Juud 1:15 - Yennu Gbouŋ Mɔɔr

¹⁵ a wun bu nisaarik kur buut, ki biir binba kur ki tinɔ, ki ki sak u mɔb, ki tun toonbiit biaŋinba; nan biitdamm kur nba pak mabiit nba kur ki biirɔ, ki bi baka kaa nanɔ biaŋinba na.”

Yennu Gbounpaauŋ Mɔɔr

¹⁵ a wun bu nifosaarik kur buut, ki biir binba kur ki tiinɔ, ba tuun toonbiit, ki ki saak u mɔb biaŋinba na; nan biitdamm kura, ba piak mabiit kur ki biirɔ biaŋinba na, ki bi baka kaa nanɔ.”

Juud 1:15 ပူးပေါင်းရင်းမြစ်များ

Yaŋ 139:20

Bi piak biite ki jiin a po, ki piak biir a sann.

Yaŋ 149:9

ki dat digbana na tuba, nan Yennu nba senn biaŋinba na. Yennu niib nyannue na. Pakin Yennu man.

Yaŋ 31:18

A te ki bi fai mɔi na n kpakin, binba tee fai damm nan biir teeb, ki piak biir niŋamm na kur.

Yaŋ 37:6

U saa te ki a kasii binbeŋ na n nyirik nan sanyayondoor na, ki te ki a barmɔnii binbeŋ-ii yeen nan yonsupeeuŋ ni na.

Yaŋ 73:9

ki piak bonbiir ki jiint Yennu nba be yendɔuŋ ni na po, ki dia garuk ki want tingbouŋ na niib baa sii tuun biaŋinba,

Yaŋ 94:4

Biit damm na parbifaanu saa wei nlee? ki bi faa parbia ki jiint bi toonbiit po.

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Nyinu 16:8

Yennu-e saa turi nant daajoouk ki yin ŋman, ki bia turi boroboro sanyiɔk ni, yaa loon biaŋinba, kimaan u gbat yaa nyiirɔ biaŋinbawa. I-i nyiirit yoo nba, i ki nyiir timm kaa, ŋaan i nyiir Yennu-e.”

Banntɔɔ 11:9

Nipaauŋ, ii di manu i bisuk ni. Ii mɔk parpeenn, yaa daa paan na. Tumin linba ki i loon, ki maŋ i para, ŋaan ii tian man nan Yennu tan saa bu i buut linba kur ki i tun na paaka.

Banntɔɔ 12:14

Yennu tan saa bu linba kur ki ti tuun na buuta, nan linba ki ti lek tumir bunbɔnn ni, laa lek tee bonŋann koo bonbiiri.

Esekiel 35:13

N gbat i dont-n-mɔŋ pinpakit nba ki i piak ki biirin nawa.”

Daniel 11:36

“Siria kpanbar saa tun waa loon biaŋinbae. U saa faa parbiir nan u mɔk yiikoo ki gar yennii nba be, ki gar Yabint Yennu gbaa. U sii fit tuun nna ki laat nyannu, ki tan tuu yoo nba ki Yennu saa dat u tubir. Yennu saa tun fanu nan waa senn biaŋinba na.

Daniel 7:20

Ki n bia loon man bann yina piik nba be bonkobuk maŋ yur paak, nan yenbik nba put bi sinsuuk ni na paak. Ki yenbik na nba put yoo nba, ki u te yina ŋantaa gbiat baa, ki yenbik na mɔk ninbina, ki bia mɔk mɔb, ki piak dont u mɔŋ, ki mɔk jaŋmaansooruk ki gar yinlia na.

Jɔɔnn 5:27

ki u bia turin yiikoo a mii bu niib buut, kimaan n tee Nisaarik Bike.

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 14:10

Ki fini, bee teen ki a biir a naa biki? Bee teen ki a yisin a naa biki? Ti kur tan saa set Yennu tɔɔnne ki wun bu ti buut.

Rom Teeb 2:16

Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

1 Korint teeb 5:13

Li poŋ sɔb Yennu gbouŋ ni a, “Ii ber biitdaanɔ na ki nyinnɔ i ni.”

1 Timoti 1:9

Ii tian nan sennu ki see niŋamm paak kaa, ŋaan li see binba tee mɔyêtdamm na paake, nan binba ki tiin Yennu, nan biitdamm, nan jakint damm, nan binba ki teen Yennu baakir na paak, nan binba kpi bi baanba nan bi naanba, nan nikpiira,

Juud 1:16

Bi tee bunburimii damme; bi numm ki mi gboo; ki bi tuun bi mɔŋ loonbiit, ki mɔk parbifaant bonchiann, ki korin niib a bin la baa loon linba.

Fiitu 13:11

Li poorpo ki n bia la muuk ni bonkob-lɔɔ, ki u nyii tiŋ ni, ki mɔk yina ŋanlee nba naan Pegann yina, ki u piak, ki u kunkɔr naan waakperbiiuk na kunkɔr;

Fiitu 22:20

Tɔn, wunba pak linba na yet a “Mamɔmm, n baate mɔtana.” Mamɔmm, ŋaant ki lii tee nna. Ti Yomdaanɔ Yiisa, baat.

1 Samuel 2:3

Nyikin dont-n-mɔŋ pinpakit na. A daa te ki a mɔb piak li karinbaanmaan, kimaan Yennu tee Yennu nba mi, ki saa bu niib nba tuun linba kur buut.