Liifai teeb 26:44 - Yennu Gbouŋ Mɔɔr

⁴⁴ Ŋaan baa lek daa be bi datai tiŋ ni na, n kan nyikib yann, koo ki boontibi. Ki li saa te n mɔlor namm n pot. Mine tee bi Yomdaanɔ Yennu.

Liifai teeb 26:44 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

2 Kpanbara 13:23

ŋaan Yennu din ŋan ki bia mɔk ninbatinu namm. Yennu din ki chab ki Siria teeb biirib, ŋaan u din sommitibe, kimaan u mɔlor nba ki u lor nan Abraham nan Aisak nan Jakɔb na paak. U din ki ban tamm u niib po.

Nehemaya 9:17

Bi din yêt mɔsakuwa, ki tamm linba kur ki a tun nawa, ki bia tamm bakitnauŋ toona nba ki a tun na. Bi karinbaanii paak, ki bi gann tɔɔndaanɔ a wun jiib ki ŋmat namm daabisin ni, Ijipt tiŋ ni, ŋaan a tee Yennu nba nyikin ki chabite, ki bia mɔk parmaasir nan lomm, ki a wutoor ki do yian, ki a ninbatinu yab, ki a ki nyɔr nyikibi.

Nehemaya 9:31

Ŋaan a ninbatinu nba yab na paak, ki a ki nyɔr nyikib, koo ki boontibi. A tee parmaasir nan ninbatinu Yennu-e.

Yaŋ 103:13

Baa nba mɔk ninbatinu ki tur u waas biaŋinba na, nnae mun ki Yennu mɔk ninbatinu ki tur damm nba baakitɔ.

Yaŋ 89:33

ŋaan n kan nyik n lomm nan Defid-i, koo ki kan dia n mɔlor nanɔ.

Yaŋ 94:14

Yennu kan nyik u niibi; u kan nyik damm nba tee u yab na.

Jeremaya 14:21

Tiat a mɔsonn na po, ki daa yêenti. A daa baat nan fei Jerusalem nba ki a naangbouŋ be na paaki. A daa porii mɔlor nba ki a lor nant na.

Jeremaya 24:5

“Min nba tee Israel teeb Yomdaanɔ Yennu na gaar nan niib nba ki bi din jiib saan namm Babilonn na tee nan kinkana nba ŋan nae, ki n saa diab nan ŋant.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 31:20

“Israel digbann, fine tee n bijaloŋir, bik nba ki n lomm mantik be u ni. Yoo nba kur ki n taa a sann, n tuu dukin a po nan lomme. N yan tuu nyi saan a boore. N sii mɔk ninbatinu nana.

Jeremaya 33:26

Maa tun bona na biaŋinba na, nnae ki n saa dia n mɔlor nan Jakɔb yaaboona nan n toontunnɔ Defid. N saa gann Defid yaaboona na yenɔe ki wuu dia Abraham nan Aisak nan Jakɔb yaaboona. N sii mɔk ninbatinu nan n niib, ki te bin mɔkit.”

Esekiel 16:60

Ŋaan min ŋarin tian mɔlor nba ki n lor nana, yoo nba ki a din tee sapaamɔ nawa, li paak, n saa tura mɔsonn nba kan ban biir.

Liifai teeb 26:11

N sii be nani n kasii lanbouŋ na ni, n kan ban ŋaaini.

Rom Teeb 11:2

Yennu ki yêt u niib nba ki u dɔŋ gannib na. I mi laa sɔb Yennu gbouŋ ni ki want Elaija nba din beer Yennu, Israel teeb biit po biaŋinba a

Rom Teeb 11:26

Nnae ki Juu teeb kur saa la tinnu. Li tee nan laa sɔb Yennu gbouŋ ni a, “Tinntɔɔ saa nyi Sayɔnn doo nie, ki baar ki tan nyinn Jakɔb yaaboona biit kur ni.

Barbuura 2:1

Ki Yennu malaka nyii Gilgal ki saan Bokim, ki saa yet Israel teeb a, “N nyinni Ijipt tiŋ ni ki baar nani tiŋ nba ki n sat mɔb nan n saa tur i yeejamm na ni, ki yet a, ‘N kan ban biir n mɔlor nan yimmi.