Kolosa teeb 3:15 - Yennu Gbouŋ Mɔɔr

¹⁵ Ii ŋaan ki Masia parmaasir na-ii ŋmakitir yaa dukii linba; Yennu lakin yiini gbananyennkɔɔ ni, a yii mɔk parmaasir maŋe. Li paak, ii teen Yennu niipoouk man.

Yennu Gbounpaauŋ Mɔɔr

¹⁵ Yi ŋaan ki Masia parmaasir nba na-ii dia ya dukii linba; Yennu lakin yiini gbananyennkɔɔ ni a yii mɔk parmaasir maŋe. Li paak, yii teen Yennu niipoouk man.

Kolosa teeb 3:15 ပူးပေါင်းရင်းမြစ်များ

Yaŋ 100:4

Kɔɔn Yennu ŋasaakak ni nan niipoturu, ki kɔɔ li dindonjouk ni nan dontir. Turimɔ niipoouk kii dontirɔ.

Yaŋ 107:22

Bin jii maruŋ ki turɔ niipoouk nan yanii nba tee parpeenn yanii, ki lin wann waa tun linba kur.

Yaŋ 116:17

N saa tura niipoouk maruŋo ki jii n miaru ki tura.

Yaŋ 29:11

Yennu jikit paŋ ki teen u niib; Yennu tee piisin u niib paak, ki teemm parmaasir.

Aisaya 26:3

Binba lora see fanu, kimaan bi dindann nba be a ni na, fin Yennu-e teemm barmɔnii parmaasir.

Aisaya 27:5

Li-i tee ki n niib na datai loon mii guub, bin maŋ nanin. Barmɔnii, ŋaant bin maŋ nanin.”

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 57:19

N teen sɔɔ kur parmaasire, binba naak nan binba be banfɔka na kur. N saa tur n niib laafiawa.

Jona 2:9

Ŋaan min saa yin yaŋ ki dont fine. N saa mann maruŋ ki tura, ki bia tun linba ki n senn mɔsonn nan n saa tun na. Tinnu nyi Yennu boore.”

Jɔɔnn 14:27

“Mi-i yaa n saan, n saa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Jɔɔnn 16:33

N beti biak na baaru po a yin tan fit la parmaasire, kimaan yaa gaa n paak na. I tan saa di biak tingbouŋ na ni. Ŋaan yii mɔk parcheenn man, kimaan n nyann tingbouŋ nawa.”

Rom Teeb 1:21

Bi mi Yennu, ŋaan bi ki teenɔ baakir nba ki u yen na, bi bia ki teenɔ niipoouku. Bi mɔk jatdudukit, bi yan ki yenti, ki bia ki mɔk nyɔɔti.

Rom Teeb 14:17

Kimaan Yennu naan labaar ki tee dinu koo nyunu labaar kaa, ŋaan li tee popeenn nan parmaasir nan parpeenn yare ki Yennu Seyeeŋ turit.

Rom Teeb 15:13

Yennu nba turit dindann na, yaa teenɔ yada na paak, u saa turi parmaasir nan parpeenn bonchiann, ki ŋɔɔ Yennu Seyeeŋ paŋ saa te ki i dindann na n ŋamm yabit.

Rom Teeb 5:1

Tɔn, taa teen Yiisa yada na paake ki Yennu yet a ti tee niŋamm u boor, ki parmaasir ji be timm nan Yennu sinsuuk ni, ti Yomdaanɔ Yiisa Masia paak.

1 Korint teeb 10:17

Laa tee boroboro kunn na, timm ŋarin yaba, ŋaan ti taane ki tee gbananyenn, kimaan ti kur lakin ŋman boroboro kunn nae.

1 Korint teeb 7:15

Ŋaan wunba ki tee Masiaweirɔ-i loon wun yêt u lɔɔ nba tee Masiaweirɔ, wun ŋaan ki wuu saa. Ŋann ŋarin sennu ji ki so bi sɔɔ. Yennu-e yiinit a tii be nan parmaasir.

2 Korint teeb 4:15

Kimaan linba na kur be a lin somm yimme, ki niib bonchiann nba tan saa la Yennu ninbatinu na tan saa turɔ niipoouk bonchiann, ki dont u sann.

2 Korint teeb 9:11

Li-i tee ki i sommit niib bonchiann, Yennu saa sommi bonchiann. Yaa turit piinii a ti somm leeb na, niib bonchiann saa pak Yennu, i piinii maŋ paak.

Efesus teeb 4:16

Ŋɔɔe te ki gbanant bɔka kur dia bi leeb, ki gbanant maŋ tukita dia nan leer; li kura-i tuun nan leeb chib chib, gbanant maŋ sii nɔbe.

Efesus teeb 4:4

Masiaweira tee gbananyenne, ki Yennu Seyeeŋ yenɔkɔɔe be, ki Yennu tinni ki turi dindann yennkɔɔ. Yomdaan-yenɔkɔɔe be, ki ti taan ki teenɔ yada, ki Yennu nyunwuru mun tee yennkɔɔ.

Efesus teeb 5:1

Yaa tee Yennu walonkai na, ii yabir i mɔŋ kii tee nan ŋɔɔ na,

Efesus teeb 5:20

Yoo kur, ii teen ti Baa Yennu niipoouk bonsiar kur paak, ti Yomdaanɔ Yiisa Masia sann ni.

Kolosa teeb 1:12

Ii teen ti Baa Yennu niipoouk man. Ŋɔɔe te ki ti jaŋ nan tin la yiar u boor, yentu ni, u niib sinsuuk ni,

Kolosa teeb 2:7

ki sikin i yada jiina u ni, ki i yada-ii be u ni, kii mɔk paŋ nan baa din wanni biaŋinba na, kii teenɔ niipoouk yoo kur.

Kolosa teeb 3:17

Li paak, yaa tuun linba, koo yaa yeen linba, ii tuun ti Yomdaanɔ Yiisa sann ni, kii teen ti Baa Yennu niipoouk u paak.

1 Tesalonika teeb 5:18

kii teen Yennu niipoouk bonsiar kur ni, kimaan Yennu nba loon biaŋinbae na, yaa tee Yiisa Masiaweira na paak.

1 Timoti 2:1

Li paak, linba kpaa talas tee yii puk Yennu, kii meiɔ, kii boiɔ, kii teenɔ niipoouk niib kur paake.

1 Timoti 6:12

Yabit a mɔŋ kii waa yada sɔnu nan ninmɔnn, kii dia manfoor nba kaa gbennu na. Yennu din yiina ki a gaar manfoor maŋe, yoo nba ki a din nyinn a mɔŋ paanu ki tur Masia, niib bonchiann numm ni na.

Hiibru teeb 13:15

Li paak, ii ŋaan ki tii dontir Yennu yoo kur Yiisa sann ni; paku nba nyi ti mɔi ni nae tee mannu ki turɔ.

Fiitu 7:12

ki yeen a, “Mamɔmm, paku nan dontir nan yan nan niipoturu nan baakir nan paŋ nan yiikoo tee Yennu yare mɔkmɔk nan mɔkmɔk. Mamɔmm.”