JOB labaar 10:9 - Yennu Gbouŋ Mɔɔr

⁹ Tiat nan a jii nɔɔnne ki namin; ki a ji yaa a nannime ki man ŋmat kpant tanbiinii-i?

JOB labaar 10:9 ပူးပေါင်းရင်းမြစ်များ

Pinpiik 2:7

Ki ti Yomdaanɔ Yennu maŋ jii tant tiŋ ni, ki nan nirɔ, ki foont manfoor foon ki teen u manbona ni, ki nirɔ na piin ki fo, ki tee nisaarik.

Pinpiik 3:19

A tuu saa tume bonchiann ki nyi naauka ki tiŋ n fit nan jeet, nan faa tan saa ŋmat tant nba ki a nyii na ni. Tante ki n jii nama, a bia tan saa ŋmat kpant tant maŋe.”

JOB labaar 10:10

Fine tur n baa paŋ ki u marin, fine te ki n kpaat n naa poor ni.

JOB labaar 17:14

Ki n saa yiin kaauk na n baa, ki nanwuba nba mɔɔn na, ki n saa yiimm n naa nan n niipoob.

JOB labaar 33:6

Min nan fin tee yomme Yennu boor. Ti kura na, Yennu jii nɔɔnne ki nant.

JOB labaar 34:15

nisaarii kur saa lakin kpoe, ki ji ŋmat tant ni.

JOB labaar 4:19

A dukin nan u saa teen yada nan nisaarik nba tee nɔɔnn, bont nba tee tant, ki saa mat nan wobmaann nawa-a?

JOB labaar 7:21

A kan ban nyik n yanbɔmm ki chabimi-i? A kan tinin ninbaauk, maa tun kpet na paaki-i? Li kan wei ki n sii be kaauk ni ki tan sii kaa, yoo nba ki a kpaanin.

JOB labaar 7:7

Yennu, tiat nan n manfoor tenn waaminnae, ki n parpeenn poŋ gbenna.

Yaŋ 103:14

U mi waa jii linba ki nant, u mi nan ti tee tante.

Yaŋ 104:29

Li-i tee ki a lek a numm, jaŋmaanii tuu sooribe, ki fi-i jii be foon, bi tuu kpoe ki ŋmat sik tant nba ki bi bo nyii na ni.

Yaŋ 106:4

Yennu, tiat n po yoo nba ki a sommit a niib na; fi-i yaa a tinnib yoo nba, fan pukinin leŋ.

Yaŋ 22:15

ki n kunkɔr koor nan tankoont na, ki n lamm tab dindak ni, ki a nyikin tant ni nan n kpoe na.

Yaŋ 25:18

Gotir n ninbaatir nan daamii nba tee, ki nyik chab n yanbɔmm.

Yaŋ 78:39

U din mi nan bi tee nisaariie, ki tee nan wamaasin nba tuu gar ki ji ki jent na.

Yaŋ 89:47

A tiar n manfoor nba jiŋ biaŋinba. A tiar nan fine nant, ki ti tee nisaarii.

Yaŋ 90:3

A te ki nisaarik ŋmat waa bo be sian, ki lebitirɔ ki u kpantir tant.

Banntɔɔ 12:7

Ki ti gbanant tan saa ŋmat tanbiinii ni, tingbouŋ na paak, ki seek na saa ŋmat Yennu nba jiir ki turit na boor.

Aisaya 45:9

Bobir nba tee nan bobilia na saa fit nɔi nan wunba maau nawa-a? Yɔk saa fit boi yɔkmaarɔ linba ki u tuuna-a? Bobir saa fit yet a wunba maau na ki mi toonna-a?

Aisaya 64:7

Sɔɔ ki baat a boor miaru ni, sɔɔ ki baat a boor ki loon sommiri. A bɔre, ki ti ki laata, ki nyɔr nyikit kimaan ti biit paak.

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Jeremaya 18:6

“N ki mɔk yaak ki saa teen yimm Israel teeb nan yɔkmaarɔ na nba tee u yɔk biaŋinba na-a? I be n nuu nie nan yɔk nba be yɔkmaarɔ nuu ni na.

Rom Teeb 9:21

Bobmaarɔ mɔk yaak ki saa jii yɔk bur ki maa bobŋann nan bobir nba ki ŋan.

2 Korint teeb 4:7

Ŋaan timm nba mɔk Seyeeŋ mɔkint na tee nan yɔkboba nae, ki li want nan paŋ nba gar paŋ kur tee Yennu yare, li ki tee ti yar kaa.