Liifai teeb 19:3 - Yennu Gbouŋ Mɔɔr

³ Sɔɔ kur n baakit u naa nan u baa, kii biaki tian foon daar po. Mine tee i Yomdaanɔ Yennu.

Liifai teeb 19:3 ပူးပေါင်းရင်းမြစ်များ

Pinpiik 48:12

Ki Joosef wokitib Jakɔb pana paak, ŋaan gbaan ki tibin u yur tiŋ ni, u tɔɔnn po.

Nehemaya 9:14

Fine din wannib a bii dia a foon daar na fanu, ki teenir kasii. A din jii a sennii nae ki tur a toontunnɔ Moses, ki u tur a niib.

Nyinu 16:29

Tiat nan min Yennu-e turi foon daar, ŋanne teen ki daaŋanloob daar kur, ki n tuu turi jeet ki lin jaŋ daa ŋanlee dinu. Daaŋanlore daar na, sɔɔ kur-ii be u ŋaak ni, ki daa nyi saa siari.”

Nyinu 20:12

“Turin a baa nan a naa baakir, ki a manfoor saa fɔkit tiŋ nba ki n teena na ni.

Nyinu 20:8

“Tiat foon daar kii diar kasii.

Nyinu 21:15

“Wunba faa u baa koo u naa, li tee yin kpiue.

Nyinu 21:17

“Wunba sat mɔtont u baa koo u naa paak, yin kpiu.

Barjokit 1:8

Gbiintir a baa nan a naa nba yeena linba.

Barjokit 23:22

Gbiintir a baa maan; u bonii kaa, a bo sii kaa. A naa-i taŋi kpet, fan wannɔ a ninbinn nba gboou biaŋinba.

Barjokit 30:11

Nisiab be ki sat mɔtont bi baanba paak, ki bi numm bia ki gboot bi naanba.

Barjokit 30:17

Tɔn, daanɔ nba laa u baa, koo ki yisin u naa, li ŋan ki juut n di u gbanant, koo kinkaat n kpakir u ninbina.

Aisaya 58:13

Ki Yennu bia yet a, “Li-i tee ki i dia foon daar na kasii, ki ki waa i mɔŋ loomm li daar, ki loon n kasii daar maŋ ki turir baakir, ki ki saa sɔnu, ki bia ki tuun toonn, koo ki ki piak maan nba ki mɔk nyɔɔt,

Esekiel 20:12

Mine sennib nan bii baakit foon daar na, ki lin wann nan bi tee kasii, ki tee n yab.

Liifai teeb 11:44

Mine tee i Yomdaanɔ Yennu, li ŋan ki yii tee kasii, kimaan n tee kasiie.

Liifai teeb 19:25

Ŋaan li bina ŋanŋmu na ni, yin ji di li lɔɔna. I-i tun nna, i tiinii kur saa lon lɔɔna bonchiann. Mine tee i Yomdaanɔ Yennu.

Liifai teeb 19:30

Ii tian n foon daar po, kii baakit siaminba tee n jiant boor. Mine tee Yennu.

Liifai teeb 19:31

“I daa saa laat jabaabuura nan ninnyɔdamm. I-i tun nna, i sii be biit nie. Mine tee i Yomdaanɔ Yennu.

Liifai teeb 19:34

Ii tuun kii ŋamiib nan yaa ŋamii i leeb Israel niib na, kii loomm nan yaa loon i mɔŋ biaŋinba na. Ii tian man nan i din tee boorganue Ijipt tiŋ ni. Mine tee i Yomdaanɔ Yennu.

Liifai teeb 23:3

“I mɔk daaŋanloobe ki sii tuun i toona. Ŋaan daa ŋanlore daar tee foon daare, ki i saa foi. Daar maŋ ni, i daa tuun siari, ii tuu taan leeb ki jiant Yennu. Yaa lek be siaminba kur, ŋaan foon daar na tee Yennu yare.

Liifai teeb 26:2

Ii dia n foon daar na, kii baakit siaminba ki i jiantirin na. Mine tee Yennu.

Malakai 1:6

Yabint Yennu yet mannteeb na a, “Bik teen u baa baakir, ki daabir mun teen u chanbaa baakir. Mine tee i baa, ki bee ki i ki teenin baakiri? Mine tee i chanbaa, ki bee ki i ki teenin baakiri? I jakime, ŋaan bia boi a, ‘Ti jaka nlee?’

Sennu 27:16

“ ‘Yennu mɔtont-ii be daanɔ nba ki baakit u baa nan u naa paak.’ “Ki niib na kur saa jiin a, ‘Lii tee nna.’

Sennu 5:16

“ ‘Turin a baa nan a naa baakir nan min, a Yomdaanɔ Yennu nba senna biaŋinba na, ki bont kur saa somm fanu nana, ki a saa wei bonchiann a manfoor ni, tiŋ nba ki n teena na ni.

Hiibru teeb 12:9

Ti baanba nba be tingbouŋ na ni daar ti tubae, ki ti teemm baakir. Li paak, li ŋan ki ti mantik sikin ti mɔŋ ki tur ti baa Yennu nba be Yendɔuŋ ni na, ki la manfoor.