JOB labaar 5:10 - Yennu Gbouŋ Mɔɔr

¹⁰ U te saak baa tiŋ na paak, ki bia maant kpaant nyun.

JOB labaar 5:10 ပူးပေါင်းရင်းမြစ်များ

JOB labaar 28:26

yoo nba ki Yennu din senn sennu ki tur saak, nan satianii nba sii tɔkii siaminba na;

JOB labaar 36:27

Yennu-e fɔɔn nyun tiŋ ni, ki te ki li kpantir saak.

JOB labaar 36:28

U te saak nyi sanpagbant ni ki baa, ki teen nisaarii.

JOB labaar 37:6

U te sakaana baa tingbouŋ na paak, ki bia te saajakpera baa.

Yaŋ 147:8

Ŋɔɔe te sanpagbant baak sanpaapo; ŋɔɔe te saak baa tingbouŋ na paak, ki te mɔɔt pia kunkona paak.

Yaŋ 68:9

Yennu, a din te saak baa bonchiann, ki ŋamm pant tiŋ nba bo saat na.

Jeremaya 10:13

U tur mɔbe, ki nyun nba be sanpagbouŋ liik po na fu. Ŋɔɔe te ki sanpagbant nyi siar kur po ki lakii. Ŋɔɔe te ki sanyikintii nyikintir, ki wonpaaruk nyi u boore ki da.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 5:24

Bi ki yeen bi mɔŋ a, ‘Ŋaant ki tii tiin ti Yomdaanɔ Yennu, wunba teen naalɔuŋ, nan sakosaak li saka yoo, ki teent jaauŋ saama na.’

Amos 4:7

Mine soor saak ki u ki baa, yoo nba ki i bonbuburit mantik loonɔ na, ki te saak baa digban-yenn ni, ŋaan ki ki baa leer ni, ki te saak baa kpayomm ni, ŋaan ki kpaleeb koon,

Toona 14:17

ŋaan yoo kur u tuun bonŋana, ki li set want nan u be; ki u te ki saak nyi sanpaapo ki baa ki teeni, ki bia teeni dii dijaan-yoo, ki gboonti jeet, ki i laat parpeenn.”