JOB labaar 26:11 - Yennu Gbouŋ Mɔɔr

¹¹ Wuu taŋi ŋak jaantarii nba dia sanpaak na yoo nba, ki bi damm ki jekir nan jaŋmaanii.

JOB labaar 26:11 ပူးပေါင်းရင်းမြစ်များ

2 Samuel 22:8

Yennu din donn wutoore, ki tingbouŋ na damm ki jekir, ki sanpaak bia damm, ki jekir.

JOB labaar 15:15

Yennu ki teen u malaka nba na yada gbaa. Bi mɔŋ ki be kasii u tɔɔnn ni.

JOB labaar 26:10

Ŋɔɔe te ki sanpaak nan mɔkgbeŋir chet leer, ki bia bɔkit yentu ki nyinnir bunbɔnn ni.

JOB labaar 26:12

U paŋe ki u jii ki nyann mɔkgbeŋir, ki bia jii u bannue ki biir mɔkgbeŋir ni bonsusoouk nba ki bi yiu Rahab na.

Yaŋ 18:7

Ŋanne ki tingbouŋ damm ki nik, ki jɔjaana fiaka bekint ki jekir; kimaan Yennu wutoor doowa.

Nahum 1:5

Ki jɔfɔkit jekir Yennu tɔɔnn, ki kunkona tuu nann u numm ni. Yennu-i lekit yoo nba, tiŋ tuu jekire; ki durinya na nan li niib kur jekir nan jaŋmaanii.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Hagai 2:21

a wun pak tur Serubabel, wunba tee Juda tiŋ tɔɔndaanɔ na a, “N tee siire a man nik sanpaak nan tiŋ,

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.

1 Samuel 2:8

U fiint talasdamm nba dɔɔ tant ni, ki bia fiint binba namii ki dɔɔ tanpenkpeka paak na, ki te ki bi tɔkii nan nadiira, ki gaan naan baakir. Tingbouŋ na fiakir tee Yennu yare, ki fiakir na paake ki u tɔɔn durinya.