Jɔɔnn 6:9 - Yennu Gbouŋ Mɔɔr

⁹ “Bisiake be nna ki mɔk boroboro kunbis ŋanŋmu nan janbis ŋanlee. Ŋaan li mun kan jaŋ niib na kuri.”

Yennu Gbounpaauŋ Mɔɔr

⁹ “Bisiake be nna ki mɔk boroboro kunbis ŋaŋŋmu nan janbis ŋannlee. Ŋaan li mun kan jaŋ niib na kuri.”

Jɔɔnn 6:9 ပူးပေါင်းရင်းမြစ်များ

1 Kpanbara 4:28

Bi din tuu baat nan dimɔnii nan kinkaka, siaminba ki bi sii loone, yent kur ni saakɔɔ nan u daar, ki bi dint taanii nba daar taantorit na, nan bonkobit nba tuun toona na.

2 Kpanbara 7:1

Ki Elaisa jiin a, “Gbiintir linba ki Yennu piak: Wonn nna yoo, i won saa daa boroboro yonŋanin yonnann ŋmaŋ muntaa, koo yonlia yonnann ŋmaŋ munloob salimpeenn yennkɔɔe.”

Yaŋ 147:14

Ŋɔɔe te ki a tiŋ be li yamani, ki jikit jeŋant ki gboonta.

Yaŋ 78:19

Bi din pak ki biir Yennu ki yet a, “Yennu saa fit turit jeet kunkoouk na paaka-a?

Yaŋ 78:41

Bi din bikii Yennu-e yoo kur, ki dont Israel teeb Kasii Daanɔ maŋ wutoor.

Yaŋ 81:16

Ŋaan n saa dinni jeet nba ŋan, ki bia gbooni nan siat nba saa nyi tanfiiɔk ni.”

Esekiel 27:17

Ki Juda nan Israel teeb dia bi dii nan siat nan olif tiinii kpan nan bonnunubit nba ŋan ki pa, ŋaan gaan a tiat.

Matiu 14:17

Ki bi betɔ a “Boroboro kuna ŋanŋmu nan janbis ŋanlee kuukɔɔe be ti boor ni.”

Matiu 16:9

I bia lek daa ki bann li paaki-i? I ki tian maa daan jii boroboro kuna ŋanŋmu ki dinn jab tusaa ŋanŋmu na-a? Kpanchibit ŋanŋae ki i daan tikir jeet nba tenn na?

Barŋanii nba ki MAK din sɔb nae na 6:38

Ki u boib a “I mɔk boroboro kuna ŋanŋae? Ii saa got man.” Baa saan got ki bann yoo nba, ki bi jen ki tan betɔ a “Li tee boroboro kuna ŋanŋmue nan janbis ŋanlee.”

Barŋanii nba ki MAK din sɔb nae na 8:19

I tian yoo nba ki n ŋmit boroboro kuna ŋanŋmu ki dinn niib tusaa ŋanŋmu na-a? Kpanchibit ŋanŋae ki i tikir boroboro nba tenni?” Ki bi jiin a “Piik nan ŋanlee.”

Barŋanii nba ki LUK din sɔb nae na 9:13

Ki u jiin a, “I mɔŋ n turib jeet ki bin di.” Ki bi yetɔ a “Ti ki mɔk siar ki pukin boroboro kuna ŋanŋmu nan janii ŋanlee po, nɔkira ki ti saan saa daa jeet ki tan dinn nibur na.”

Jɔɔnn 11:21

Ki Maata bet Yiisa a, “N Yomdaanɔ, li-i tee ki a daan bo be nna na, n naa bik na daan bo kan kpo.

Jɔɔnn 11:32

Meeri nba baar Yiisa boor ki lau yoo nba, ki u gbaan u tɔɔnn, ŋaan yetɔ a, “N Yomdaanɔ, li-i tee ki a daan bo be nna na, n naa bik na daan bo kan kpo.”

Jɔɔnn 21:10

Ki Yiisa betib a, “Jiin janii nba ki i soor na waan, ki baar nann nna.”

Jɔɔnn 21:13

Ki Yiisa jii boroboro na ki turib, ki bia jii jaŋ na ki turib.

Jɔɔnn 21:9

Baa nyii burgbetir na ni yoo nba, ki bi la boroboro nan sankɔɔna muu, ki jaŋ paa muu na paak ki beet.

Jɔɔnn 6:11

Ki Yiisa jii boroboro na, ki tur Yennu niipoouk, ŋaan te ki bi tor niib nba kar maŋ; ki u bia jii janii na ki teen nna, ki bi kura dii ki saa jaŋ baa loon biaŋinba.

Jɔɔnn 6:7

Ki Filip jiin a, “Ti-i yaa ti daa boroboro ki tur niib na, li saa gar salimpeena kobii ŋanleewa, ki sɔɔ kur n fit la waan.”

2 Korint teeb 8:9

I mi ti Yomdaanɔ Yiisa Masia nuu nba yaa biaŋinba. U din tee mɔkitɔɔe, ŋaan ki i paak ki u kpant tarik, ki u tarik kpantu maŋ paak te ki yimm ji teen mɔkita.

Sennu 32:14

Ki bi nei nan buunii teemm biin bonchiann. Ki bi mɔk peŋanii nan buŋanii nan naaŋanii, ki mɔk jeet nba ŋan, nan daŋanin.

Sennu 8:8

tiŋ nba naan jeet bonchiann, ki mɔk tilontii bonchiann nan olif tiinii kpan nan siat,

Fiitu 6:6

Ki n gbat fuut, ki li tee nan kunkɔr na, ki nyii bonfoa banna na ni, ki yeen a, “Boroboro dii ŋmanbaŋ tee daar paauko, ki karwanta ŋmanbaŋ muntaa mun tee daar paauk; a ŋaan daa te ki kpan tiinii nan daan tiinii na namii.”