kuun sɔnu.

Barjokit 5:5

Poo maŋe saa jiia ki saan nana kpeentiŋ; sɔnu nba ki u tɔk na tee kuun sɔnue.

Barjokit 7:27

Li-i tee ki a saa poo maŋ ŋaak, a tɔk kpeentiŋ sɔnue. Li ki fɔk nan kuumi.

Barjokit 9:18

Binba ki u nyannib na ki mi nan niib nba saa u ŋaak ni na tuu kpoe, ki binba ŋarin poŋ kɔɔwa na ji be kpeentiŋe.

Aisaya 14:15

ŋaan bi sikinae tinpɔɔr ni, kpeentiŋa.

Aisaya 14:9

“Kpeentiŋ tee siire a wun gaar Babilonia kpanbar na saauŋ. Binba din mɔk yiikoo tiŋ na paak na narimii ji ŋmakintire. Kpanbara narimii ji fi bi naan binbinta paake.

Matiu 11:23

Ki yimm Kapenaum teeb, Yennu tan saa donni sanpaapowa-a? Aaii. U tan saa sikini kpeentiŋe, kimaan mi-i bonni tun bakitnauŋ toonjaana Sodom doo ni nan maa daan tun i doo ni na, Sodom doo maŋ bo daa be man.

Matiu 18:9

A ninbinn-i te ki a yaa tun toonbiit, fan kpakirɔ lu. Li-i tee ki a mɔk ninbin-yenn ki la manfoor maŋ, li chee fii mɔk ninbina ŋanlee ŋaan Yennu n tan kɔɔna muu maŋ ni.

Matiu 23:33

Yimm wai! Yimm waalabirii waas na, nlee ki i tan saa nyi tubdatu nba tee muu nba kan mi kpeen na ni?

Matiu 5:22

ŋaan min ŋarin beerie nan wunba dont wutoor u naa bik paak ((yann yann, ki li kaa paaki,)) u tan sii be barii ni barbudaar; ki wunba sukir u naa bik a ‘Bon-yann na,’ u tan sii be barii ni; ki wunba bia sukir u naa bik a ‘Bonjatir na,’ u tan sii be barii ni ki kɔɔ muu nba kan mi kpeen na ni.

Matiu 5:29

Li-i tee ki a diitu po ninbinnie te ki a yaa tun toonbiit, fan kpakirɔ lu, kimaan li-i tee ki a kɔŋ a ninbinn yennkɔɔ, li chee nan Yennu n tan kɔɔn a gbanant kur muu nba kan mi kpeen na ni.

Matiu 8:29

Ki bi din yikin sanpaapowa ki yeen a, “Fin Yennu Bija, timm nan fin, nlee mantiki? A baar nna a fan dinnit farae-e? ŋaan ki li yoo daa ki baari.”

Barŋanii nba ki LUK din sɔb nae na 16:24

Ŋanne ki mɔkitɔɔ na yiin sanpaapo a, ‘Chanbaa Abraham, tinimin ninbaauk, ki tun Lasarus ki wun pak u niibir nyun, ki tan teen n jerinn paak ki lin maak, kimaan n di biake muu ni na.’

Barŋanii nba ki LUK din sɔb nae na 16:28

ki wun saan kpaan n waarii banŋmu nba biar na, ki bi ji tan daa baat biak boor na ni.’

Barŋanii nba ki LUK din sɔb nae na 8:28

Yoo kur narinbiit maŋ din tuu fiir u nie, ki u doo ni teeb tuu guu-u, ki baan u nii nan u taa jarit, ŋaan wun yan jarit na; ki narinbiit maŋ beerɔ ki kɔɔntɔ muuk. Waa din la Yiisa yoo nba, ki u yikin sanpaapowa, ŋaan gbaan Yiisa tɔɔnn ki tian yet a “Yiisa, wunba tee Yabint Yennu Bija, min nan fin, nlee mantiki? N barimae, a daa mukisirimi.” U din yet nna kimaan Yiisa poŋ yakii nan narinbiiuk naewa a wun nyi jɔɔ na ni.

2 Piita 2:4

Malakanba nba din tun toonbiit na, Yennu din ki nyik bi tubdatu. U din jii jarite lorib, ki lub muu nba kan mi kpeen na ni; muu maŋ be bootuk nba sumii ki bia bɔn bonchiann nie; bi sii be leŋe mɔkmɔk nan daar nba ki u tan saa bu bi buut.

Fiitu 20:10

Ki malakanba jii Sintaanii nba kpann tingbouŋ na niib na, ki lu-u bootsunsuŋ nba ki muu nan sarwuuta di na ni, siaminba ki bi dɔŋ lu bonkobuk na nan u faak sɔkinii na. Leŋe ki bi saa di biak yonnu nan nyiɔk mɔkmɔk nan mɔkmɔk.