Jona 4:2 - Yennu Gbouŋ Mɔɔr

² U din yet a, “Yennu, maa daan daa be n doo ni na, n daan ki yet nan a tan saa tun nnae-e? Ŋanne teen ki n daan gbaa maa n chiar saan Speenn. N mi nan a tee Yennu nba mɔk lomm nan ninbatinue. Yoo kur a mɔk sukurue nan ŋamm, ki teen siir yoo saaka, a fin lebit a dudukit ki nyik niib tubdatu.

Jona 4:2 ပူးပေါင်းရင်းမြစ်များ

1 Kpanbara 19:4

ŋaan somm datunmunn ki kɔɔ muuk. U din saa kar tiik maasue ki sun wun kpo. U din miar Yennu ki yet a, “Yennu, li gar n paŋ terika. Nyint n manfoor, kimaan n tee nisaarike nan n yeejamm nba din tee na.”

Yaŋ 103:8

Yennu mɔk ninbatinu nan lomm, u wutoor ki do yian, ki u bia gbee nan lonchiɔŋ.

Yaŋ 145:8

Yennu mɔk lomm nan ninbatinu, u wutoor ki do yian, ki u lomm bia kaa gbennu.

Yaŋ 78:38

Ŋaan Yennu lek bia din mɔk ninbatinu nan u niib na, ki nyik chab bi yanbɔmm, ki din ki biiribi. Yoo n tuu yoo u din tuu gɔɔr u wutoore, ki ki fiint u jati.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Yaŋ 90:13

A wutoor saa do ki wei nlee? Yennu, tinin timm a daaba ninbaauk.

Nyinu 32:14

Ŋanne ki Yennu lebit u dudukit, ki ji ki baar nan bonbiir u niib paak, nan waa bo yaa wun tun na.

Jeremaya 18:8

ŋaan ki li digbann ŋmat jen n boor ki nyik biit tumu, n ji kan tun linba ki n bo yaa n tun na.

Jeremaya 20:7

Yennu, a kpannime, ki n set be kpinkpannii ni. A mɔk paŋ ki garin, ki nyannin. Sɔɔ kur piak maame ki jiint n po, ki bi laan yontunmuna.

Jeremaya 26:13

Li kpaa talas yin lebit i binbeŋ nan linba ki i tuun, ki sak i Yomdaanɔ Yennu mɔb. Yi-i tun nna, u saa lebit u dudukit ki jiin biiru nba ki u yet a u saa baar nann na powa.

Jeremaya 42:10

‘Li-i tee ki i loon yii be tiŋ na ni, n saa te ki yii doe, n kan te ki yii siik kaa, n saa buriie, n kan ŋabirii kaa. Maa baar nan biak nba i paak na biir n par bonchiann.

Amos 7:3

Ki Yennu lebit u dudukit, ki yet a, “Faa la yirintu nba na, li kan teeni.”

Amos 7:6

Ki Yennu lebit u dudukit biak ki yet a, “Faa la yirintu nba na, li kan teeni.”

Jona 1:3

Ŋaan Jona din chiar gaar gann poe, a wun bɔr ki Yennu daa laatɔ, ki saan digbansiar ki bi yir Jɔpa, ki saa la ŋaruŋ ki li saa doo nba sann tee Speenn na. Waa din la ŋaruŋ maŋ, ki u pa kɔɔnu likirii ŋaan kɔɔ, ki dukii wun saan Speenn ki saa bɔr.

Jona 3:10

Yennu din la linba ki bi tun na. U din la nan bi lu bi yanbɔntoonawa. Ki u lebit u dudukit, ki nyik bi tubdatu.

Jona 3:9

Li ki gar Yennu saa lebit u dudukita. Li ki gar u saa maan u wutoor, ki ti kan kpo.”

Maika 7:18

Yennu, sɔɔ kaa ki tee nan fin na; a nyik chab a niib nba tinn na yanbɔmma. A ki biat a wutoor ni mɔkmɔk nan mɔkmɔki, ŋaan li mana ki a wantit a lomm nba kaa gbennu.

Barŋanii nba ki LUK din sɔb nae na 10:29

Ŋaan ki sennu wanntɔɔ na lek loon wun wann nan u ki mɔk biit ki jiin sennu na po, ki boi Yiisa a “Tɔn, ki ŋmee tee n lɔɔ?”

Sennu 4:31

U tee ninbatinu Yennu-e. U kan nyiki yann, koo ki biirini. U bia kan tamm mɔlor nba ki u mɔŋ lor nan i yeejamm na.