Liifai teeb 25:23 - Yennu Gbouŋ Mɔɔr

²³ “I daa kɔi tiŋ ki chabini, kimaan i ki yen, li tee Yennu yare, ki i tee nan saamm na, ki u turi, ki i tuun nann toonn.

Liifai teeb 25:23 ပူးပေါင်းရင်းမြစ်များ

Pinpiik 23:4

“N tee saamɔe ki be i boor ni na. Ŋmitir tiŋ waan ki kɔi turin, ki man pii n ŋaapoo.”

Pinpiik 47:9

Ki Jakɔb jiinɔ a, “N manfoor nba ki n be nan linluŋ wei nan bina kobik nan piintaa nawa. Bina maŋ waar ki paar ki gar n yeejamm bina nba din tuu yab ki bi lin na.”

1 Kpanbara 21:3

Ki Nabof jiin a, “N dii kpaab na faar, n yeejamm boore. Yennu ki sak nan man te fan yenti.”

1 Barkperii 29:15

Yennu, a mi nan ti manfoor na ni, ti tee nan saamm nae tingbouŋ na ni, nan ti yeejamm nba din tuu tee na. Ti tee nan yunyuŋ nba tuu gar nae, ki ti kan fit lɔk kuumi.

2 Barkperii 7:20

ŋann ŋarin, n saa nyinni tiŋ nba ki n turi na ni, ki nyik jiantu ŋasaakak nba ki n ŋammir ki n niib sii jiantirin li ni na, ki li saa biar yann, ki niib nba be tingbouŋ na kur po saa pak biirir, ki bia yisinir.

Yaŋ 119:19

N tee saamɔe tingbouŋ na ni, a daa bɔriin a sennii.

Yaŋ 24:1

Durinya na nan linba kur be li ni tee Yennu yare. Li tingbouŋ nan wunba kur be li ni tee Yennu yare.

Yaŋ 39:12

Yennu, gbiintir n miaru ki bia gbiint n fabinii; mi-i mɔ, fan baar ki tan sommin. N be a boor ki tee nan saamɔ nae, ki tee nan n yeejamm nba din tuu tee na; n kan wei.

Yaŋ 39:13

Nyikimin ki n sii mɔk parpeenn nan maa tan saa yaat ki ji sii kaa.

Yaŋ 85:1

Yennu, a mɔk ninbatinu nan a tiŋ. A te ki Israel teeb bia ŋamm mɔkita.

Nyinu 19:5

Mɔtana, li-i tee ki i saa sak n mɔb ki dia n mɔlor na, i sii tee n niibe. Tingbouŋ na kur tee n yare, ŋaan yimme sii tee n nigannkab,

Nyinu 2:22

ki mar bonjak. Moses din yet a, “N tee boorganue tiŋ na ni, li paak ki n purɔ Gersom.”

Aisaya 8:8

Bi saa lia Juda nan nyunmɔnn nae, ki do porik ki piin bont kur.” Yennu be nant. U kpinkpanfɔkit nae guu tiŋ na.

Esekiel 48:14

Ki yiar nba ki i jii ki jiin tur Yennu na, leŋe mantik tee tinŋaŋ ki gar tiŋ na kur po, ki i daa kɔi tiŋ na, koo ki jikit ki kpentir, koo ki gaant ki teen sɔɔ. Li teen kasii, ki tee Yennu yar.

Hosea 9:3

Yimm Israel teeb na kan biar be Yennu tiŋ na ni, ŋaan i tan saa ŋmat saan Ijipt-e, ki saa saan ki saa di jeet nba tee kɔɔr, Asiria tiŋ ni.

Joel 2:18

Yennu baka be tiŋ na paak, ki u mɔk ninbatinu nan u niib,

Joel 3:2

N tan saa taan tingbouŋ na ŋaateeb kur ki baar namm Buut Baauk ni. Leŋe ki n saa bu bi buut nan baa tun linba kur ki tur n niib. Bi te ki Israel teeb na yat kɔɔ digbangana ni, ki bia biit Israel tiŋ nba tee n yar na.

Liifai teeb 25:10

Nna bannue ki a saa nyinn binn nba pukin piinŋmu na ki li be li kɔɔ, ki ji mɔɔnt ki tur sɔɔ kur yent maŋ ni nan woruku be. Binn maŋ ni sarwaat nba bo kɔi, bi saa jiin ki tur bondamm koo bi maaru, ki wunba kur ki bi bo kɔiɔ, ki u tee daabir, u saa ŋmat kun u ŋaaniib boor.

Liifai teeb 25:24

“Li-i tee ki sɔɔ kɔi tiŋ, u mɔk yaak ki tan saa ŋmat daa.

Sennu 32:43

“Digbana teeb, ii dont Yennu niib, Yennu saa dat binba kpib na kur tuba. U tuu dat u datai tubae, ŋaan nyik chab u niib bi biit.”

1 Piita 2:11

N naa walonkai, yaa tee saamm tingbouŋ na ni na, n kpaaniie a ii nyik gbanant loonbiit nba kɔn nan i sei na,