Jɔɔnn 7:30 - Yennu Gbouŋ Mɔɔr

³⁰ Ŋanne ki bi ji yiab a bin soorɔ, ŋaan bi sɔɔ ki soorɔ, kimaan u sooru yoo daa din ki baari.

Yennu Gbounpaauŋ Mɔɔr

³⁰ Ŋanne ki bi din yabii a bin soorɔ, ŋaan ki sɔɔ ki soorɔ, kimaan u sooru yoo daa din ki baari.

Jɔɔnn 7:30 ပူးပေါင်းရင်းမြစ်များ

Yaŋ 76:10

Barmɔnii, a wutoor-i baa a datai paak, niib tuu tura dontire, ki niib nba nyii tɔb na ni saa tiar ki teen jaamm.

Aisaya 46:10

Pinpiik ni, n din yet linba tan saa tumewa, ki wann linba tan saa teen, ki yet nan n lora kan ban gbar tumu; n saa tun linba kur ki n dukin nan man tuma.

Matiu 12:14

Ki Farisiinba na nyii nanyer, ki lor nan leeb baa saa teen biaŋinba ki kpi Yiisa.

Matiu 21:46

Ki bi ji din loon bin soorɔ, ŋaan tiin nibur na jaŋmaanii, kimaan sɔɔ kur teen yada nan u set tee Yennu sɔkiniie.

Barŋanii nba ki MAK din sɔb nae na 11:18

Ki mannteeb yudamm nan sennu wannteeb gbat waa tun biaŋinba na; ki bi ji loon sɔnu nba saa kpiu, ŋaan tiinɔ jaŋmaanii, kimaan u wannu din teen nibur na kura yaarlituk bonchiann.

Barŋanii nba ki LUK din sɔb nae na 20:19

Ki sennu wannteeb nan mannteeb yudamm bann nan Yiisa nba yin barjouk nba na saan gaan bi poe; li paak, ki bi ji din koor a bin soorɔ li tonton na, ŋaan tiin niib na jaŋmaanii.

Barŋanii nba ki LUK din sɔb nae na 22:53

N poŋ tuu yɔɔ be nani daar kur Yenjiantu ŋasaakak ni, ŋaan ki i ki somi. Tɔn, ŋaan yoo na lek tee yimm nan bunbɔnn paŋ daanɔ Sintaanii yare.”

Jɔɔnn 10:31

Li yoo na ki Juu teeb yudamm na tɔkii tana a bin jaatɔ ki kpiu.

Jɔɔnn 10:39

Ŋanne ki Juu teeb na yaa bin soorɔ; ki u buut nyii,

Jɔɔnn 11:57

Ki mannteeb yudamm nan Farisiinba na tur mɔb a, “Wunba mi u boor, wun baar ki tan ŋmaat taar ki tin soorɔ.”

Jɔɔnn 7:19

“Moses kaa din turi sennu na-a? Ŋaan i sɔɔ ki dia sennu maŋi. Ki bee ki i loon yin kpimi?”

Jɔɔnn 7:32

Ki Farisiinba na gbat niib na burin ki jiin Yiisa po, ki ŋamm nan mannteeb yudamm tun Yenjiantu ŋasaakak guura a bin saan ki soor Yiisa.

Jɔɔnn 7:6

Ki Yiisa jiimm a, “N yoo daa ki baari. Yimm ŋarin, yoo kur ŋane ki turi,

Jɔɔnn 7:8

Tɔn, yimm-ii saa jaamm maŋ, ŋaan min ŋarin daa ki saa, kimaan n yoo daa ki baari.”

Jɔɔnn 8:20

Yiisa din pak maan na, yoo nba ki u want niib Yennu maan, Yenjiantu ŋasaakak ni, siaminba ki bi sent Yennu piinii lakir nae; ŋaan sɔɔ ki soorɔ, kimaan u sooru yoo daa ki baari.

Jɔɔnn 8:37

N mi nan i tee Abraham yaaboonae, ŋaan ki i lek yiab a yin kpin, kimaan n maan maŋ ki kɔɔ i tuba ni.

Jɔɔnn 8:59

Ŋanne ki bi ji tɔkii tana a bin jaatɔ ki kpiu; ki u ŋmiat ki nyii Yenjiantu ŋasaakak na ni.

Jɔɔnn 9:4

Yoo nba ki yentu daa be na, li kpaa talase ki tii tuun wunba tumin na toona, kimaan nyiɔk baat, ki sɔɔ tan kan fit tun toonni.