Liifai teeb 26:5 - Yennu Gbouŋ Mɔɔr

⁵ Ki i bonbuburit saa nan bonchiann, ki i kpan sii jaan jeete ki saa tuu tilɔɔna punpɔɔr yoo. Ki i bia sii pɔ tilɔɔna ki saa tuu jeet bunburyoo. Ki i sii laat ki di linba kur ki i loon, ki bia sii be i yamani, i tiŋ ni.

Liifai teeb 26:5 ပူးပေါင်းရင်းမြစ်များ

Yaŋ 144:13

Ŋaant ki ti boa n gbee nan jebooru kur, ŋaant ki ti pei n mar pebis tusaa piik piik.

Yaŋ 90:1

N Yomdaanɔ, fine tun tee ti binbeboor.

Nyinu 16:8

Yennu-e saa turi nant daajoouk ki yin ŋman, ki bia turi boroboro sanyiɔk ni, yaa loon biaŋinba, kimaan u gbat yaa nyiirɔ biaŋinbawa. I-i nyiirit yoo nba, i ki nyiir timm kaa, ŋaan i nyiir Yennu-e.”

Barjokit 1:33

Ŋaan daanɔ nba kur gbat n maan saa la fatu ki sii be u yamani, ki kii tiin jaŋmaanii.”

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 1:19

Li-i tee ki i saa sak n mɔb, i saa di jeet nba saa pia tiŋ na paak.

Aisaya 30:23

Yi-i bur bonbuburit, Yennu saa te ki saak n baa, ki lin kpaat ki nan bonchiann ki yin jaan, ki i bonkobit bia sii mɔk mɔɔt ki ŋman.

Jeremaya 23:6

Wu-u dii naan yoo nba, Juda niib sii be bi yamanie, ki Israel teeb be nan parmaasir. U sann sii tee, ‘Yennu-e tee ti binben-yeeŋ.’ ”

Hosea 2:18

“Ki daa maŋ ni, n saa lor mɔlor nan muuk ni bonkobit kur, nan nɔɔnii kur, nan bonbubɔkit nba kur bɔɔk tiŋ ni, ki bi kan tur n niib daŋ. N saa nyinn tɔrbana nan jukbanjai nan tɔbii, tiŋ na paak, ki lin te n niib kur-ii be nan parmaasir.

Hosea 2:20

N sii dia n mɔsonn, ki teena n yɔɔ, ki a saa bann nan mine tee Yennu.

Joel 2:19

ki turib gatu a, “Mɔtana, n ji yaa man turi jeete nan tilɔɔna daan nan olif tiinii kpan, ki te yin gboo, ki digbanlia na ji kan sarikini.

Joel 2:22

Bonkobit, i daa tiin jaŋmaanii, kimaan bonkobit kpinkpaar boa biikite, ki tiinii loon lɔɔna, ki kinkana nan daan tilɔɔna yab bonchiann.

Joel 2:26

Mɔtana, i ji sii mɔk jeet bonchiann ki di gboot, ki i saa pak dont min i Yomdaanɔ Yennu sann, wunba tun bakitnauŋ toona ki turi na. Ki yimm, n niib, ji kan ban di fei.

Amos 9:13

Yennu ŋamm yet a, “Yoo baate, ki bi tuu tan sii jaan jeyent ki gbent na, ki jeleet kpaan nan jaanuwa. Ki daan tiinii saa lon bonchiann, ki bi kan fit jii li kur ki ŋaa daami. Ki damanin sii nyi jɔɔt nan kunkona paak ki puub.

Matiu 23:37

“Nbaayoo-o, Jerusalem teeb, yimm nba kpi Yennu sɔkiniinba, ki bia jaat u toomiinba nba ki u tumm i boor na tana, bikinu taar munŋaae ki n gbaa maa n lakini yomm nan korik nba tuu lakin u waas u kpinkpant ni na, ki i ki saki.

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”

Sennu 11:15

Ki mɔɔt saa kpaat, ki i bonkobit ŋman, ki i sii di gboot.

1 Timoti 6:17

A kpaan mɔkita na ki bi daa mɔk dont-n-mɔŋ, koo ki tee bi dindann mɔkint ni, kimaan li mɔkint tee wouŋo; ŋaan bin teen bi dindann kur Yennu ni; ŋɔɔe turit bont kur a ti gaar kii mɔk parpeenn.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.