JOB labaar 1:10 - Yennu Gbouŋ Mɔɔr

¹⁰ A tun guue, ŋɔɔ nan u ŋaateeb nan linba kur ki u mɔk, ki tee piisin linba kur ki u tuun paak, fine bia turɔ bonkobit bonchiann ki bi gbee tiŋ na kur po.

JOB labaar 1:10 ပူးပေါင်းရင်းမြစ်များ

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

Pinpiik 26:12

Li binn ni, Aisak nba koo kpaab, u jeet din nan bonchiann, kimaan Yennu piisin be u paak.

Pinpiik 30:30

Waan nba ki a din mɔka ki n baar, li yabit ki kaa kanni. Mi-i saan siaminba kur, Yennu tuu teen piisin a paake. Tɔn, li jaŋ nan man lon n mɔŋ yara.”

Pinpiik 30:43

Li din teen nnae ki Jakɔb mɔkit yiama. U din mɔk pei, nan buunii, nan daaba, nan laagumiinba, nan bonii.

Pinpiik 39:5

Laa nyii ki saa, ki Yennu teen piisin Ijipt nirɔ Potifar paak, nan linba kur be u ŋaak ni, nan u kpaab ni, kimaan Joosef paak.

Pinpiik 49:25

A baa Yennu-e sommita, Yabint Yennu nba teena piisin nba te ki saak nyi sanpaapo, ki bia te ki nyun nyi tiŋ pɔɔr ni, nan piisin nba teen bonkobit nan waas bonchiann,

JOB labaar 1:3

U bia din mɔk pei tusaa ŋanlore, nan laagumiinba tusaa ŋantaa, nan nei tusir, nan bonii kobii ŋanŋmu. U bia din mɔk toontunna ki bi yab bonchiann. U din mantik tee jakpaatir nba be yondo po yent na nie.

JOB labaar 29:2

N sunman ki n binbeŋ na bo saa ŋmat ki tee nan Yennu nba din guun biaŋinba nae.

JOB labaar 29:6

Ki nei nan buunii teenin biin bonchiann, ki n kpan tiinii pia nan tana niŋa.

JOB labaar 31:25

koo ki piak dont n mɔŋ, n mɔkint na paaki,

JOB labaar 42:12

Yennu din teen piisin Job binbeŋ joontu ni, ki li gar waa din teen piisin u pinpiik niwa. Ki Job ŋamm la pei tusaa piik nan ŋanna, nan laagumiinba tusaa ŋanloob, nan nei tusaa ŋanlee, nan bonii tusir.

Yaŋ 107:38

U din teen piisin u niib paak, ki bi mar waas bonchiann; u din ki te ki bi bonkobit waabiti.

Yaŋ 34:7

Yennu malaka guu damm nba baakit ŋɔɔ Yennu, ki u nyintib ninbɔŋ ni.

Yaŋ 5:12

Yennu, a teen daansiab nba saak a mɔb nae piisin, ki a lomm tee nan naagbankɔŋir na ki nyintib daŋ ni.

Yaŋ 71:21

A saa te ki man teen nijaann ki gar maa bo teewa, ki a bia saa ŋamm ki maan n para.

Yaŋ 80:12

Bee ki a yeer joona nba maa ki lintiri? Mɔtana, wunba kur gaar saa fit jan li lɔɔna.

Yaŋ 90:17

Ti Yomdaanɔ Yennu, ŋaant ki a piisim-ii be nant, ki te ki tin nyann linba kur ki ti tuun ni.

Barjokit 10:22

Yennu piisime te ki a mɔkitir, ŋaan a mɔŋ toontunchiɔŋ kan fit te ki a mɔkiti.

Aisaya 5:2

Ŋanne ki u yɔbin kpaab na, ki bia gbab tana, ki bur daan tiinii nba ŋan bonchiann, ki maa difoouk a wuu guu tiinii na, ki gbiir bootuk a wuu tootir tilɔɔna na nyun, ki ji guu, a lɔɔna na n mɔnn, ŋaan ki lɔɔna na kur tee bonmiita.

Aisaya 5:5

“Maa saa tun linba ki tur n kpaab maŋ tee nnae: n saa bet gungouŋ nba lintir nae faba, ki yeer joonjouk nba guur na, ki te muuk ni bonkobit n kɔɔ ki ŋmamir, ki ŋmaatir.

Sekaria 2:5

Yennu senn mɔsonn nan u mɔŋe sii tee muu joonn, ki lint doo na, ki guurir, kii sii be leŋ nan u yentsaakar.”

Sekaria 2:8

Wunba faai, u tuu min Yennu ninbinne na.” Li paak, ki Yabint Yennu tumin nan mɔɔntii nba na, a n mɔn tur booru nba tuu fiar u niib bona na a,

Sennu 33:11

Yennu, sommit bi booru ki turib paŋ, yii mɔk parpeenn nan linba ki bi tuun. Faan kɔnn bi datai kur, ki daa te ki bi ji mɔk manfoori.”

Sennu 33:27

Yennu nba tun be na yɔɔ tee i sindant boore, ki u nuu yɔɔ teebi. Ki u saa ber i datai ki bin fɔkit ŋaan nyiki, ki beti a yin biir bi kur.

Sennu 7:13

U sii looni, ki teen piisin i paak, ki te ki yin pɔt kii mɔk waas bonchiann. Ki u saa teen piisin i tiŋ paak, ki i sii mɔk jeet nan tilɔɔna daan nan kpan nan bonkobit bonchiann. U saa turi piisin na kur, tiŋ nba ki u senn mɔsonn ki tur i yeejamm a li sii tee i yar na ni.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.

1 Samuel 25:16

Ki bi tuu guut yonnu nan nyiɔk kur, yoo nba ki ti tuu be namm ki kpaar pei na.