Barŋanii nba ki LUK din sɔb nae na 11:24 - Yennu Gbouŋ Mɔɔr

²⁴ “Li-i tee ki narinbiiuk tan nyii nirɔ ni, u tuu yeeke ki lin kunkoouk paak, ki loon foon boor, ŋaan ki ki laati; li paak, u tuu tan yet u mɔŋe a ‘N saa ŋmat saan ŋaak nba ki n daan nyii na nie;’

Yennu Gbounpaauŋ Mɔɔr

²⁴ “Li-i tee ki narinbiiuk tan nyii nirɔ ni, u tuu yeeke ki lin mɔkooŋ ni, ki loon foonboor, ŋaan ki laati; li paak, u tuu tan yet u mɔŋe a ‘N sa ŋmat saan ŋaak nba ni ki n daan nyii na nae;’

Barŋanii nba ki LUK din sɔb nae na 11:24 ပူးပေါင်းရင်းမြစ်များ

JOB labaar 1:7

Ki Yennu boiɔ a, “A bo be lee?” Ki Sintaanii jiin a, “N bo somme ki lin gɔrin tingbouŋ na kur po.”

JOB labaar 2:2

Ki Yennu boiɔ a, “A bo be lee?” Ki Sintaanii jiin a, “N bo somme ki lin gɔrin tingbouŋ na kur po.”

Yaŋ 63:1

Yennu, fine tee n Yennu. N loon fine. Nan tinkooŋ nan tinsaatik nba tuu loon nyun na, nnae ki n gbanant nan n seek kur kpenn a paak.

Barjokit 4:16

Toonbiit damm-i kii tun bonbisiar, bi ki fit gɔɔnt. Bi tuu nyɔɔne, see ki bi tan tun ki biir sɔɔ.

Aisaya 35:7

ki tanbiintonii saa kpant mɔkir, ki tinkooŋ saa gbee nan nyuntona. Mɔbɔi nba tuu be sian na saa pia kaar nan gartuut.

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 48:22

Yennu yeen a, “Biit damm ki be parmaasir ni.”

Barŋanii nba ki MAK din sɔb nae na 5:10

Ki narinbiit na te ki jɔɔ na barin Yiisa a u daa nyintib ki bi saa tingaŋ ni.

Barŋanii nba ki MAK din sɔb nae na 9:25

Yiisa nba la ki nibur na ŋammit tut baat bi boor na, ki u tian narinbiiuk na paak a “Fin narinbimutuukpaar na, mine tura mɔb, nyimin u ni ki ji daa mi jent u ni.”

Barŋanii nba ki LUK din sɔb nae na 11:25

wu ji kii ŋmat baar, wun la ki bi piar ki ŋamma,

Efesus teeb 2:2

I din waa tingbouŋ na biit sɔnue, ki sak Sintaanii nba dia narinbiit nba bi sanpaapo, nan niib nba ki saak Yennu mɔb na.

1 Piita 5:8

Ii dia i mɔŋ man, kii mi i dataak nba tee Sintaanii na po; u line nan yanbɔr na, ki loon wun la sɔɔ ki soor.