Jɔɔnn 8:37 - Yennu Gbouŋ Mɔɔr

³⁷ N mi nan i tee Abraham yaaboonae, ŋaan ki i lek yiab a yin kpin, kimaan n maan maŋ ki kɔɔ i tuba ni.

Yennu Gbounpaauŋ Mɔɔr

³⁷ N mi nan i tee Abraham yaaboonae, ŋaan ki i lek yabii a i kpin, kimaan n maan maŋ ki kɔɔ i tuba ni.

Jɔɔnn 8:37 ပူးပေါင်းရင်းမြစ်များ

Matiu 13:15

Kimaan niib na yan dɔkine, bi tuba mun paar, bi bia mun bi ninbinae, kimaan bi ki loon bin la siari, ki bia ki loon bin gbati, ki bia ki loon bi yan n dɔkiti, ki bia ki loon bin nyik bi toonbiit, ki n te ki bin la laafia.’

Matiu 3:9

I daa mɔk parbifaant nan Abraham tee i yeeja. N beerie nan Yennu saa fit fiin tana nba na ki lin kpant Abraham yaaboonawa.

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 11:53

Laa nyii li daar ki saa, ki Juu teeb yudamm na lor a bin kpi Yiisa.

Jɔɔnn 5:44

I loon ki yii laat dontir i leeb boor, ŋaan ki fiin nan ki i la dontir ŋɔɔ Yennu nba tee Yen-yemmir na boori. Li paak mune te ki i set kan fit teenin yada.

Jɔɔnn 7:1

Li poorpoe ki Yiisa ji din be Galilii yent ni, ki lin leŋ digbana. U din ki loon wuu be Judea yent ni, kimaan Juu teeb yudamm nba be leŋ na loon bin kpiue.

Jɔɔnn 7:19

“Moses kaa din turi sennu na-a? Ŋaan i sɔɔ ki dia sennu maŋi. Ki bee ki i loon yin kpimi?”

Jɔɔnn 7:25

Ŋanne ki Jerusalem nisiab boi bi leeb a, “Nirɔ nba na kaa ki bi yiab a bin kpiu na-a?

Jɔɔnn 8:33

Ki bi yetɔ a, “Ti tee Abraham yaaboonae, ti ki mi teen sɔɔ daaba. Nlee ki a yaa ti tan saa nyi daabisin ni?”

Jɔɔnn 8:43

Bee teen ki i ki bann n maan na paaki? kimaan yaa ki fit gbiin n maan maŋ na.

Jɔɔnn 8:56

I chanbaa Abraham din mɔk parpeenn bonchiann, nan waa yaa wun tan la yoo nba ki n saa sik tingbouŋ na ni; ki u set tan la yoo maŋa, ki li maŋɔ.”

Jɔɔnn 8:59

Ŋanne ki bi ji tɔkii tana a bin jaatɔ ki kpiu; ki u ŋmiat ki nyii Yenjiantu ŋasaakak na ni.

Jɔɔnn 8:6

Bi din yet nna, ki loon bin kpar Yiisa-e, ki fit la u biit. Ki Yiisa tibin ki jii niibir ki sɔbin tiŋ ni.

Toona 13:26

Ŋanne ki Pɔɔl bia yet a, “N naa waas, yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na tee ti yare.

Rom Teeb 9:7

Abraham yaaboona kur kaa mun tee u yaaboona nan mɔnii, kimaan Yennu din yet Abraham a, “Aisak maarue tan sii tee a yaaboona.”

1 Korint teeb 2:14

ŋaan wunba ki mɔk Yennu Seyeeŋ maŋ, li yɔɔ ki gaan Yennu Seyeeŋ na maami, kimaan li tee jatiie ki turɔ, ki u kan bann li paaki, kimaan li bannu nyi Seyeeŋ na nie.

1 Jɔɔnn 2:14

N waas, yaa mi ti Baa Yennu na, li paake ki n sɔbin teeni na. N chanbaanba, yaa mi Yiisa nba poŋ din yɔɔ be mɔkmɔk nan mɔkmɔk na, li paake ki n sɔbin teeni na. Naasimm, yaa mɔk paŋ, ki Yennu mɔmaan bia be i ni, ki i nyann Sintaanii, bonbiiuk daanɔ maŋ na, li paake ki n sɔbin teeni na.