Barŋanii nba ki LUK din sɔb nae na 15:21 - Yennu Gbouŋ Mɔɔr

²¹ Ŋanne ki bik na yet a, ‘N baa, n tun bonbiir ki biir Yennu nanawa. N ji ki ŋan nan ki a yiinin a bija.’

Yennu Gbounpaauŋ Mɔɔr

²¹ Ŋanne ki bik na yaa a ‘N chanbaa, n tun bonbiir ki biir Yennu nanawa. N ji ki ŋan nan ki a yiinin a bijai.’

Barŋanii nba ki LUK din sɔb nae na 15:21 ပူးပေါင်းရင်းမြစ်များ

JOB labaar 33:27

Ki u saa yet niwor ni a, “N tun yanbɔmma. N ki tun linba ŋani, ŋaan ki Yennu tinnin.

Yaŋ 143:2

A daa bu min nba tee a toontunnɔ na buut, sɔɔ kaa ki tee kasii a tɔɔnni.

Yaŋ 51:4

N tun ki biirawa, n biir fin kuukɔɔe, ki tun linba ki a yaa li tee bonbiir na ki tura. Li paak, a mɔk mɔnii nan fan bu n buut. N kan nyiira, li-i tee ki a biirin.

Jeremaya 3:13

Fin n sak nan a mɔk biit, ki sak nan a yêt a Yomdaanɔ Yennu mɔba. Fiitir a biit nan timaatik kur nyakir a jii a lomm ki tur boorganii yenniiwa, ki ki sak n mɔbi. Min Yennu-e pak na.

Esekiel 16:63

N saa nyik chaba a biit, ŋaan a saa dukin a yanbɔmm po, ki fei saa di-a, ki a kan fit yet mɔbonni.” Min Yabint Yennu-e paak na.

Barŋanii nba ki LUK din sɔb nae na 15:20

Ŋanne ki u ji fiir ki ŋmat kun u baa boor. “Yoo nba ki u daa be banfɔkir ki kpent na, ki u baa lau; ki ninbaauk soorɔ bonchiann, ki u chiar ki baar puur wɔbɔ ki mɔɔt u tankpin.

Barŋanii nba ki LUK din sɔb nae na 15:22

Ŋaan ki u baa yet u daaba na a, ‘Teent yiama ki jii taŋant, nan baŋ, nan taasaat, ki lannɔ, ki bia pirimɔ baŋ nan taasaat na,

Rom Teeb 2:4

Koo a yisin loonchiɔŋ nan sukuru bonchiann nba ki Yennu mɔk nant nae-e? A ki mi nan Yennu mɔk burchint nana a wun te ki a nyik a biit na ŋaan kii be fanue-e?

1 Korint teeb 8:12

Fi-i tee nna ki tuun biit ki teen a naa waas, ki biir bi dudukit nba ki chee na, li want nan a tuun biit ki teen Masia-e.