JOB labaar 5:21 - Yennu Gbouŋ Mɔɔr

²¹ Yennu saa fat ki nyinna, yoo nba ki bi piak ki biira; u bia saa tinna, yoo nba biiru baara.

JOB labaar 5:21 ပူးပေါင်းရင်းမြစ်များ

JOB labaar 5:15

Ŋaan Yennu-e tint nandamm ki nyintib kuun ni; ki tint talas damm, ki sɔɔ ki diimm.

Yaŋ 31:20

ki nyintib bi datai lora ni, ki bɔriib a boor ni, ki bi nyi bi datai sukit ni.

Yaŋ 31:21

Pakin Yennu, kimaan u tun u lomm nba kaa paak nae ki turin, yoo nba ki n datai bo lekin ki n be bi sinsuuk ni na.

Yaŋ 55:21

Ki u mɔb ban ki gar kpan, ŋaan ki naŋ gbee u para; ki u mɔmaan ŋarii ki gar kpan, ŋaan porii yian nan jukbanjai na.

Yaŋ 57:4

N datai lintima, ki naan nan yanbɔra nba so niib na, ki bi nyana tee nan kpana nan tɔrbann peenii na, ki bi jerima di nan jukbanjai na.

Barjokit 12:18

Mɔbona nba kaa nyɔɔt saa ŋmaar ki teena daŋ nan jukbanjiak nae, ŋaan yanfoon mɔbona saa fit teb.

Barjokit 3:25

Jaŋmaanii kii mɔka nan siar tan saa chiba, nan laa tuu tan chib toonbiit damm biaŋinba na.

Aisaya 54:17

Ŋaan jatiɔk kaa ki saa fit paana daŋi, ki a sii mɔk gatu ki tur binba kur piak biira na. N saa kɔn n toontunna paak ki turib nyannu.” Yennu-e pak na.

Jeremaya 18:18

Ŋanne ki niib na yet a, “Ŋaant man ki tin tun siar ki jiin Jeremaya po. Mannteeb sii yɔɔ be-e ki teenit tumiiu, ki subindamm yɔɔ be ki teenit kpaanii, ki Yennu sɔkiniinba yɔɔ be ki mɔɔntir Yennu maan. Ŋaant ki tin paanɔ maan, ki bia nyik waa piak linba na gbiintu.”