Kolosa teeb 1:24 - Yennu Gbouŋ Mɔɔr

²⁴ Mɔtana n mɔk parpeenn n biak dinu ni i paak, kimaan maa di biak maŋ biaŋinba na, n tontir biak nba ki Masia din senn a n di, u gbanant nba tee u weira paak nae.

Yennu Gbounpaauŋ Mɔɔr

²⁴ Ki mɔtana n mɔk parpeenn n fara dinu ni i paak, kimaan ma di fara maŋ biaŋinba na, n tontir fara dinu nba ki Masia din senn ma n di u gbanant nba tee u weira na paak na.

Kolosa teeb 1:24 ပူးပေါင်းရင်းမြစ်များ

Barŋanii nba ki MAK din sɔb nae na 10:39

Ki bi jiin a “Ti saa fita.” Ki u betib a “I set saa jii n jik-kpiatir nawa, ki bia di biak nan maa saa di biaŋinba nawa.

Toona 5:41

Ŋanne ki toomiinba maŋ nyii tɔɔndamm tituk na ni nan parpeenn, kimaan Yennu nba la ki bi jaŋ nan fedinu Yiisa sann paak na.

Rom Teeb 5:3

Ti bia mɔk parpeenn ti biak dinu ni, kimaan ti mi nan biak dinu baat nan sukurue,

Rom Teeb 8:17

Taa set tee u waas na paak, ti saa la bonŋann nba ki u bir ki guun u niib nawa; ti bia tan saa lakin nan Masia ki gaarira. Kimaan ti-i di biak Masia paak, u tan saa donnit u boora.

1 Korint teeb 12:27

Yimme lakin tee Masia gbanant, ki sɔɔ kur tee u gbanant nba gaa na yenn-nba.

2 Korint teeb 12:15

li paake ki li manin nan man jii n mɔŋ ki turi, ki tun nan ninmɔnn ki sommi. Ki mi-i looni bonchiann, yimm sii loonin waaminnae-e?

2 Korint teeb 6:10

Ti mɔk parbiir ŋarin, ŋaan Yiisa paak ti mɔk parpeenne yoo kura. Ti tee tariie, ŋaan timme te ki niib bonchiann tee mɔkita Yennu boor. Ti ki mɔk tingbouŋ na mɔkint siari, ŋaan ti mɔk linba gar mɔkint kura. Linba na kura want nan ti set tee Yennu toontunnae.

2 Korint teeb 7:4

N ki mɔk birsuk i paaki; n mɔk yuugontir nani, ki n par mei i paak bonchiann. Ti biak dinu kur ni, ŋaan n mɔk parpeenn nani.

Efesus teeb 1:23

U nigannkab maŋe tee u gbanant, ki u gbanant maŋ gbee nan u paŋ, ki u mun gbee nan Yennu paŋ.

Efesus teeb 3:1

Linba na paake, ki min Pɔɔl nba kɔɔ dansarik Yiisa Masia toona paak na lek mei Yennu, yimm nba ki tee Juu teeb na paak.

Efesus teeb 3:13

Li paak, n barimie, i daa te ki i para biir nan maa di biak i paak na, kimaan li tee i sommir paake.

Filipi teeb 3:10

Linba kur ki n ji loon tee ki n bann Masia-e, ki bann u kuun fiiru paŋ, ki di biak nanɔ, ki n binbenkperik na n kpo nan waa din kpo biaŋinba na,

Kolosa teeb 1:18

Ŋɔɔe tee u niib yur, ki bi tee u gbanant. U niib maŋ manfoor nyi u boore. Ŋɔɔe tee pinpiik, ki tee Yennu Bija, ki din kpo ki fiir kuun ni sinsinn, a u kuukɔɔ-ii tee bonsiar kur yudaanɔ,

2 Timoti 1:8

Li paak, ii mɔɔntir ti Yomdaanɔ labaar na ki daa tiin fei. A bia daa tiin fei nan maa be dansarik ni u paak na, ŋaan sak biakdinu u barŋanii maŋ paak, nan Yennu nba tura paŋ biaŋinba na.

Jeems 1:2

N naa waas, ii mɔk man parpeenn, yoo nba ki i di farbooru booru na,