Barŋanii nba ki LUK din sɔb nae na 15:30 - Yennu Gbouŋ Mɔɔr

³⁰ A bija nae biir a faar kur, ki wei poochonchona. Waa tan jen yoo nba, ki a bia kpii naajakpammir ki turɔ.’

Yennu Gbounpaauŋ Mɔɔr

³⁰ A bija nee mantik biir a faar kur ki tan teen joonbaaruk poob paak, ki wa tan jen yoonba, ki a bia kpii naajakpammir ki bia turɔ.’

Barŋanii nba ki LUK din sɔb nae na 15:30 ပူးပေါင်းရင်းမြစ်များ

Nyinu 32:11

Ŋaan ki Moses barin u Yomdaanɔ Yennu ki yet a, “Yennu, bee paake ki a mantik donn wutoor a niib nba ki a jii a panchiaŋ nan yiikoo ki nyinnib Ijipt na?

Nyinu 32:7

Ki Yennu yet Moses a, “Ŋmatir sik yian, kimaan a niib nba ki a nyii namm Ijipt na yêtin ki tun yanbɔmma.

Barjokit 29:3

A numm-i gboo yanfoon, a baa sii mɔk parpeenne a paak. Li tee jatiie nan fii dia likirii kii waa jantona.

Barŋanii nba ki MAK din sɔb nae na 12:44

kimaan bi kur nyinn bi piinii bi mɔkinchiɔŋ nie, ŋaan pakɔtalasdaanɔ na ŋarin tur waa mɔk linba kure.”

Barŋanii nba ki LUK din sɔb nae na 15:29

Ŋaan ki u yet u baa a, ‘Barmɔnii, mine tuuma bina bonchiann. N bia ki mi yêt a mɔbu, ŋaan a poŋ taan ki mi turin buuk ki n kpii ki yiin n yɔɔsnba, ki ti dii ki mɔk parpeenni.

Barŋanii nba ki LUK din sɔb nae na 15:31

Ki u baa yetɔ a ‘N bik, fin ŋarin poŋ tuu be nanin yoo kure; ki linba kur ki n mɔk, li tuu tee a yare.

Barŋanii nba ki LUK din sɔb nae na 15:32

Li ŋan nan tin teen jaamm kii mɔk parpeenn, kimaan n tuu mi a a waarɔ na kpoe, ŋaan ki u be; ki bia mi a u bote, ŋaan ki u tan jenna.’ ”

Barŋanii nba ki LUK din sɔb nae na 18:11

Ki Farisii nirɔ na set ŋaan miar u mɔŋ dudukit ni ki yet a, ‘Yennu, n teena niipoouk, kimaan n ki tee biitdaanɔ nan leeb na. N ki tee ninfɔkdaanɔ, ki bia ki di fobiti, ki bia ki tee bonchonchonne. Niipoouk nan maa ki tee nan lampogaartɔɔ na na.