Barŋanii nba ki LUK din sɔb nae na 10:27 - Yennu Gbouŋ Mɔɔr

²⁷ Ki jɔɔ na jiin a “Ii loon a Yomdaanɔ Yennu; kii mantik kii loonɔ nan a par kur, kii bia kii loonɔ nan a seek kur, nan a paŋ kur, nan a dudukit kur, kii bia kii loon a lɔɔ nan faa loon a mɔŋ biaŋinba na.”

Yennu Gbounpaauŋ Mɔɔr

²⁷ Ki jɔɔ na jiin a “I loon a Yomdaanɔ Yennue; fii mantik-ii loonɔ nan a par kura, kii bia kii loonɔ nan a seek kura, nan a paŋ kura, nan a dudukit kura, kii bia kii loon a lɔɔ kaman nan fa loon a mɔŋ biaŋinba na.”

Barŋanii nba ki LUK din sɔb nae na 10:27 ပူးပေါင်းရင်းမြစ်များ

Liifai teeb 19:18

A daa jikit biit ki pa biit paaki, ki bia daa nan a lɔɔ, ŋaan kii loon a lɔɔ nan faa loon a mɔŋ biaŋinba na. Mine tee Yennu.

Matiu 19:19

ii teen a baa nan a naa baakir; kii loon a lɔɔ nan faa loon a mɔŋ biaŋinba na.”

Barŋanii nba ki LUK din sɔb nae na 10:26

Ki Yiisa ŋmat boiɔ a “Li sɔb nlee Yennu sennu gbouŋ ni? A karin ki laat nlee?”

Rom Teeb 13:9

Yennu sennu na yet a, “Daa chommi; daa kpi nirɔ; daa jaami; daa mɔk niɔŋ a lɔɔ bont paaki;” ki senn-yena biar ki pukin linba na paak ki li kur taan ki yet a, “Ii loon a lɔɔ nan faa loon a mɔŋ biaŋinba na.”

Galasia teeb 5:13

N naa waas, Yennu yiini yent-n-mɔŋ nie, ŋaan i daa te ki i yent-n-mɔŋ maŋ n tan te ki i gbanant niɔŋ n nyannini. Ŋaan yimm n jii lomm ki somm i leeb man.

Sennu 10:12

“Israel teeb, gbiintir man linba ki i Yomdaanɔ Yennu loon i boor. Ii jiantɔ kii saak u sennu nba kur ki u teeni, kii loonɔ, kii jiantirɔ nan i para kur,

Sennu 30:6

I Yomdaanɔ Yennu saa tur yimm nan i yaaboona mɔsaku par. Ki li saa te ki i loonɔ nan i para munn, ki i sii fit be tiŋ na ni.

Sennu 6:4

“Israel teeb, gbiintir man: ti Yomdaanɔ Yennu tee Yen-yenɔkɔɔe.

Sennu 6:5

Ii loonɔ nan a par kur, nan a seek kur, nan a paŋ kur.

Hiibru teeb 8:10

Min Yennu yet nan n saa senn mɔlor nba nae ki tur Israel teeb, daa nba baat na ni: N ji saa teen n sennii maŋ bi dudukit nie, ki sɔbir bi para ni. Mine sii tee bi Yennu, ki bi tee n niib.

Jeems 2:8

Li sɔb Yennu gbouŋ ni a, “Ii loon a lɔɔ nan faa loon a mɔŋ biaŋinba na.” Li-i tee ki i waa Yennu naan sennu maŋ, li ŋan,

1 Jɔɔnn 3:18

N waas, ti lomm maŋ daa be ti mɔi ni kuukɔɔ kaa; ŋaan kii tee barmɔnii lomm nba sommit niibe.