Jɔɔnn 9:5 - Yennu Gbouŋ Mɔɔr

⁵ Maa daa be tingbouŋ na ni na, n tee tingbouŋ na niib yentue.”

Yennu Gbounpaauŋ Mɔɔr

⁵ Ma daa be tingbouŋ nna, n tee tingbouŋ na niib yentue.”

Jɔɔnn 9:5 ပူးပေါင်းရင်းမြစ်များ

Aisaya 49:6

Ki Yennu yetin a, “N toontunnɔ, n mɔk toonjaanne ki teena. Li ki tee nan a saa ŋamm teen Israel teeb nba ki n tinnib na kɔɔ kaa-ii yabii, ŋaan n saa te ki a tee yentue ki tur digbanlia, ki lin te tingbouŋ na niib kur n tinn.”

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Matiu 4:16

yimm nba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Matiu 5:14

“Yimme tee tingbouŋ na yentu; doo nba ki bi maa ki senn kunkonn paak kan fit bɔri.

Barŋanii nba ki LUK din sɔb nae na 2:32

U sii tee yentu ki fiit a sɔnu ki wann binba ki tee Israel teeb na, ki bia baar nan dontir ki tur a niib Israel teeb.”

Jɔɔnn 12:46

N baar tingbouŋ na ni a mii tee yentue ki tur niib, ki daanɔ nba teenin yada, u kan biar bunbɔnn ni.

Jɔɔnn 8:12

Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

Toona 13:47

kimaan Yennu turit mɔb, nan laa sɔb u gbouŋ ni ki yet Yiisa Masia a: ‘Mine ganna a fii tee yentu, kii yentir kii teen binba ki tee Juu teeb, kii bia kii baat nan tinnu kii teen tingbouŋ na teeb kur.’ ”

Toona 26:18

Fine tee wunba saa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, ki wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan baa teenin yada na paak.’

Toona 26:23

a Yennu Niganntɔɔ Masia tan saa fabir di biak ki kpo, ki ŋɔɔe bia sii tee sinsinn daanɔ nba tan saa fiir kuun ni, li paak ki u bia saa mɔɔnt ki tur Juu teeb nan binba ki tee Juu teeb, ki beerib barii nba sii yentir bi numm po.”

Efesus teeb 5:14

Kimaan linba kur ki bi fiit li gbina, li ji tuu dɔɔ yeenin nie. Li paake ki li din sɔb Yennu gbouŋ ni a: “Fin nba gɔɔnt, fan fiir gɔɔn ni, ki fiir kuun ni, ki Masia saa tura u yentu.”

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.