Barŋanii nba ki LUK din sɔb nae na 1:78 - Yennu Gbouŋ Mɔɔr

⁷⁸ Barmɔniie, Yennu mɔk ninbatinu nan burchint, ki ti tinnu daar maŋ tan sii tee nan yondoor nae,

Yennu Gbounpaauŋ Mɔɔr

⁷⁸ Barmɔniie, ti Yennu mɔk ninbatinu nan burchint, ki ti tinnu daar maŋ tan sii tee nan yendoor nee,

Barŋanii nba ki LUK din sɔb nae na 1:78 ပူးပေါင်းရင်းမြစ်များ

Yaŋ 25:6

Yennu, tiat a ninbatinu nan a lonjaann na po, linba ki a din tur yaayoo niwa na.

Aisaya 11:1

Defid naan ŋaateeb na tee nan tiik nba ki bi chɔɔ lu-u nae; yiinu nba tuu tuk tigbir paak biaŋinba na, nnae ki kpanbar paaŋ saa nyi Defid yaaboona na ni.

Aisaya 42:16

“N saa tɔkin nan n jɔɔnii na, sɔnu nba ki bi ki ban tɔkine. N saa kpint bi bunbɔnn na ki teenir yentu, ki naa digbangbetima na ki turib. N mɔsonae na, ki n saa dia mɔsona maŋa.

Aisaya 63:15

Yennu, faa be sanpaapo ki tee kasii ki mɔk baakir na, a gotit. A baka nba tuu be ti ni bonchiann na be lia? A paŋ na be lia? A lomm nan a ninkpabauŋ na be lia? A daa nyɔrin nyikinti.

Aisaya 63:7

N saa pak Yennu lomm nba ki gbent na poe. N dontirɔ nan waa tun linba kur ki turit. U teen piisin bonchiann timm Israel teeb paak, kimaan u ninkpabauŋ nan u lonchiɔŋ na paak.

Sekaria 3:8

Joosua, fin nba tee mannteeb yudaanɔ na, gbiintir. Mun gbiintir man, yimm nba tee mannteleeb na, yimme tee tɔɔnn po binbenŋaŋ nyinn. N saa baar nan n toontunnɔ nba ki bi yiu Tiik Yiinu na.

Sekaria 6:12

Betirɔ a Yabint Yennu yet a, ‘Jɔɔ nba ki bi yiu Tiik Yiinu na sii kpaatire, waa be siaminba na, ki tan ŋamm maa Yennu Ŋasaakak na.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Nikant 24:17

N gorii yoo nba baat, ki laat Israel teeb kpanbar nba tee nan ŋmaajar na, ki nyi niib na ni. Dammir saa nyi Israel teeb ni; ki u saa yakit Moab saakab yura, ki faa bir Sef niib kur.

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”

Filipi teeb 1:8

Yennu-e tee n siara daanɔ nan n yan set be i ni nan Yiisa Masia mɔŋ mɔŋ lomm.

Filipi teeb 2:1

Yaa be Masia ni biaŋinbae teeni paŋ, ki u lomm maant i para, ki i mɔk burchint nan ninbatinu i leeb paak, ki mɔk Seyeeŋ weinanleeb,

Kolosa teeb 3:12

Li paak, yaa tee Yennu nigannkab ki tee popeendamm ki bia tee u walonkai na, ii mɔk ninkpabauŋ, nan burchint, nan sikin-n-mɔŋ, nan soon nna binbeŋ, nan sukuru,

2 Piita 1:19

Ŋanne mantik kat wannit nan Yennu sɔkiniinba nba din pak Yiisa labaar nba na tee barmɔniie. Li ŋan ki yin gbiint baa din yet linba na fanu. Bi mɔbona maŋ tee nan fitir nba teen yentu bunbɔnn ni biaŋinba nae, mɔkmɔk nan yoo nba ki Yiisa tan saa jen; ŋanne saa te ki i numm n yent fanu.

1 Jɔɔnn 3:17

Daanɔ nba mɔk ki li jaŋitɔ, ŋaan la ki u naa bik pɔt siar, ki u baka kaa u ni, Yennu lomm kaa daanɔ maŋ ni.

Fiitu 22:16

“Min Yiisa-e tun n malaka, a wun tan fiit maan na ki tur n weira. Mine tee Defid yaaboonn, ki bia tee sanyafaar ŋmaajar nba nyɔkit na.”