Liifai teeb 11:44 - Yennu Gbouŋ Mɔɔr

⁴⁴ Mine tee i Yomdaanɔ Yennu, li ŋan ki yii tee kasii, kimaan n tee kasiie.

Liifai teeb 11:44 ပူးပေါင်းရင်းမြစ်များ

Yaŋ 99:5

Ii dont ti Yomdaanɔ Yennu man; ii jiantɔ, u naangbouŋ boor. U tee kasii daanɔe.

Yaŋ 99:9

Ii dont ti Yomdaanɔ Yennu man, ki jiantɔ, u kasii kunkonn na paak, kimaan ti Yomdaanɔ Yennu tee kasiie.

Nyinu 16:12

“N gbat Israel teeb nyiiruk nawa. Yetirib nan daajoouk kur bi saa la nant ki ŋman, ki sanyiɔk kur bi bia saa la boroboro, baa loon biaŋinba, ki bann nan min Yennu-e tee bi Yennu.”

Nyinu 19:10

Ki Yennu yetɔ a, “Saant ki saa yet niib na ki bin jii dinna nan wonn ki ŋamm bi mɔŋ ki teen siir nan jiantii. Li kpaa talas bin wuur bi liant,

Nyinu 19:6

niib nba tee n kuukɔɔ niib, ki sii tee mannteeb ki tuun teenin.”

Nyinu 20:2

“Mine tee i Yomdaanɔ Yennu, wunba nyinni Ijipt tiŋ ni, siaminba ki i daan tee daaba na.

Nyinu 22:30

Ii jii i nei nan i pei matsinsina nba tee bonjara ki turin. Ŋaant matsinsinn nba tee bonjar na-ii be nan u naa daa ŋanlore, ŋaan daa ŋanniin daar na, yin jiiu ki turin.

Nyinu 22:31

“I tee n niibe, li paak, i daa ŋman bonkobuk nba ki muuk ni bonkobuk soorɔ ki kpii, ŋaan ii tuu jii ki tur bɔi.

Nyinu 23:25

Li-i tee ki i jiantir min, i Yomdaanɔ Yennu, n saa teen piisin i paak, ki turi jeet nan nyun, ki bia nyinn yiarbooru kur i ni.

Nyinu 6:7

N saa teeni n tiɔŋ niib, ki sii tee i Yennu. Ki i saa bann nan mine tee i Yomdaanɔ Yennu, yoo nba ki n nyinni daabisin ni, Ijipt tiŋ ni na.

Aisaya 43:3

Kimaan mine tee i Yomdaanɔ Yennu, Israel teeb kasii Yennu, wunba tinti na. N saa jii Ijipt nan Sudann nan Seba-e, ki lin teen i tinnu paatii.

Aisaya 51:15

“Mine tee i Yomdaanɔ Yennu, mine tuu gbit mɔkgbeŋir, ki te li nyunpana fu fuut. N sanne tee Yabint Yennu.

Liifai teeb 10:3

Ki Moses yet Aarɔnn a, “Linba na boorue ki Yennu bo beerit na, ki yaa, ‘Daanɔ nba kur jiantirin, wuu baakitin nan barmɔnii, kimaan n tee kasiie. See ki n niib kur turin baakir.’ ” Ki Aarɔnn ki jiin siari.

Liifai teeb 11:43

i daa ŋman ki tee i mɔŋ jakinti.

Liifai teeb 18:2

a wuu pak Israel teeb a, “Mine tee i Yomdaanɔ Yennu.

Liifai teeb 19:10

I daa ŋmat i tilontii kpaab ni ki tɔkii tilɔɔna nba ki i lɔɔt, koo linba joontir baa na. Ii nyikir, ki talas damm nan boorganii n tɔkirir. Mine tee i Yomdaanɔ Yennu.

Liifai teeb 19:2

a wun bet Israel teeb a, “Ii tee kasii man, kimaan min, i Yomdaanɔ Yennu tee kasiie.

Liifai teeb 19:3

Sɔɔ kur n baakit u naa nan u baa, kii biaki tian foon daar po. Mine tee i Yomdaanɔ Yennu.

Liifai teeb 19:4

“I daa nyikitin ŋaan jiantir pata. I daa jikit kut ki naanir pata ki jiantiri. Mine tee i Yomdaanɔ Yennu.

Liifai teeb 20:26

Ii tee kasii man, kii tee n yab, kimaan mine tee Yennu ki tee kasii, ki n ganni a yii be i kuukɔɔ, ki daa taa nan leeb, ŋaan kii tee n yab.

Liifai teeb 20:7

Ii tee kasii, kimaan mine tee i Yomdaanɔ Yennu.

Liifai teeb 21:8

Niib na kur-ii chɔrin manntɔɔ nan u tee popeendaanɔ, kimaan u tuu jii jeet piinii ki mann maruŋ ki turin. Mine tee Yennu. N tee kasiie, ki te ki n niib tee kasii.

Amos 3:3

Niib banlee saa fit lakin saa sɔnu ki li ki tee bi taan dudukit yennkɔɔ kaa-a?

Nikant 15:40

Liant mɔgbankookii gbenta na tuu sii tee tiarin ki turi, ki i saa dia n sennii na fanu, ki i sii tee n niib nan barmɔnii.

Matiu 5:48

Li paak, ii be man fanu nan i Baa Yennu nba be sanpaapo na.

Sennu 14:2

kimaan yimme tee i Yomdaanɔ Yennu niburchimm nba ki u gann, a yii tee u mɔŋ niib ki gar niib nba kur be tingbouŋ na ni.

1 Tesalonika teeb 4:7

Yennu ki yiint a tii tee biitdamm kaa, ŋaan u yaa tii tee popeendamme.

Joosua 24:19

Ki Joosua yet niib na a, “I ki fit jiant Yennu, u tee kasii Yennu-e, li paak u kan nyik chab i biit, u ki loon yensau n pukin u po.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Fiitu 22:11

ki wunba tuu tuun toonbiit, wun biar kii tuun nna, a ki wunba mun tuu tuun jakint toonn, wun biar kii tuun nna; ki wunba tuu tuun toonŋana, wun mun biar kii tuun nna, ki wunba tuu tee popeendaanɔ, wun mun biar kii tee nna.

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.

1 Samuel 6:20

Tɔn, ki Bef Semes teeb boi a, “Ŋmee saa fit set Yennu nba tee kasii na tɔɔnni, ŋmee doo niŋe ki ti saa saan nan mɔlor lakir na ki lin fɔkit nanti?”