Jona 4:5 - Yennu Gbouŋ Mɔɔr

⁵ Li poorpo ki Jona fiir saan doo na yondo po, ki saa chaan maasu ki kar leŋ, ŋaan gorii a wun laan Yennu nba saa teen Ninefe biaŋinba.

Jona 4:5 ပူးပေါင်းရင်းမြစ်များ

1 Kpanbara 19:13

Elaija nba gbat nna maŋ ki u jii u liatir ki dɔkin u numpo, ŋaan nyii ki saa set tanfiiɔk na tammɔb ni. Ki kunkɔr na yetɔ a, “Elaija, a tuun bee nna?”

1 Kpanbara 19:9

Leŋe ki u din saa kɔɔ tanfiiɔk ni ki dɔɔr li daar nyiɔk. Li nyiɔko ki Yennu pak nanɔ a, “Elaija, a tuun bee nna na?”

Aisaya 57:17

N bo donn wutoor bi paak, kimaan bi biit nan bi jawuuk paak, ki n dat bi tuba ki nyɔr nyikib. Ŋaan ki bi tee tubkangbata, ki tukin saa bi tiɔŋ sɔnu.

Jeremaya 20:9

Ŋaan li-i tee ki n yet a, “See ki n nyik Yennu ki ji kan ban pak u sann ni,” li yoo a maan na tuu tee nan muu nae ki di n par ni. N tuu yabire maa mii diar n par ni, ŋaan n ki fit diari.

Jona 1:5

Binba din be ŋaruŋ na ni yan din put bonchiann, ki bi jak wuyikinii ki loon sommir. Sɔɔ kur din yikin ki yi u yenbike. Baa din gbaa baa saa teen biaŋinba ki ŋaruŋ na n fukit na, bi din nyinn jika nba be ŋaruŋ na ni kurae ki lu nyun ni. Li yoo na ki Jona dɔɔ ŋaruŋ na ni ki gɔɔn kpowa.

Jona 4:4

Yennu din boiɔ a, “Jona, bia paake ki a donn wutoor na?”

Jona 4:6

Yennu din te ki tuŋ pia, waa kar sian na, ki kpaat teen maasu u paak, ki u gbanu maak. Jona par din maŋ bonchiann, tuŋ na nba turɔ maasu na paak.