Liifai teeb 11:45 - Yennu Gbouŋ Mɔɔr

⁴⁵ Mine tee Yennu nba nyinnii Ijipt tiŋ ni, a mii tee i Yennu. Li paak, li kpaa talas ki yii tee kasii, kimaan n tee kasiie.

Liifai teeb 11:45 ပူးပေါင်းရင်းမြစ်များ

Pinpiik 17:7

“Ki mɔsonn nba ki n senn ki tur fin nan a yaaboona na, n saa diar mɔkmɔk nan mɔkmɔk. Mine sii tee fin nan a yaaboona Yennu.

Nyinu 19:10

Ki Yennu yetɔ a, “Saant ki saa yet niib na ki bin jii dinna nan wonn ki ŋamm bi mɔŋ ki teen siir nan jiantii. Li kpaa talas bin wuur bi liant,

Nyinu 19:6

niib nba tee n kuukɔɔ niib, ki sii tee mannteeb ki tuun teenin.”

Nyinu 20:2

“Mine tee i Yomdaanɔ Yennu, wunba nyinni Ijipt tiŋ ni, siaminba ki i daan tee daaba na.

Nyinu 22:30

Ii jii i nei nan i pei matsinsina nba tee bonjara ki turin. Ŋaant matsinsinn nba tee bonjar na-ii be nan u naa daa ŋanlore, ŋaan daa ŋanniin daar na, yin jiiu ki turin.

Nyinu 6:7

N saa teeni n tiɔŋ niib, ki sii tee i Yennu. Ki i saa bann nan mine tee i Yomdaanɔ Yennu, yoo nba ki n nyinni daabisin ni, Ijipt tiŋ ni na.

Hosea 11:1

Yennu ŋamm yet a, “Yoo nba ki Israel din tee bik na, n din loonɔ, ki dat nyinnɔ Ijipt, ki u tee n bija.

Liifai teeb 11:44

Mine tee i Yomdaanɔ Yennu, li ŋan ki yii tee kasii, kimaan n tee kasiie.

Liifai teeb 11:46

“Tɔn, linba nae tee sennu nba jiin bonkobit, nan nɔɔnii, nan bonfoor nba kur be nyun ni, nan linba kur bɔɔk tiŋ na paak.

Liifai teeb 19:2

a wun bet Israel teeb a, “Ii tee kasii man, kimaan min, i Yomdaanɔ Yennu tee kasiie.

Liifai teeb 19:36

Ii bikii barmɔnii jaŋir, nan barmɔnii kpaiu. Mine tee i Yomdaanɔ Yennu, ki nyinni Ijipt tiŋ ni.

Liifai teeb 20:7

Ii tee kasii, kimaan mine tee i Yomdaanɔ Yennu.

Liifai teeb 22:33

Ki n nyinnii Ijipt tiŋ ni, a mii tee i Yomdaanɔ. Mine tee Yennu.”

Liifai teeb 25:38

I Yomdaanɔ Yennu, wunba nyinni Ijipt a wun turi Keenann tiŋ, kii tee i Yennu na sennue na.

Liifai teeb 26:45

N saa ŋamm pant n mɔlor nba ki n din lor nan bi yeejamm nawa, yoo nba ki n din wann digbana kur n paŋ nba tee, ki nyinn n niib Ijipt tiŋ ni, a mii tee bi Yomdaanɔ Yennu na.”

Nikant 15:40

Liant mɔgbankookii gbenta na tuu sii tee tiarin ki turi, ki i saa dia n sennii na fanu, ki i sii tee n niib nan barmɔnii.

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

Joosua 24:19

Ki Joosua yet niib na a, “I ki fit jiant Yennu, u tee kasii Yennu-e, li paak u kan nyik chab i biit, u ki loon yensau n pukin u po.

1 Piita 1:16

kimaan li sɔb Yennu gbouŋ ni a “Ii tee kasii man, kimaan min Yennu tee kasiie.”

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.

1 Samuel 6:20

Tɔn, ki Bef Semes teeb boi a, “Ŋmee saa fit set Yennu nba tee kasii na tɔɔnni, ŋmee doo niŋe ki ti saa saan nan mɔlor lakir na ki lin fɔkit nanti?”