Barŋanii nba ki LUK din sɔb nae na 14:22 - Yennu Gbouŋ Mɔɔr

²² Li poorpoe ki u daabir na saan ki jen yet a ‘Chanbaa, n tun faa yet linba nawa, ŋaan ki yiar bia tenn.’

Yennu Gbounpaauŋ Mɔɔr

²² Li poorpoe ki u daabir na saan ki jen yet a ‘Chanbaa, n teen fa yet linba nawa, ŋaan ki yiar daa be.’

Barŋanii nba ki LUK din sɔb nae na 14:22 ပူးပေါင်းရင်းမြစ်များ

Yaŋ 103:6

Yennu-e bu ki sommit binba be mukir ni na, ki teemm mɔnii.

Yaŋ 130:7

Israel teeb, teent Yennu yada man, kimaan u lomm yɔɔ be-e, ki u bia teen siir yoo kur a wun tinni.

Barŋanii nba ki LUK din sɔb nae na 14:21

Ŋanne ki daabir maŋ ŋmat ki saa bet u chanbaa linba na kur. Ki u chanbaa na wutoor doo bonchiann, ki u bet daabir na a, ‘Nyimin ki saan doo ni yian yian, ki saa got sɔnii ni, ki yiin talasdamm nan wɔbii nan dianii nan jɔɔnii ki jen namm na.’

Barŋanii nba ki LUK din sɔb nae na 14:23

Ŋanne ki u chanbaa na yetɔ a, ‘Nyimin biak ki saan digbankpinii ki saa got pana paak nan sɔnjobis ni, ki te niib n baar, ki n ŋaak na n gbee.

Jɔɔnn 14:2

Diit bonchiann be n Baa Yennu ŋaak, ki n kun maa n saa teen i diit siir. Li-i bonni kii tee barmɔnii, n bo kan betini.

Efesus teeb 3:8

Yennu niib sinsuuk ni, mine tan joont ki ki tee siar, ŋaan Yennu tur mine yaak a man jii barŋanii nba wantit Masia nba sii teen binba ki tee Juu teeb na bonŋana bonchiann biaŋinba,

Kolosa teeb 2:9

kimaan Masia gbanant nie ki Yennu binbeŋ be,

1 Jɔɔnn 2:2

Waa din sik ki tan gaar ti paak ki kpo na, ŋɔɔe ji teen ti maruŋ Yennu boor ti toonbiit paak; ki u maruŋ maŋ ki tee timm Masiaweira kuukɔɔ toonbiit paak kaa, ŋaan li tee timm nan tingbouŋ na ŋaateeb kur toonbiit paake.