Barŋanii nba ki LUK din sɔb nae na 15:17 - Yennu Gbouŋ Mɔɔr

¹⁷ Li poorpo ki u subir, ki yet a ‘N baa toontunna kura laat jeet di ki li jaŋitib, ki bia tent, ŋaan ki n tan kpenn kon nna na.

Yennu Gbounpaauŋ Mɔɔr

¹⁷ Li poorpo ki u yan jen, ki u yet a ‘N baa toontunna kura laat jeet di ki li jaŋitib, ki bia tent, ŋaan ki n tan kpenn nan kon nna na.

Barŋanii nba ki LUK din sɔb nae na 15:17 ပူးပေါင်းရင်းမြစ်များ

Yaŋ 119:59

N fiit n binbeŋewa ki senn mɔsonn nan n saa dia a wannu.

Yaŋ 73:20

Bi tee nan damiit nba tuu bot sanyiɔk ni nae; Yennu, fi-i fiir, bi tuu bote.

Banntɔɔ 9:3

Joontu yennkɔɔe baat sɔɔ kur paak, linba na tee bonkpetir nba tuune tingbouŋ na ni. Nisaarii binbeŋ ni kur, bi dudukit gbee nan toonbiit nan waatuko, ki bi tuu tan kpire kpo.

Jeremaya 31:19

Ti bo yêtae, ŋaan mɔtana ti loon tin jene. Faa dat ti tuba na, ti yura ji sɔɔne nan parbiir. Ti din dii fei-e ki la yukpiasir, kimaan ti din tun biit ti bisin niwa.’

Fabinii 1:7

Jerusalem tian u mɔkint nba ki u din mɔk yaayoo ni na po, ŋaan mɔtana ki u ji tee langbent kɔɔ. Ki waa kɔɔ u datai ni yoo nba, sɔɔ kaa ki saa sommɔ; ki binba nyannɔ na laau, u baak paak.

Esekiel 18:28

Li-i tee ki u bann nan waa tuun linba na ki ŋani, ki nyik tumu, u kan kpo, u sii be u manfoor ni.

Hosea 2:7

Ki u saa wei ber u yɔɔsnba ŋaan kan baarib, ki u saa lin kpaanib ŋaan kan lab, ki ji yet a, “N saa ŋmat n sinsinn jɔɔ boore. Maa tuu be leŋ na sɔ maa be mɔtana na.”

Barŋanii nba ki LUK din sɔb nae na 15:16

Ki u tuu loon wun di doorii jeet na; ŋaan ki sɔɔ ki teenɔ jesiati.

Barŋanii nba ki LUK din sɔb nae na 16:23

ki u be kpeentiŋ biak boor, ki li mukisɔ bonchiann. Ki u tan yaat got ki la Abraham banfɔkira, ki Lasarus be u boor.

Barŋanii nba ki LUK din sɔb nae na 8:35

Ki niib baar a bin la linba tun na, ki baar Yiisa boor, ki sɔɔ jɔɔ nba ki narinbiit poŋ nyii u ni na kar Yiisa boor, ki mɔk laafia nan u dudukit kura fanu, ki ji lia tiat; ki jaŋmaanii soor niib na.

Toona 12:11

Ŋanne ki Piita ji yerik, ki yet a, “Mɔtanae ki n ji daa bann nan li set tee mɔniie nan Yennu-e tun u malaka ki u baar nyinnin kpanbar Herod nuu ni, ki bia nyinnin Juu teeb nba lor a bin tumin biaŋinba na ni.”

Toona 2:37

Niib na nba gbat nna maŋ, ki bi para biir bonchiann. Ki bi boi Piita nan u leeb na a, “Ei! ti naa waas, ti saa teen nlee?”

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”