JOB labaar 5:5 - Yennu Gbouŋ Mɔɔr

⁵ Kommae saa di jatit jeburkara, nan jeet nba lek bur kunkonii niwa, ki binba nunii mɔn nan bin la mɔkint na sii fumm bi mɔkint paak.

JOB labaar 5:5 ပူးပေါင်းရင်းမြစ်များ

2 Barkperii 33:11

Ŋanne Yennu te ki Asiria kunkɔnkɔnna saakab lek Juda yent, ki soor Manase ki teenɔ yommik, ki gaan baŋ u miar ni, ki baanɔ kutmɔnt jaruk, ki jiiu saan nanɔ Babilonn.

JOB labaar 1:15

ki Saba teeb tan lekit, ki fat bi kur, ki kpii a toontunna na kur, see min kɔɔe biar ki chiar paak, ki baar maa min beta.”

JOB labaar 1:17

U yeen ki saa gbent na, ki sɔɔ toontunlɔɔ baara, ki yet a, “Kaldii fat-teeb tee koonn muntaa, ki baar lekit, ki yaat nan laagumiinba nawa, ki bia kpii a toontunna na kurawa, see min kɔɔe biar ki chiar paak, ki baar maa min beta.”

JOB labaar 12:6

Ŋaan nanyukii nan binba ki mi Yennu na be parmaasir nie, ki bi yennii tee panii nba ki bi mɔk na.

JOB labaar 2:3

Ki Yennu yetɔ a, “A la n toontunnɔ Job nba tee biaŋinbawa-a? Sɔɔ ki be tingbouŋ na paak, ki waan fanu ki bia tee niŋanɔ nan ŋɔɔ na. U jiantirin, ki dia u mɔŋ fanu, ki ki tuun biiti. A wei tukilin a man te ki a lekɔ, ki li ki mɔk paak nan waama, ŋaan u lek tee wunba waan fanue nan waa tuu waan na.”

JOB labaar 20:15

Nibiiuk tuu tan wukit mɔkint nba ki u jan nae; Yennu-e tuu tan nyinnir, wuu lekii nakir u poor ni.

JOB labaar 20:22

U mɔkint na nba yab biaŋinba na, ŋaan ninbaatir saa baarɔ ki biirɔ.

JOB labaar 22:10

Ŋanne teen ki bootit linta, ki a ji gbee nan jaŋmaanii.

Yaŋ 109:11

Ŋaant ki u pandamm n jii u faar kur ki yaat, ki saamm n jii mɔkint nba kur ki u tun la,

Aisaya 62:8

Yennu senn mɔsonjaanne, ki saa jii u yiikoo ki gbeen u mɔsonn maŋ a: “I dii ji kii tee i datai jeeti, ki nigamm ji kan nyu i tilɔɔna daan.

Jeremaya 51:34

Babilonn kpanbar pot pot Jerusalem ki nakɔwa. U nyik doo na koonte nan sɔkoonn na, ki nakir nan waakper nba tuu nak bonkobuk biaŋinba na. U jii linba ki u loone ŋaan lu linba tenn na.

Jeremaya 51:44

N saa dat Babilonn tingbann nba tee Bel na tubira, ki te wun jiin bona nba ki u jan na, ki digbana bia ji kan jiantɔ. “Babilonn joonjot baawa.

Fabinii 2:16

A datai na kur sarikita, ki goriia jia-a nan naŋ, ki mian bi mɔi ki yeen a, “Ti biirira, daar nba nae ki ti tuu guu.”

Fabinii 2:5

Yennu biir Israel teeb nan u tee bi dataake na, ki te bi joonpaara nan nijaana ŋei kpant langbent, ki te parbiir nba kaa gbennu baar Juda teeb paak,

Hosea 8:7

Ki li-i tee ki bi bur wouŋu, bi tan saa jaan sajaperinne. Kinkakir nba ki mɔk fouŋ, li kan fit nan jeet. Li-i lekii namie, ŋaan boorganue saa dir.

Sennu 28:33

Tingaŋ niibe tan saa di i jeet kur nba ki i koo nan ninbinmɔnii na, i kan gaar siari see mukisuk nyɔɔ nyɔɔ.

Sennu 28:51

Ki bi saa ŋman i bonkobit nan i bonbuburit, ki i saa kpo kon. Ki bi kan tenn i jeet koo tilɔɔna daan koo kpan koo nei koo pei, ki i saa kpo.

Barbuura 6:11

Ki Yennu malaka baar Ofra doo ni, ki kar tijakper nba tee Joas yar na nyakir, wunba tee Abieser naakuuk ni nirɔ, leŋe ki u bija Gideonn din bɔr ki boo dii, siaminba ki bi ŋmakii daan tilɔɔna na, a Midiann teeb na daa laatɔ.