Barŋanii nba ki LUK din sɔb nae na 13:27 - Yennu Gbouŋ Mɔɔr

²⁷ Ki u bia saa jiin ki beti a ‘N ki mi yaa nyii siami, yimm biitdamm na kur, seetir nna man.’

Yennu Gbounpaauŋ Mɔɔr

²⁷ Ki u bia tan sa jiin ki beti a ‘N ki mi ya nyii siami, a yimm biitdamm kur na, seetir n boor ni na man.’

Barŋanii nba ki LUK din sɔb nae na 13:27 ပူးပေါင်းရင်းမြစ်များ

Yaŋ 1:6

Yennu-e ŋmakitir niŋamm na ki nyintib bonbiir ni, ŋaan nibiit na ŋarin kpan tɔk bi biiru sɔnue.

Yaŋ 101:8

Daar n tuu daar, n saa biir biit damm nba be tiŋ na nie; n saa nyinn biit damm kur Yennu doo na niwa.

Yaŋ 119:115

Yimm biit damm na, seetir n boor ni; n saa sak Yennu senniie.

Yaŋ 125:5

Yoo nba ki a daar biit damm tuba, fan mun dat binba yêt a sɔnii na tuba. Parmaasir-ii be Israel teeb paak.

Yaŋ 28:3

A daa biirin ki kpab nan nɔɔnbiit damm nba tee toonbiit dammi, binba piak kunkɔmana ki teen leeb, ŋaan mɔk nɔɔn ŋmiant na.

Yaŋ 5:6

A tuu biir faak damm nae, ki bia yisin kpikpiruk nan kpinkpannii damm.

Yaŋ 6:8

Seetir n boor ni man, yimm biit damm na, kimaan Yennu gbia n mɔŋ.

Hosea 9:12

Ki i-i lekii mar waasi, ŋaan n saa jiibe ki yaat namm, ki kan nyik nan yenɔkɔɔwa ki u mɔk manfoori. Mi-i nyiki yoo nba, bonbilankante saa baari.”

Matiu 25:12

Ki pooyookir sɔrɔ na jiin a, ‘Barmɔniie ki n beeri na, n ki miini.’ ”

Matiu 25:41

“Li poorpo, n tan saa jiant ki bet binba see n niigaŋ po na a ‘Yimm nibiit nba ŋan nan tubdatu na, seetir nna. Ii saa man ki saa kɔɔ muu nba di ki kaa kpeenu, ki Yennu ŋamm ki guun Sintaanii nan u niib na ni,

Barŋanii nba ki LUK din sɔb nae na 13:25

Ŋaadaanɔ-i taŋi fiir ki loon tammɔb na, ŋaan ki i biar see nanyer po, ki kpaan tammɔb ki yi ki yaa, ‘Chanbaa, lootir turit,’ ŋaan li yoo, u tan saa jiini a, ‘N ki miini; i nyii lee?’

1 Korint teeb 8:3

Daanɔ nba loon Yennu, ŋɔɔe ki Yennu miu.

Galasia teeb 4:9

ŋaan mɔtana i bann Yennu-wa, ki Yennu mun mi-i, li ji teen nlee ki i loon yin ŋmat wei bona nba ki mɔk yiikoo nba saa sommi na? Bee teen ki i jin loon ki i kpant bi daaba?

2 Timoti 2:19

ŋaan Yennu mɔmaan na ŋarin see-e chib nan fiakir nba kan mi damm na; ki mɔbona nba sɔb li paak tee nnae a: “Ti Yomdaanɔ mi binba tee u yab.” Li bia sɔb a, “Wunba kur yet a u tee ti Yomdaanɔ yɔɔe, li kpaa talas ki wun nyik toonbiit tumu.”