Jɔɔnn 7:37 - Yennu Gbouŋ Mɔɔr

³⁷ Tɔn, jaamm maŋ gbennu daar din tee dajaanne. Li daar maŋe ki Yiisa fiir set ki pak sanpaapowa a, “Wunba ki nyunnyukuru gbatɔ, wun baar n boor ki tan nyu,

Yennu Gbounpaauŋ Mɔɔr

³⁷ Tɔn, ki jaamm maŋ gbennu daar din tee dajaanne. Li daar maŋe ki Yisa fiir set ki pak sanpaapowa a “Wunba ki nyunyukiru gbatɔ, wun baar n boor ni ki tan nyu,

Jɔɔnn 7:37 ပူးပေါင်းရင်းမြစ်များ

Nehemaya 8:18

Bi din tuu karin Yennu sennu na waame, daar kur ni, laa nyii jaamm na piinu daar ki saa tuu li joontu. Bi din dii jaamm na daa ŋanlore-e, ki daar nba pukin ŋanniin na ni, ki bi kar li gbennu tintaankaanu, nan sennu nba wann biaŋinba.

Yaŋ 143:6

N dont n nii sanpaapo ki meia, ki loona nan tinkooŋ nba loon nyun biaŋinba na.

Yaŋ 42:2

Fin Yennu nba fo na, n niana. Nlee yooe ki n sii be a tɔɔnn ki jiantirani?

Yaŋ 63:1

Yennu, fine tee n Yennu. N loon fine. Nan tinkooŋ nan tinsaatik nba tuu loon nyun na, nnae ki n gbanant nan n seek kur kpenn a paak.

Barjokit 1:20

Gbiintir man, yanfoon be sɔnjot nan dai ni, ki yi,

Barjokit 8:1

Gbiintir man. Yanfoon yi, ki bannu donn u kunkɔr ki ti gbat.

Barjokit 8:17

N loon binba loonin nae; wunba lomin see ki u lan.

Barjokit 8:3

U be doo na tammɔi boor, ki biak li gana na, ŋaan yi ki yeen a,

Barjokit 9:3

ŋaan ji tun u toontunna nba tee bonpoi na, a bin nyi ki saan doo sinsuuk ni ki yiin niib a,

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Aisaya 12:3

Nyunmaasin nba baat nan kpinkpammuk kunkɔkoonn paak biaŋinba na, nnae ki Yennu niib tuu kpamm, yoo nba ki Yennu tinnib.”

Aisaya 40:2

Turin Jerusalem teeb na parcheenn. Pakimm nan bi dii fara ki li yukir jaŋa, ki mɔtana bi biit la nyikinchaba. N dat bi tuba bi biit kur paaka.”

Aisaya 40:6

Kunkɔr hoot a, “Mɔɔntir mɔmaan.” Ki n boi a, “Mɔmaan boorbee ki n saa mɔɔnti?” Ki kunkɔr na jiin a, “A mɔɔnt nan nisaarii kur tee nan mɔɔt nae. Bi ki yukii nan puuk nba ki yukii nae.

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 55:1

Ki Yennu yet a, “Wunba kur nyunnyukuru mɔkɔ, wun baar, nyun be nna. Yimm nba kur kaa likirii, ii baar man ki daa jeet ki di. Baat man ki daa tilɔɔna daan nan naabiin. I kan pa siar li paak.

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 58:1

Ki Yennu yet a, “Ii hoot nan paŋ. Pakin n niib Israel teeb bi biit po.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 2:2

a man mɔɔnt maan na ki tur sɔɔ kur nba be Jerusalem a, “N tian yaa din waan fanu biaŋinba, yoo nba ki i din tee nipaauŋ na, yoo nba ki i din sint jii i mɔŋ ki turin na. I din wei n poor ki gar kunkoouk paak, tiŋ nba ki bi ki ban bur siar na ni.

Esekiel 47:9

Ki kpenu na-i taŋi pubir saan siaminba kur, bonkob-booru kur nan janbooru kur sii be leŋ. Ki kpenu na saa te ki Mɔk-kpeenn na nyun ŋan. Ki li-i biaki pubir saan siaminba kur, li saa tur manfoor.

Liifai teeb 23:36

Li daa ŋanlore maŋ, ii tuu jii jeet piinii ki joo muu ki tur Yennu daar kur, ki daaŋanniin daar, yin taan leeb ki jiant Yennu, ki bia jii jeet piinii ki turɔ. Li daar tee jiantu daare, i daa tuun i mɔŋ toonn daar maŋ ni.

Liifai teeb 23:39

“Yoo nba ki i jaan i jeet ki gbenn, yin tiar ki di jaamm na, ki saa tuu daa ŋanlore. Ii tuu piin ŋmaarii ŋanlore ni, daa piik nan ŋanŋmu daar. Sinsinn daar na sii tee burchindaar, ki tee foon daar, ki daa ŋanniin daar bia tee foon daar.

