JOB labaar 6:10 - Yennu Gbouŋ Mɔɔr

¹⁰ Li-i tee ki n bo bann nan u saa tun nna, n bo sii yuuk ki mobite nan kpinkpammuk, n bo kan boi n gbananyekitir nba tee biaŋinba. N mi nan Yennu tee kasiie. N ki ban yêt u sennii.

JOB labaar 6:10 ပူးပေါင်းရင်းမြစ်များ

JOB labaar 11:4

A want a mɔŋ nan faa piak linba kur tee barmɔniie, ki want a mɔŋ nan a tee popeenn daanɔ Yennu boor.

JOB labaar 15:11

Yennu teena parmaasire, ki bee teen ki a yêeniri? Ti piak u paak nan sikin-n-mɔŋ mɔbonae,

JOB labaar 21:33

Niib tusaae tuu be u kupiinu ni, ki tant tuu tan paan u paak soon nna.

JOB labaar 22:22

A gaar u wannu nba ki u teen; ki teen u maan na a par ni.

JOB labaar 23:11

N waa sɔnu nba ki u gann na nan barmɔnii, ki ki turin siar po.

JOB labaar 23:12

N yɔɔ tuun linba ki Yennu senn nae. N tuun waa loon biaŋinbae; n ki tuun n mɔŋ nba loon biaŋinba kaa.

JOB labaar 3:22

Bi ki mɔk parpeenni, see bi tan kpo ki bi piib.

JOB labaar 9:4

Yennu mantik sub, ki bia mɔk paŋ; ki nisaarik kan fit tookɔ.

Yaŋ 119:13

N saa pak a sennii nba ki a turit na nan kunkɔsaakar.

Yaŋ 119:50

N daamii ni lek, ŋaan n laa parcheenna, kimaan a mɔsonn nae turin manfoor.

Yaŋ 37:30

Mɔbonŋana nyi niŋanɔ boor ki tee subinii maame, ki u lamm piak linba took,

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Hosea 11:9

N kan donn wutoor ki dat i tuba. N ji kan biir yimm Israel teebi, kimaan n tee Yennu-e, n ki tee nisaarik kaa. Mine tee kasii daanɔ, ki be nani. N kan baar i boor nan wutoori.

Liifai teeb 19:2

a wun bet Israel teeb a, “Ii tee kasii man, kimaan min, i Yomdaanɔ Yennu tee kasiie.

Habakuk 1:12

Yennu, fine tee Yomdaanɔ, durinya na nba piina. Fine tee n Yomdaanɔ, ki tee kasii mɔkmɔk nan mɔkmɔk. Yennu nba tee n Yomdaanɔ ki bia tee n guutɔɔ, fine gann Babilonn teeb, ki turib paŋ, a bin dat ti tuba.

Habakuk 3:3

Yennu bia saa nyi Edom poe ki jen; kasii Yennu na saa nyi Parann kunkona na poe ki baar. U yentsaakar na piin sanpaaka, ki tingbouŋ na gbee nan u dontir.

Toona 20:20

Ki i bia mi nan maa din mɔɔntir Yennu maan, ki wanti niib ni nan i ŋei ni na. N din paki linba kur saa sommi, ki ki nyiki, ki bia ki tenn siari,

Toona 20:27

kimaan n ki mi fɔrint nan man mɔɔnt Yennu maan maŋ kur ki wannini.

Rom Teeb 8:32

Yennu ki minnit u mɔŋ Bija na, ŋaan jiiu ki u tee maruŋ ti kur paak. Ŋɔɔ Yennu-e turit u Bija maŋ, ki nlee ki u ji kan turit linba kur biari?

Sennu 29:20

Yennu kan nyik chab li daanɔ, ŋaan u wutoor saa doe daanɔ maŋ paak, ki bonbiir nba kur sɔb gbouŋ na ni saa baa u paak, ki di boontɔ.

Fiitu 3:7

Ki wunba ki n lau na bia betin a n sɔb mɔmaan na ki tur u weira nba lakin be Filadelfia doo ni na malaka a: “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia Defid peenu na, ki li-i tee ki u loot gann, sɔɔ kan fit looni; ki wuu biaki loon, sɔɔ kan fit looti.

Fiitu 4:8

Ki bonfoa banna na kur mɔk kpinkpant ŋanloob-loob, ki bia mɔk ninbina bonchiann bi gbanant kur po. Ki yonnu nan nyiɔk kur bi ki nyikit yanii yinu. Bi yiin a, “Kasii, kasii kasiie tee ti Yomdaanɔ Yennu, wunba mɔk paŋ kura, ki din be, ki bia daa be, ki bia tan sii be mɔkmɔk nan mɔkmɔk.”

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.