JOB labaar 2:11 - Yennu Gbouŋ Mɔɔr

¹¹ Job naasinyɔɔsnba bantaa na din tee Elifas, ki u nyii Temann doo ni, nan Bildad, ki u nyii Sua tiŋ ni, nan Sofar, ki u nyii Naama tiŋ ni. Baa gbat nan Job yiar na, ki bi lor a bin saan ki maan u par.

JOB labaar 2:11 ပူးပေါင်းရင်းမြစ်များ

Pinpiik 25:2

Ketura maŋ din mar Simrann, nan Joksann, nan Medann, nan Midiann, nan Isbak, nan Sua.

Pinpiik 36:15

Boorunba nae nyii Esɔɔ maaru ni. Esɔɔ bijakper tee Elifas, ki u tee boorunba na yeeja: Temann, nan Omar, nan Sefo, nan Kenas,

Pinpiik 37:35

Ki u bonjai nan bonpoi kur baar ki tan barimɔ, ki u yêt baruŋ na, ŋaan yetib a, “N tan saa sik ki baar kpeentiŋ, ŋaan bia daa mɔ ki fabin n bik na paak.” Ki u bia ŋammit mɔ ki fabin u bik Joosef paak.

1 Barkperii 1:32

Abraham din mɔk poobik, ki u sann tee Ketura, ki ŋɔɔ nan Abraham mar bonjai banloob, ki bi sana tee Simrann nan Joksann nan Medann nan Midiann nan Isbak nan Sua. Ki Joksann bonjai tee Sieba nan Dedann.

1 Barkperii 7:22

Bi baa Efraim din bui fabin bi kuun po bonchiann; ki u nikpiimm tan baar ki maan u par.

JOB labaar 11:1

Tɔn, ki Sofar wunba tee Naama booru ni nirɔ na jiin a:

JOB labaar 13:4

I dɔkint yaa ki mi linba nae nan fai; i tee nan tebira nba kan fit teb sɔɔ nae.

JOB labaar 15:1

Ki Elifas nba nyii Temann doo ni na jiin a:

JOB labaar 16:2

N ban gbat mɔbona nba na booruwa, ki chekinii nba ki i teenin na tee gbanantonte.

JOB labaar 16:20

N yɔɔsnba laame, ki n nunii nyi ninnyuut, a Yennu n la.

JOB labaar 18:1

Ki Bildad, wunba tee Sua booru ni nirɔ na jiin a:

JOB labaar 19:19

Ki n yɔnanmɔnii goriin ninkpianii; ki binba ki n mantik lomm na yêtin;

JOB labaar 19:21

Yimme tee n yɔɔsnba. Tinimin ninbaauk. Yennu nuue faa birin.

JOB labaar 4:1

Ki Elifas, wunba nyii Temann doo ni na jiin a:

JOB labaar 42:11

Ki Job ninjamm nan u niipoob nan u yɔkperii na kur baar a bin gɔnɔ, ki tan dii jaamm u ŋaak ni. Bi din wann bi ninbatinu, ki maan u par nan daamii nba kur ki Yennu teenɔ na. Ki sɔɔ kur turɔ likirii nan salima baŋ.

JOB labaar 42:7

Yennu nba pak nan Job ki gbenn na poor poe, ki u yet Elifas a, “N wutoor doo fin nan a yɔɔsnba banlee na paaka, kimaan i ki pak barmɔnii ki jiin n po, nan biaŋinba ki n toontunnɔ Job pak na.

JOB labaar 42:9

Ŋanne Elifas nan Bildad nan Sofar teen nan Yennu nba wannib biaŋinba na, ki Yennu ji gat Job miaru.

JOB labaar 6:14

Mi-i be daamii na booru nie, ki n loon yɔnanmɔnii, laa lek tee ki n yêt Yennu koo ki n ki yêtɔ.

JOB labaar 6:19

Ki niib bonchiann nyii Sieba nan Tema doi ni ki kpaanir,

JOB labaar 8:1

Tɔn, ki Bildad, wunba tee Sua booru ni nirɔ na, jiin a:

Barjokit 17:17

Yɔɔs want bi lomme yoo kur; ki nikpiimm mun baat nan sommir, ninmɔnn yoo.

Barjokit 18:24

Yɔyent ki yukii, ŋaan yɔyenii mun mɔk kpaiu ki gar naanɔɔka.

Barjokit 27:10

A daa tammit a yɔɔsnba koo a baa yɔɔsnba po. Li-i tee ki a be daamii ni, a daa boi a nikpiimm sommir po. A ŋakpiak saa fit tura sommir ki gar a nikpiimɔ nba be banfɔkira na.

Aisaya 51:19

Biak munlee baarawa, tɔb biir a tiŋa, ki a niib tun kon. Sɔɔ kaa ki saa tina ninbaauk.

Jeremaya 49:7

Yabint Yennu nba pak linbae na ki jiin Edom teeb po a: “Edom teeb yanfoon na ji kaae-e? Bi ŋmakit-teeb na ji ki fit wantib linba ki bi sii tuuni-i? Bi subinii na kur mir bote-e?

Obadia 1:9

ki jaŋmaanii saa soor Temann kunkɔnkɔnna, ki bi saa kpi jab nba kur be Edom tiŋ ni.

Jɔɔnn 11:19

Li paak teen ki Juu teeb bonchiann din baar Maata nan Meeri peŋ, a bin maan bi para, kimaan bi naa bik na kuun paak.

Rom Teeb 12:15

Nirɔ-i mɔk parpeenn, yii mun-ii mɔk parpeenn nanɔ; ki wunba mɔk parbiir, yii mun-ii mɔk parbiir nanɔ.

1 Korint teeb 12:26

Gbananbɔkir yennkɔɔ-i di fara, gbananbɔklia na mun tuu di li farae; gbananbɔkir yennkɔɔ-i la baakir, lia na mun tuu mɔk parpeenne.

Hiibru teeb 13:3

Ii tian nisiab nba be dansarii ni na po, nan yimm nan ŋamme lakin be li ni na; kii tian nisiab nba laat mukisuk na po, kimaan i mun daa be tingbouŋ na nie nan i gbanant.

Joosua 15:41

nan Gederof nan Bef-dagonn nan Naama nan Makeda: Ki li tee digbana piik nan ŋanloob ki pukin doi nba kook ki lintir na.