Maika 6:9

Li ŋan ki tii tiin Yennu jaŋmaanii. U yeen doo teebe a, “Gbiintir, yimm nba taan ki kɔɔ doo ni na.

Sekaria 9:15

Yabint Yennu sii guu u niib, ki bi saa boont bi datai. Bi sii yikin nan dayibira nae tɔb ni, ki saa kpi bi datai, ki bi sɔn n pubir nan baa tuu kpaar maruŋ sɔn binbintir paak biaŋinba na.

Nikant 29:35

“Ki daaŋanniin daar, yin taan leeb ki jiant min Yennu, ŋaan daa tuun toonn li daar,

Matiu 11:28

“Yimm nba tun toona ki jii jik-kpiata ki bak na, baat n boor man, ki n turi foon.

Matiu 3:3

Yennu sɔkinii Aisaya din poŋ sɔb ŋɔɔ Jɔɔnn poewa a: “Nisɔɔ tan sii be muuk ni ki hoot ki yaa ‘Ŋammit man ti Yomdaanɔ baaru sɔnu ki turɔ, ki bia ŋamm u sɔnii ki lii took.’ ”

Matiu 5:6

“Binba ninbina mɔn ki bi para lakib nan Yennu toona, parpeenn tee bi yare, kimaan Yennu saa gboomm bi para nba lakib linba paaka.

Jɔɔnn 1:23

Ki Jɔɔnn yaa: “Mine tee kunkɔr nba be muuk ni, ki hoot na a: Teent Yennu baaru siir.” Jɔɔnn din jii Yennu sɔkinii Aisaya gbouŋ ni maame, ki pak na ki wann waa tee wunba.

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.

Jɔɔnn 4:10

Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Jɔɔnn 4:11

Ki poo na yetɔ a, “Chanbaa, bunbunn na sumii hei, ki a mun bia ki mɔk gooka. Lee ki a saa luun manfoor nyun maŋi?

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Jɔɔnn 5:40

ŋaan ki i lek yêt yin baar n peŋ ki n turi manfoor maŋ.

Jɔɔnn 6:35

Ki u betib a, “Mine tee manfoor jeet maŋ. Daanɔ nba baar n boor, kon kan mi soorɔ, ki wunba teenin yada, nyunnyukuru kan mi soorɔ.

Jɔɔnn 6:37

Ŋaan wunba kur ki n Baa Yennu jiiu ki turin, u saa baar n boor ki teenin yadawa. N kan mi yêt wunba baar n boori,

Jɔɔnn 6:55

Kimaan n gbanante tee jeet nan mɔnii, ki n sɔn mun tee bonnyukar nan mɔnii;

Jɔɔnn 7:28

Yiisa nba want niib Yenjiantu ŋasaakak ni na, ki u tan pak sanpaapo a, “I dukii nan i min bonŋann, ki bia dukii a i mi maa nyii sian. N ki baar n mɔŋ baaru kaa. Daanɔ nba tumin na, ŋɔɔe tee barmɔnii; ki i ki miu.

1 Korint teeb 10:21

N kan sak ki i lakin kar ki nyu ti Yomdaanɔ ŋmanbinyuutik ni, ki bia lakin kar ki nyu Sintaanii ŋmanbinyuutik ni. N kan sak ki i lakin kar ki di ti Yomdaanɔ saaŋmaŋ ni, ki bia lakin kar ki di Sintaanii saaŋmaŋ ni.

1 Korint teeb 10:4

ki bia lakin nyuu nyun nba ki Seyeeŋ maŋ turib na; kimaan bi lakin nyuu nyun nba nyii Yennu Seek, tanpiiuk nba chiamm na ni. Tanpiiuk maŋ din tee Masia-e.

1 Korint teeb 11:25

Jeet na dinu poorpo, ki u bia jii nyunnyuŋmaŋ nan tilɔɔna nyun, ki yetib a, “Tilɔɔna nyun nae tee n sɔn nyinn, ki wann nan Yennu senn mɔsonpaann ki tur niib; ki yoo nba kur ki i yaa yin nyu, yin nyu kii tian n po.”

1 Korint teeb 12:13

Ti kura nba tee Juu teeb, nan binba ki tee Juu teebi, nan daaba, nan yent-n-mɔŋ damm, bi wur ti kur Yennu nyunwuru, u Seyeeŋ yenɔkɔɔ sann nie, a ti taan teen gbananyennkɔɔ; ki Seyeeŋ yenɔkɔɔ maŋe gbee ti kura.

Efesus teeb 5:18

Ii daa nyu daan ki yibi; ŋann saa biirie, ŋaan ii yabir i mɔŋ paak kii gbee nan Yennu Seyeeŋ.

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:1

Li yoo ki malaka na wannin mɔkir nba mɔk manfoor nyun na, ki li nyi Yennu nan Pegann na naangbouŋ na ni, ki yeen nan mianu na,

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.