Jona 2:4 - Yennu Gbouŋ Mɔɔr

⁴ Ki n dukin nan min kpan nyinte na, ki ji kan mi nakin a kasii jiantu ŋasaakak na, ki n ninbinn bia ji kan mi lari.

Jona 2:4 ပူးပေါင်းရင်းမြစ်များ

1 Kpanbara 8:48

Li-i tee ki bi mɔ kɔɔ bi biit paak nan barmɔnii, tiŋ maŋ ni, ki set tokin tiŋ nba ki a din tur bi yeejamm na, nan digbann nba ki a gann na, nan ŋaak nba ki n maa ki tura na,

1 Kpanbara 9:7

ŋann ŋarin n saa nyinn n niib Israel teeb tiŋ nba ki n teemm na nie, ki bia nyik jiantu ŋasaakak nba ki n ŋammir ki li tee n jiantu boor na. Tingbouŋ na ni nisaarii kur saa yisin Israel teeb, ki diab nan nɔɔntont.

2 Barkperii 6:38

Li-i tee ki bi mɔ kɔɔ bi toonbiit paak nan barmɔnii, tiŋ maŋ ni, ki set tor tiŋ nba ki a din tur ti yeejamm na, nan digbann nba ki a gann na, nan jiantu ŋasaakak nba ki n maa ki tura na ki miara,

Yaŋ 31:22

Jaŋmaanii bo soorime, ki n yet a, “Yennu-e berin, ki n fɔkit nanɔ.” Ŋaan ki u gbat n fabinii, yoo nba ki n yiin ki loon sommir na.

Yaŋ 42:8

Yennu want u lomm yonnu ni, ki n fit yiin yaŋ nyiɔk ki teenɔ, ki miar ŋɔɔ Yennu nba teenin manfoor na.

Yaŋ 5:7

Ŋaan a yaa lonchiɔŋ paak ki n fit baat a boor. N fit jiantira, a kasii ŋasaakak ni, ki bia gbaant a tɔɔnn ki teena baakir.

Yaŋ 88:6

Ki a jiin ki lun kasunsuŋ ni, ki li tee siaminba tee bunbɔncheenn ki bia sumii chib.

Yaŋ 88:7

A wutoor paa n paak ki kpai, ki n dɔɔ nyunpana lɔŋ ni.

Aisaya 38:17

N tont na saa kpant manue. A nyinn n manfoor ninbɔŋ kur niwa. A nyikin chab n biit kura.

Aisaya 49:14

Ŋaan ki Jerusalem teeb yet a, “Yennu nyɔr nyikita. U tamm ti powa.”

Jeremaya 15:1

Ki Yennu pak turin a, “Li-i lekii bo tee Moses nan Samuel see nna ki bo fabin nanin, ŋaan n bo kan tin niib na ninbaauku. A te ki bin seet nna.

Jeremaya 7:15

N saa ber nyinni n boor ni nan maa ber i nikpiimm Israel teeb nae. Min Yennu-e pak na.”

Fabinii 3:54

Ki nyun na yaa lin piinin, ki n ji mi nan kuun nakinima.

Esekiel 37:11

Ki Yennu ŋamm betin a, “Nisaarik, Israel teeb tee nan kpabkoona na nae. Bi yeen a bi mantik koora, ki ji ki mɔk dindann manfoor po.

Daniel 6:10

Yoo nba ki Daniel gbat nan bi senn sennu na na, ki u fiir kun ŋaak ni. U din tan doo u ŋaak ditɔɔtii paak, ki gbaan, takoru nba loot ki tor Jerusalem po na boor, ki mei Yennu nan waa tuu mei biaŋinba na, taar muntaa daar nɔɔk ni.

Jona 2:7

Yoo nba ki n dukin nan n manfoor gbente na, ki n fabin nan fin Yennu, ki a be a kasii jiantu ŋasaakak ni, ŋaan gbiint n fabinii maŋ.